قازاقستان رەسپۋبليكاسى ءبىلىم جانە عىلىم مينيسترلىگىنىڭ بۇيرىعى №224

2011 جىلعى 30 مامىر, استانا قالاسى «جوعارى وقۋ ورنىنان كەيىنگى كاسىبي وقۋ باعدارلامالارىن ىسكە اسىراتىن ءبىلىم بەرۋ ۇيىمدارىنا وقۋعا قابىلداۋدىڭ ۇلگى ەرەجەسىن بەكىتۋ تۋرالى» قازاقستان رەسپۋبليكاسى ءبىلىم جانە عىلىم ءمينيسترىنىڭ 2008 جىلعى 1 ساۋىردەگى № 161 بۇيرىعىنا وزگەرىستەر مەن تولىقتىرۋلار ەنگىزۋ تۋرالى

بۇيىرامىن: 1. «جوعارى وقۋ ورنىنان كەيىنگى ءبىلىمنىڭ كاسىبي وقۋ باعدارلامالارىن ىسكە اسىراتىن ءبىلىم بەرۋ ۇيىمدارىنا وقۋعا قابىلداۋدىڭ ۇلگى ەرەجەسىن بەكىتۋ تۋرالى» قازاقستان رەسپۋبليكاسى ءبىلىم جانە عىلىم ءمينيسترىنىڭ 2008 جىلعى 1 ساۋىردەگى № 161 بۇيرىعىنا (نورماتيۆتىك قۇقىقتىق اكتىلەردى مەملەكەتتىك تىركەۋ تىزىلىمىندە № 5214 تىركەلگەن, «زاڭ گازەتىنىڭ» 2008 جىلعى 23 مامىرداعى № 77 (1477) جاريالانعان) مىناداي وزگەرىستەر مەن تولىقتىرۋلار ەنگىزىلسىن: كورسەتىلگەن بۇيرىقپەن بەكىتىلگەن جوعارى وقۋ ورنىنان كەيىنگى ءبىلىمنىڭ كاسىبي وقۋ باعدارلامالارىن ىسكە اسىراتىن ءبىلىم بەرۋ ۇيىمدارىنا قابىلداۋدىڭ ۇلگى ەرەجەسىندە: 1- تارماق مىناداي رەداكتسيادا جازىلسىن: «1. جوعارى وقۋ ورنىنان كەيىنگى كاسىبي وقۋ باعدارلامالارىن ىسكە اسىراتىن ءبىلىم بەرۋ ۇيىمدارىنا قابىلداۋدىڭ ۇلگى ەرەجەسى (بۇدان ءارى - ەرەجە) «ءبىلىم تۋرالى» قازاقستان رەسپۋبليكاسىنىڭ 2007 جىلعى 27 شىلدەدەگى جانە «عىلىم تۋرالى» قازاقستان رەسپۋبليكاسىنىڭ 2011 جىلعى 18 اقپانداعى زاڭدارىنا سايكەس ازىرلەندى.»; 2-تارماق مىناداي رەداكتسيادا جازىلسىن: «2. ەرەجە ازاماتتاردى جوعارى وقۋ ورىندارىنىڭ ماگيستراتۋراسىنا, اديۋنكتۋراسىنا جانە دوكتورانتۋراسىنا, جوعارى وقۋ ورىندارى مەن عىلىمي ۇيىمداردىڭ رەزيدەنتۋراسىنا قابىلداۋدىڭ ءتارتىبىن ايقىندايدى.»; 3-تارماق مىناداي رەداكتسيادا جازىلسىن: «3. جوعارى وقۋ ورىندارىنىڭ ماگيسترانتتارىنىڭ, اديۋنكتتارىنىڭ جوعارى وقۋ ورىندارى مەن عىلىمي ۇيىمداردىڭ رەزيدەنتۋراسىنىڭ تىڭداۋشىلارىنىڭ كونتينگەنتىن قالىپتاستىرۋ عىلىمي جانە پەداگوگيكالىق كادرلاردى دايارلاۋعا (قازاقستان رەسپۋبليكاسى ۇلتتىق قاۋىپسىزدىك كوميتەتىنىڭ ءبىلىم بەرۋ ۇيىمدارىندا مامانداردى دايارلاۋدان باسقا) مەملەكەتتىك ءبىلىم بەرۋ تاپسىرىسىن ورنالاستىرۋ, سونداي-اق ازاماتتاردىڭ ءوز قاراجاتتارى جانە باسقا دا كوزدەرى ەسەبىنەن وقۋ اقىسىن تولەۋ ارقىلى جۇزەگە اسىرىلادى. دوكتورانتتاردىڭ كونتينگەنتىن قالىپتاستىرۋ مەملەكەتتىك ءبىلىم بەرۋ تاپسىرىسى نەگىزىندە جۇزەگە اسىرىلادى.»; ءتورتىنشى ابزاتس مىناداي رەداكتسيادا جازىلسىن: «باسقا شەتەلدىك ازاماتتار جوعارى وقۋ ورىندارىنا, دەنساۋلىق سالاسىنداعى عىلىمي ۇيىمدارعا قازاقستان رەسپۋبليكاسىنىڭ زاڭناماسىندا, سونداي-اق قازاقستان رەسپۋبليكاسى بەكىتكەن حالىقارالىق شارتتاردا بەلگىلەنگەن تارتىپپەن قابىلدانادى.»; 4-تارماق مىناداي رەداكتسيادا جازىلسىن: «4. قازاقستان رەسپۋبليكاسى قورعانىس مينيسترلىگىنە, قازاقستان رەسپۋبليكاسى ىشكى ىستەر مينيسترلىگىنە, قازاقستان رەسپۋبليكاسى توتەنشە جاعدايلار مينيسترلىگىنە, قازاقستان رەسپۋبليكاسى ادىلەت مينيسترلىگىنە, قازاقستان رەسپۋبليكاسى ەكونوميكالىق جانە سىبايلاس جەمقورلىققا قارسى كۇرەس اگەنتتىگىنە (قارجى پوليتسياسى), قازاقستان رەسپۋبليكاسى ۇلتتىق قاۋىپسىزدىك كوميتەتىنە, قازاقستان رەسپۋبليكاسى پرەزيدەنتىنىڭ جانىنداعى مەملەكەتتىك باسقارۋ اكادەمياسىنا ۆەدومستۆولىق باعىنىستى جوعارى وقۋ ورىندارىنىڭ ماگيستراتۋرا, اديۋنكتۋرا جانە دوكتورانتۋراسىنا ازاماتتاردى قابىلداۋ ءبىلىم بەرۋ سالاسىنداعى ۋاكىلەتتى ورگانىمەن كەلىسىلگەن جەكە نورماتيۆتىك قۇقىقتىق اكتىلەرمەن رەتتەلەدى.»; 5-تارماق مىناداي رەداكتسيادا جازىلسىن: «5. جوعارى وقۋ ورىندارىنىڭ ماگيستراتۋراسىنا, اديۋنكتۋراسىنا جانە دوكتورانتۋراسىنا, جوعارى وقۋ ورىندارى مەن عىلىمي ۇيىمداردىڭ رەزيدەنتۋراسىنا ازاماتتاردى قابىلداۋ ءتۇسۋ ەمتيحاندارىنىڭ قورىتىندىسى بويىنشا كونكۋرستىق نەگىزدە جۇزەگە اسىرىلادى.»; 6-تارماقتىڭ ءبىرىنشى ابزاتسى مىناداي رەداكتسيادا جازىلسىن: «6. ماگيستراتۋراعا, رەزيدەنتۋراعا, اديۋنكتۋراعا جانە دوكتورانتۋراعا قابىلداۋدى دايىنداۋ ماماندىقتارىن كورسەتە وتىرىپ, بۇقارالىق اقپارات قۇرالدارى ارقىلى حابارلايدى.»; مىناداي مازمۇنداعى 6-1 تارماقپەن تولىقتىرىلسىن: «6-1. ماقساتتى تۇردە دايارلاۋ شەڭبەرىندە مەملەكەتتىك ءبىلىم بەرۋ تاپسىرىسى بويىنشا وقۋعا ۇمىتكەر ازاماتتاردىڭ وتىنىشتەرىن قابىلداۋ بازالىق جوعارى وقۋ ورىندارىندا جۇزەگە اسىرىلادى. ماگيسترلەر مەن فيلوسوفيا دوكتورلارىن (PhD)/بەيىنى بويىنشا دوكتورلاردى ماقساتتى دايارلاۋ – مۇددەلى تاراپتاردىڭ شارت جاساۋى نەگىزىندە جوعارى بىلىكتى عىلىمي جانە عىلىمي-پەداگوگيكالىق كادرلاردى دايارلاۋ بويىنشا مەملەكەتتىك ءبىلىم بەرۋ تاپسىرىسى بويىنشا جوعارى وقۋ ورىندارىنىڭ جانە عىلىمي ۇيىمداردىڭ شارالارى مەن ءىس-قيمىلدارىنىڭ جۇيەسى.»; 7-تارماقتىڭ ءبىرىنشى ابزاتسى مىناداي رەداكتسيادا جازىلسىن: «7. جوعارى وقۋ ورىندارىنىڭ ماگيستراتۋراسىنا, اديۋنكتۋراسىنا جانە دوكتورانتۋراسىنا, جوعارى وقۋ ورىندارى مەن عىلىمي ۇيىمداردىڭ رەزيدەنتۋراسىنا تۇسۋشىلەردىڭ ءوتىنىشىن قابىلداۋ 1-30 شىلدە ارالىعىندا وتكىزىلەدى.»; 8-تارماق مىناداي رەداكتسيادا جازىلسىن: «8. ماگيستراتۋرا, اديۋنكتۋراعا ءتۇسۋ ەمتيحاندارىنىڭ باعدارلامالارىن جوعارى وقۋ ورىندارى, جوعارى وقۋ ورىندارى مەن عىلىمي ۇيىمداردىڭ رەزيدەنتۋراسىنا جوعارى ءبىلىم بەرۋ پاندەرى بويىنشا ۇلگى باعدارلامالاردىڭ نەگىزىندە قالىپتاستىرادى. دوكتورانتۋراعا ءتۇسۋ ەمتيحاندارىنىڭ باعدارلامالارىن جوعارى وقۋ ورىندارى ماگيستراتۋرانىڭ كاسىبي وقۋ باعدارلامالارىنىڭ نەگىزىندە قالىپتاستىرادى.»; 10-تارماق مىناداي رەداكتسيادا جازىلسىن: «10. ماگيستراتۋراعا, اديۋنكتۋراعا جوعارى وقۋ ورىندارىنا, رەزيدەنتۋراعا - جوعارى وقۋ ورىندارى مەن عىلىمي ۇيىمدارىنا ءتۇسۋشى تۇلعالار كەلەسى قۇجاتتاردى تاپسىرادى:»; 11-تارماقتا 2) تارماقشا الىنىپ تاستالسىن; 12-تارماق مىناداي رەداكتسيادا جازىلسىن: «12. دوكتورانتۋراعا ءتۇسۋشى تۇلعالار جوعارى وقۋ ورىندارىنا كەلەسى قۇجاتتاردى تاپسىرادى: 1) ۇيىم باسشىسىنىڭ اتىنا ءوتىنىش; 2) زەرتتەۋ تاقىرىبى بويىنشا قازاق نەمەسە ورىس تىلدەرىندە اۆتورەفەرات نىسانىنداعى نەگىزدەمە; 3) جەكە كۋالىگىنىڭ كوشىرمەسى; 4) ءبىلىمى تۋرالى نوتاريالدى كۋالاندىرىلعان قۇجاتتار, وسى ەرەجەنىڭ 5-1-تارماعىندا كورسەتىلگەن باعدارلامالار بويىنشا تەست تاپسىرعاندىعى تۋرالى سەرتيفيكات كوشىرمەسى; 5) بار بولعان جاعدايدا عىلىمي جانە عىلىمي-ادىستەمەلىك جۇمىستارىنىڭ ءتىزىمى; 6) 086-ۋ نىسانىنداعى مەديتسينالىق انىقتاما قاعازى; 7) بار بولعان جاعدايدا كادرلار ەسەبى بويىنشا جەكە قاعازى جانە نوتاريالدى كۋالاندىرىلعان ەڭبەك كىتاپشاسىنىڭ كوشىرمەسى; 8) باسقا وقۋ ورىندارىندا, اسپيرانتۋرادا وقىعاندىعىن كۋالاندىراتىن قۇجاتتار كوشىرمەسى; 9) قۇجاتتار تىزىمدەمەسى.»; 16-تارماق مىناداي رەداكتسيادا جازىلسىن: «16. ماگيستراتۋراعا, اديۋنكتۋراعا جانە دوكتورانتۋراعا جوعارى وقۋ ورنىندا, رەزيدەنتۋراعا جوعارى وقۋ ورىندارى مەن عىلىمي ۇيىمداردا ءتۇسۋ ەمتيحانىن وتكىزۋ مەرزىمىندە قابىلداۋ جانە ماماندىقتار بويىنشا ەمتيحان كوميسسيالارى قۇرىلادى.»; 17-تارماق مىناداي رەداكتسيادا جازىلسىن: «17. قابىلداۋ كوميسسياسىنىڭ توراعاسى جوعارى وقۋ ورنىنىڭ نەمەسە دەنساۋلىق سالاسىنداعى عىلىمي ۇيىمنىڭ باسشىسى بولىپ تابىلادى.»; 18-تارماقتىڭ ءبىرىنشى, ءۇشىنشى ابزاتستارى مىناداي رەداكتسيادا جازىلسىن: «18. ماماندىقتار بويىنشا ەمتيحان كوميسسياسى بەرىلگەن وڭىردەگى جوعارى وقۋ ورىندارى مەن دەنساۋلىق سالاسىنداعى عىلىمي ۇيىمداردىڭ ماماندىقتارعا سايكەس جوعارى بىلىكتى عالىمداردىڭ سانىنان قۇرالادى. ماماندىقتار بويىنشا ەمتيحان كوميسسياسىنىڭ قۇرامى جوعارى وقۋ ورىندارى نەمەسە دەنساۋلىق سالاسىنداعى عىلىمي ۇيىمدارى باسشىسىنىڭ بۇيرىعىمەن بەكىتىلەدى.»; مىناداي مازمۇنداعى 24 -1, 24 -2 تارماقتارمەن تولىقتىرىلسىن: «24-1. ماگيسترلەر مەن فيلوسوفيا دوكتورلارىن (PhD)/بەيىنى بويىنشا دوكتورلاردى دايارلاۋ مەملەكەتتىك ءبىلىم بەرۋ تاپسىرىسى بويىنشا ماقساتتى ورىندارعا ازاماتتاردى قابىلداۋ كونكۋرس نەگىزىندە ناقتى ءبىر تاپسىرىس بەرۋشىنىڭ ماقساتتى ورنىنان ۇمىتكەر ادامدار اراسىندا جەكە وتكىزىلەدى. «24-2. ماقساتتى دايارلاۋ شەڭبەرىندە مەملەكەتتىك ءبىلىم بەرۋ تاپسىرىسى بويىنشا وقۋعا تۇسكەن ءاربىر ماگيسترانتپەن/دوكتورانتپەن «بازالىق جوعارى وقۋ ورنى - جوو/عىلىمي ۇيىم - ماگيسترانت/دوكتورانت» ۇلگىسىندە ءۇش جاقتى شارت جاسالادى.». 2. جوعارى جانە جوعارى وقۋ ورنىنان كەيىنگى ءبىلىم دەپارتامەنتى (س.م. ومىرباەۆ): 1) وسى بۇيرىقتىڭ قازاقستان رەسپۋبليكاسى ادىلەت مينيسترلىگىندە مەملەكەتتىك تىركەلۋىن قامتاماسىز ەتسىن; 2) مەملەكەتتىك تىركەۋدەن وتكەننەن كەيىن وسى بۇيرىقتى بۇقارالىق اقپارات قۇرالدارىندا جاريالاسىن. 3. وسى بۇيرىقتىڭ ورىندالۋىن باقىلاۋ ۆيتسە-مينيستر م.ك. ورىنحانوۆقا جۇكتەلسىن. 4. وسى بۇيرىق العاش رەت رەسمي جاريالانعاننان كەيىن قولدانىسقا ەنگىزىلەدى. مينيستر ب.جۇماعۇلوۆ. بۇيرىق قازاقستان رەسپۋبليكاسىنىڭ ادىلەت مينيسترلىگىندە 2011 جىلعى 27 ماۋسىمدا نورماتيۆتىك قۇقىقتىق كەسىمدەردى مەملەكەتتىك تىركەۋدىڭ تىزىلىمىنە №7050 بولىپ ەنگىزىلدى.