جاقسىنى جاقسىلىققا جوريىق

حالقىمىز ىرىمعا جاقسى قا­راي­دى. نەشە ءتۇرلى ءتۇس كورسە دە, جاقسىعا جورۋ­عا تىرىسادى. البەتتە, مۇنىسى دۇرىس تا. جاقسىلىقتى جاقسىلىق شاقى­رادى ەمەس پە؟! حالقىمىز: «جاق­سى ءسوز, جارىم – ىرىس» دەيدى. اڭگىمەنى بۇلاي باس­تاۋىمنىڭ دا ءجونى بار. ناۋرىز ايى­نىڭ ورتاسى ەدى. پرەزيدەنت سايلاۋى­نا ۇگىت-ناسيحاتتىڭ ناعىز قىزعان كەزى بولاتىن. سول ۋا­قىتتا ءوزىمنىڭ جەكە قوجالىعىمداعى ساۋلىقتىڭ ءبىرى ءتول­دەدى. كادىمگى كوك قوزى, وڭ بۇيىرىنەن «ن» ءارپىن كورىپ: «وسى سايلاۋدا تۇڭ­عىش ەلباسىمىز نۇرەكەڭ ايقىن باسىمدىقپەن جەڭىسكە جەتەدى ەكەن», – دەپ اۋىل اقساقالدارى بولىپ, جاقسى­لىققا جورىدىق. بۇكىل الەم تانىپ, مويىنداعان ەل­باسىمىزدى ماقتان ەتەمىز. بۇكىل اۋىل بولىپ, سايلاۋدا داۋسىمىزدى دا بەردىك. اسا زور باسىمدىقپەن سول سايلاۋدا جە­ڭىسكە جەتتى. ەلباسىمىزدىڭ باس­تاۋىمەن ەلىمىزگە اللا تاعالا نەبىر يگىلىكتەردى ءناسىپ ەتۋدە. ەسىل وزەنى جاعالاۋىنان از ۋاقىتتا كەرەمەت ەرتەدەگىدەي اسەم قالا استانانىڭ بوي كوتەرۋىنىڭ ءوزى نە تۇرادى؟! قازاقستان بىلتىر ەقىۇ-عا, ال بيىل 57 مۇشە ەلى بار يسلام ىن­تى­ماقتاستىعى ۇيىمىنا توراعا بولدى. مۇ­نىڭ ءوزى تاۋەلسىزدىگىن العان 20 جىلداعى زور جەتىستىك ەمەس پە؟! كەشەگى كوك قوزى بۇگىندە مارقاعا اينالدى (سۋرەتتە). «ن» ءارپى سىرت كوزگە دە انىق ايقىن كورىنەدى. بۇل ءارىپتى ەلباسىنىڭ ەسىمىمەن باي­لا­نىستىرۋشى اۋىلداستارىم ونى كور­گەن سايىن كەشەگى سايلاۋدى ەسكە الادى. اسقار الىبەكوۆ, ىنتىماق اۋىلىنداعى جەكە قوجالىق يەسى. وڭتۇستىك قازاقستان وبلىسى, ماقتاارال اۋدانى.