ۇياتى جوق ۇرىلار

بۇل الاياق جاندارعا داۋا جوق ەكەن عوي. ولاردىڭ قايسىبىرى زەي­نەت­اقىسىمەن جان باعىپ وتىرعان زەينەتكەرلەرگە اۋىز سالا باس­تاپ­تى. ولار وسى ماقساتپەن قوي تەرىسىن جامىلعان قاسقىرعا ۇقساپ, يىقتارىنا ادام اراشاشىسى اتان­عان دارىگەرلەردىڭ اق حالاتىن ءىلىپ الادى ەكەن دە, زەينەت­كەر­لەر­دىڭ ەسىگىن قاعاتىن كورىنەدى. سونان سوڭ ءاناليزدى ۇيدەن الىپ كەتۋگە كەلدىك دەپ وزىنشە قامقور­لىق تانىتاتىنىن قايتەرسىز. وسى سوزگە قۇدايداي سەنگەن ءبىر كەيۋانا بۇلار ۇسىنعان قۇ­تى­نى قولعا الىپ اجەتحاناعا كىرىپ كەتكەندە, الاياقتار شكاف ىشىندە تۇرعان 260 مىڭ تەڭگەنى ۇپتەپ ءۇل­گەرەدى. كەلەسى جولى تاعى دا وسى تاسىلمەن ەكىنشى ءبىر اجەيدى تا­قىر­عا وتىرعىزباق بولعاندا جول­دا­رى كەسىلەدى. ياعني, ءۇي يەسى ساقتىق تانىتىپ, ساقشىلارعا حابار بەرىپ ۇلگەرەدى. قازىردە ولاردى ىزدەستىرىپ جا­تىرمىز دەيدى ىشكى ىستەر قىز­مەت­كەرلەرى. ازىرگە بەلگىلى ءجايت سول, مۇنىڭ ەكەۋى دە جاستارى 20-25-تەگى «ارۋلار» كورىنەدى. ءبىرى ازيا­لىق, ەكىنشىسى ەۋروپالىق ۇلت وك­ىل­دەرى بولىپ تابىلاتىن ولاردىڭ بوي مولشەرى دە ىزدەستىرۋشىلەرگە ءما­لىم. زەينەتكەرلەردى زار قاقسات­قان الاياقتار كوپ ۋاقىت وتپەي جا­تىپ قولعا تۇسەتىندىگىنە سەنىم زور. ۇرىدا ۇلت تا, ۇيات تا بول­ماي­دى دەگەن وسى ەكەن. داۋلەت سەيسەن ۇلى , سەمەي.