01 شىلدە، 2011

پارسى شىعاناعىنا شىعاراتىن شاقىرىمدار

249 رەت كورسەتىلدى

جاڭا ونجىلدىق – جاڭا ەكونوميكالىق ورلەۋ – قازاقستاننىڭ جاڭا مۇمكىندىكتەرى

«ءبىز قازىردىڭ وزىندە “جەتىگەن-قورعاس” جانە “وزەن-تۇركىمەن­ستان­مەن مەملەكەتتىك شەكارا” تەمىر جول جەلىلەرىن سالىپ جا­تىر­مىز، ولار ءىس جۇزىندە ءبىزدىڭ ونىمدەرگە قىتاي مەن پارسى شىعاناعى ەلدەرىنىڭ رىنوكتارىنا جول اشادى». قازاقستان رەسپۋبليكاسىنىڭ پرەزيدەنتى ن.ءا.نازارباەۆتىڭ 2010 جىلعى قازاقستان حالقىنا جولداۋىنان «وزەن – تۇركىمەنستانمەن مەملەكەتتىك شەكارا» جاڭا تەمىر جول ماگيسترالى – «وزەن-قىزىلقيا-بەرەكەت-ەترەك-گورگان» حا­لىقارالىق جوباسىنىڭ ءبىر بولشەگى.  ەۋرازيا مەن يران تەڭىز ايلاقتارىن بارىنشا جاقىنداستىراتىن سولتۇستىك-وڭ­تۇس­تىك ستراتەگيالىق ترانسۇلتتىق ءدالىزىنىڭ ماڭىزدى تەلىمىن اشۋ 2011 جىلدىڭ قازان ايىنا جوسپارلانىپ وتىر. «وزەن – تۇركىمەنستانمەن مەملەكەتتىك شەكارا» جوباسى قازاقستان ەكو­نو­ميكاسىن سەرپىندى دامىتۋ اياسىنداعى كولىك جانە ونىڭ ينفراقۇرىلىمىن جاڭعىرتۋ سالاسىنداعى اسا ءىرى جوبالاردىڭ بىرىنەن سانالادى. پرەزيدەنتتىڭ تاپسىرماسىمەن ۇدەمەلى يندۋستريالىق-يننوۆاتسيالىق باعدارلاماسىندا كورسەتىلگەن جەتىگەن-قورعاس تەلىمىمەن قاتار اتالاتىن اۋقىمدى قۇرىلىس. بۇل باعدار يران، ارمەنيا، گرۋزيا اراسىنداعى تاۋار الماسۋدى جەدەلدەتىپ، ورتالىق ازيا مەملەكەتتەرى مەن قىتاي ارا­سىن­داعى ساۋ­دا قاتىناسىنا تىڭ سەرپىن بەرەدى. ايماقتاعى حالىقارالىق تاۋار اينالى­مى جۇيەسىندە قازاقستاننىڭ تەمىر جول ارقىلى تاياۋ شى­عىس­قا شىعا الاتىن قىسقا باعدارى اشىلادى. بۇل اسا اۋقىمدى حالىقتىق قۇرىلىستى اتقارۋدى مەملەكەت باسشىسى نۇرسۇلتان نازارباەۆ 2009 جىلى «قازاقستان تەمىر جولى» ۇلتتىق كوم­پانياسى» اق-عا جۇكتەدى. تەمىرجولدىڭ قازاقستاندىق 146 شاقىرىمدىق بولىگىندە 68 جاساندى يمارات، 7 ستانسا مەن جول ايىرىقتارى، ءتورت كوپىر سالىنادى. قۇرىلىس جۇمىس­تارىنا ەلىمىزدىڭ تۇكپىر-تۇكپىرىنەن ەكى مىڭعا جۋىق مامان تار­تىلعان. قازاقستان پرەزيدەنتىنىڭ تاپسىرماسىنا وراي «قتج» ۇك» اق تەمىر جول تەلىمىندەگى تاپسىرىستاردىڭ 80 پايىزىن وتاندىق ءوندىرىس ورىن­دارىنا ورنالاستىردى. بۇگىنگى تاڭدا رەلس توركوزدەرىن توسەۋ مەن سۋاعارلار جانە كوپىرلەر سەكىلدى جاساندى يماراتتاردىڭ قۇرىلىسى تولىعىمەن اياقتالدى. تەلىمنىڭ بارلىق جەلىلەرىنە باعاندار ورناتىلىپ، ەلەكتر قۋاتى بەرىلە باستادى. قۇرىلىسشىلار ستانسالار مەن جول ايىرىقتارىن اباتتاندىرۋ جۇ­مىس­تارىن دا كەستەگە ساي جۇرگىزۋدە. وزەن ستانساسى بارىنشا كەڭەيتىلىپ، جاڭ­عىر­تىلۋدا. مۇندا 100 جولاۋشىعا ارنالعان جايلى ۆوكزال بوي كوتە­رىپ، ينفراقۇرىلىمى سايكەستەندىرىلۋدە. الەۋمەتتىك ماقساتتاعى ارق­اي­سى­سى 320 ورىندىق ەكى بالاباقشا، مونشا، باسقا دا نىساندار تۇرعىزىلادى. جاڭادان سالىنعان بولاشاق ستانساسىندا 25 جولاۋشىعا ارنالعان ۆوكزالمەن بىرگە قىزمەتتىك-تەحنيكالىق عيماراتتار بوي كوتەرەدى. 80 وقۋ­شىعا ارنالعان مەكتەپ، 50 ورىندىق بالاباقشا، جەلىلىك امبۋلاتوريا، ونەر­كاسىپتىك جانە ازىق-ت ۇلىك دۇكەندەرى، اسحانا، ناۋبايحانا اشۋ كوزدەلگەن. تەمىر جول جەلىسىنىڭ قۇرىلىسى بارىسىن تۇراقتى باقىلاۋ جونىندە شتاب قۇرىلعان. جاڭا تەمىر جول ماگيسترالى ەلىمىزدىڭ باسەكەلەستىككە ساي الەۋەتىن ءوسىرىپ، قازاقستان رەسپۋبليكاسىن جاڭا حالىقارالىق كولىك دالىزىنە باستايدى. ەسكەندىر ەرتاي. سۋرەتتەردى تۇسىرگەن يۋري بەككەر. باستى جول توسەلدى، كەلەسى كەزەكتە كىرەبەرىس جولدار قۇس قاناتى تالاتىن بيىكتەن قاراعانداعى ماگيسترال جول بويىنداعى تۇرعىن ۇيلەر مەن الەۋمەتتىك نىساندار قازاقستاننىڭ تۇركىمەنستانمەن تۇيىسەتىن تەلىمىنە تاياق تاستام جەر قالىپ تۇر بوپاي ستانساسى ترانزيتتىك پويىزدار وتەتىن ءىرى بەكەتكە اينالادى دەپو، ۆوكزال، ديسپەتچەرلىك ورتالىقتاردىڭ ينفراقۇرىلىمى دامىتىلۋدا جوباعا كەرەكتى قۇرىلىس ماتەريالدارى جاڭا جولمەن جەتكىزىلۋدە «وزەن –تۇركىمەنستان مەملەكەتتىك شەكارا» جەلىسىمەن  ماڭعىستاۋدىڭ ماڭ دالاسىنا جان كىردى
سوڭعى جاڭالىقتار

پاگانيني

ونەر • كەشە

وتىز جىلدىققا وي قورىتقان

قازاقستان • كەشە

ۇقساس جاڭالىقتار