01 شىلدە، 2011

تۇرعىندارعا ءتيىمدى باعدارلاما

241 رەت كورسەتىلدى
كوپقاباتتى تۇرعىن ءۇي­لەردى جاڭارتۋعا (مودەرنيزاتسيالاۋ) قاتىستى مەملەكەتتىك باع­دارلاما سەمەيدە ءوز ءنا­تيجەسىن بەرە باستادى. بايىپ­تاپ قارا­عانعا بۇل باس­تاما ءبىرىنشى كەزەكتە كوپقا­باتتى تۇرعىن ءۇي يەلەرىنە ءتيىمدى. توتەلەي ايت­قاندا ءوز­دەرى تۇرىپ، يگىلىگىن كو­رىپ جاتقان ۇيلەرىن نەسيە ار­قى­لى زامانعا ساي كۇردەلى ءجون­دەۋدەن وتكىزىپ الۋىنا ابدەن بولادى. سول ۇشىندە بارلىق ءما­سە­لەلەر ۇكىمەت تاراپى­نان ءتيى­سىنشە ساراپتالىپ، تۇر­عىن­داردىڭ تولەم جاع­داي­لارىنا قاراي وڭتايلان­دى­رىلعان. سەمەيدە وسى باعدارلا­ما­نىڭ اۋەلگى جوباسىنا جوس­پار­لانعان 20 كوپقابات­تى ءۇيدىڭ ال­­عاشقىسىنا ءجون­دەۋ جۇمىس­تا­رى جۇرگىزىلىپ تە كەتتى. اۋەزوۆ داڭعىلى 27-ءشى ءۇي تۇر­عىن­دارى مەن قۇرىلىسشى مەردىگەرلەر ارا­سىندا كەلىسىم-شارت جاسا­لىپ، جالپى جۇمىس­تىڭ سمە­تالىق-جوباسى دا انىق­تال­عان. ماسەلەن، ءدال وسى عي­ماراتتاعى تيەسىلى تۇرعىن الا­ڭى ەڭ ۇلكەن پاتەر يەسى نەسيەنى ايىنا 3800 تەڭگە­دەن تولەپ تۇر­ماق. وسىن­داي جولمەن تۇ­عىن­دار ءوز ۇلەس­تەرىندەگى جالپى نەسيەنى 7 جىل­دا قايتارىپ بىتپەك. سو­نىمەن بىرگە بۇل باعدار­لاما اياسىندا جوندەۋ جۇمىسى ءجۇر­گىزىلەتىن ۇيلەردە الەۋ­مەت­تىك تۇرعىدان تولەم قا­بىلەتى جەت­كىلىكسىز وتبا­سىلار بولسا، ولرعا دا ۇكىمەت تارا­پىنان جە­ڭىل­دىكتەر قاراس­تى­رىلاتىن كورىنەدى. بۇل باعدارلامانىڭ تۇر­عىندارعا ءتيىمدى دەپ ەسەپتەلەتىندىگى – ولار قالتالا­رىنان ەش قوسىمشا قارجى شىعارماستان تۇرىپ جاتقان ۇيلەرىن جاڭار­تىپ الماق. جاڭا سيپاتتا ءجون­دەۋدەن ءوت­كەن ۇيلەر كوزتارتار ادەمى بولۋىمەن بىرگە، سول عي­ما­­رات­تاعى پاتەرلەر قۇنى دا قىم­باتتاي تۇسەتىنى انىق. بۇل جاعىنان دا تۇرعىندار ۇتپاسا ۇتىلمايدى. بىراق، وسىنداي قولايلى باعدارلا­مانىڭ بەرەرى مول ەكەنىن ءبىر­دەن ءتۇسىنىپ كەتە الماي جات­قان تۇرعىندار دا از ەمەس. سول سەبەپتى دە جەرگىلىكتى اكىمدىك قىزمەتكەرلەرى تۇرعىن ۇيلەردى جوندەپ الۋ­دىڭ وڭتاي­لى كەزەڭىن دۇرىس پايدالانا ءبىلۋ قاجەتتىگى جايلى ناسيحات جۇمىستارىن جالعاستىرۋدا. قايرات زەكەن ۇلى،  سەمەي.
سوڭعى جاڭالىقتار

پاگانيني

ونەر • كەشە

وتىز جىلدىققا وي قورىتقان

قازاقستان • كەشە

ۇقساس جاڭالىقتار