01 شىلدە، 2011

قوس ارىستىڭ بەينەسى

316 رەت كورسەتىلدى
بەلگىلى قالامگەر، تەلە­جۋر­نا­ليستيكانىڭ تاجىريبەلى تار­لانى، قازاقستاننىڭ ەڭبەك ءسى­ڭىر­گەن قايراتكەرى ماقات سا­دىق بىرنەشە دەرەكتى فيلم­دەردىڭ اۆتورى رەتىندە جۇرت­شى­لىققا كەڭىنەن تانىمال. جىل باسىنان بەرى ونىڭ بۇل ونەردەگى قولتاڭ­باسىن ايقىن­داعان ەكى دەرەكتى تۋىندىسى ەلىمىزدىڭ ءبىراز تەلە­ارنالارى ارقىلى كورەرمەندەر تالقى­سىنا سالىنىپ، جوعارى باعا يەلەنىپ ۇلگەردى. اتاپ ايت­ساق، «مىرجاقىپ دۋلاتوۆ» جانە «باۋىرجان مومىش ۇلى» دەرەكتى فيلمدەرى قازاقستان رەس­پۋب­ليكاسى بايلانىس جانە اقپارات مينيسترلىگىنىڭ تاپسى­رىسى بو­يىن­شا («ماكنات، STUDIO») شىققان بولاتىن. «مىرجاقىپ دۋلاتوۆ» فيلمىندە الاش ارىسىنىڭ كۇرەس­كەرلىك بەينەسى جان-جاقتى قى­رى­نان اشىلعان. ءوز كەزەگىندە عالىمدار م.جولداسبەكوۆ پەن د.قامزابەك ۇلى، س.يمانباي مەن ا.مۇساعاليەۆا ت.ب. م.دۋلاتوۆ­تىڭ جاڭا زامان ورناتۋعا دەگەن ۇمتىلىسىنىڭ جارقىن بەتتەرىن تەرەڭنەن قوزعاپ، مانىمەن اڭگى­مە­لەپ بەرگەن. سونداي-اق گۇل­نار مىرجاقىپقىزىنىڭ اكەسى­نىڭ دوسقا ادال ءارى ۋادەگە بەرىكتىگىن، شىنشىلدىعى مەن يمان­دىلىعىن تاراتىپ ايتقان ونەگە­لى ءسوزى كورەرمەندەر زەردەسىنە قونىپ جاتۋىمەن قۇندى. ال «باۋىرجان مومىش ۇلى» ءفيلمى دە مازمۇن تەرەڭدىگىمەن باۋراپ الادى. سەناتور و.ءابدى­كارىموۆ، جازۋشىلار ءا.نۇر­شا­يىقوۆ پەن م.قالدىباي، اۋعان سوعىسىنىڭ ارداگەرى ب.سماعۇل، باتىردىڭ ۇلى باقىتجان مو­مىش ۇلى مەن كەلىنى ز.احمەتوۆا ءوز ەستەلىكتەرىندە قازاقتىڭ قا­ھارمان تۇلعاسىنىڭ ءومىر، جاۋىن­­گەرلىك جولىنان ۇلاعاتتى ونەگە تيەگىن اعىتادى. مىرجاقىپ دۋلاتوۆتان ۇر­پاق اۋىسار شيرەك عاسىر كەيىن ومىرگە كەلگەن باۋىرجان مو­مىش­ ۇلىنىڭ «ويان، قازاق» جا­ريا­لانعانىنا 25 جىل وتكەندە مىنانداي جۇرەكجاردى جاۋا­بىن جازعانى بەلگىلى: سىر ايتام، ساعان، حالقىم،  ۇعا بىلسەڭ، دايىنمىن وت پەن سۋعا ماعان سەنسەڭ. ارىڭدى اق نيەتپەن اقتاماسام، ىرزامىن تەرىس قولمەن باتا بەرسەڭ. مىنە، وسى ومىرلىك ۇستانى­مىنا باتىر ءاردايىم ادال بولا ءبىلدى. فيلمدە دە سونداي الماس قىرىنان جارقىراپ كورىنگەن. قوس دەرەكتى تۋىندىداعى بۇل تاريحي تۇلعالاردىڭ عۇ­مى­رى مەن شىعارماشىلىعى: كەشەگى، بۇگىنگى جانە بولا­شاقتاعى ۇرپاق ءۇشىن – ومىرلىك ونەگەلى وسيەت ەكەندىگىنە كو­رەرمەندەر كوزى ابدەن جەتەتىن سەكىلدى. قايسار ءالىم، استانا.
سوڭعى جاڭالىقتار

پاگانيني

ونەر • كەشە

وتىز جىلدىققا وي قورىتقان

قازاقستان • كەشە

ۇقساس جاڭالىقتار