توراعالىق تابىستى جالعاسادى

مەملەكەت باسشىسى نۇر­سۇلتان نازارباەۆ ەۋروپا كەڭەسى پارلامەنتتىك اسسام­بلەيا­سىنىڭ (ەكپا) ءتور­اعا­سى مەۆليۋت چاۆۋ­ش­وعلىمەن كەزدەستى, دەپ حا­بارلادى قا­زاقستان رەسپۋب­ليكاسى پرە­زي­دەنتىنىڭ باس­پاسوز قىزمەتى. كەزدەسۋ بارىسىندا تاراپتار قازاقستان مەن ەكپا-نىڭ جاي-كۇيى مەن ىنتىماقتاستىعىنىڭ كەلەشەگىن تالقىلادى. – ءبىز قازاقستانمەن وتە جاق­سى ىنتىماقتاستىقتامىز. بىرنەشە جىل بۇرىن ءبىزدىڭ ارا­مىزدا ىن­تى­ماقتاستىق تۋرالى شارتقا قول قويىلعان. قازاق­ستان پارلامەنتى ءبىزدىڭ سەس­سيا­مىزعا قاتىسىپ تۇ­را­دى. ءبىز بىرلەسكەن ءىرى ءىس-شا­رالارعا قاتى­سا­مىز. ءبىز جەمىستى قاتىناستارى­مىزدى قالىپتاس­تى­رۋى­مىز كەرەك. وسىعان بايلا­نىستى ءبىز قازاقستانعا ەۋروپا كەڭەسىنىڭ دەموكراتيا جونىندەگى سەرىك­تەسىنىڭ جاڭا مارتەبەسىن قا­بىلداۋ مۇمكىندىگىن قاراۋدى ۇسىن­دىق. ءبىز مۇنداي جاڭا ءمار­تەبەنى تەك قانا انىقتالعان ءول­شەمدەر مەن تالاپتارعا سايكەس كە­لەتىن ەلدەرگە ۇسىنامىز. قازاق­ستان ءوز تاۋەلسىزدىگىنىڭ 20 جىلى ىشىندە الەۋمەتتىك-ەكونو­ميكالىق جانە ساياسي دامۋىندا ايتار­لىق­تاي تابىستارعا جەتكەن ەل رەتىندە اتالعان مارتەبەگە سايكەس كەلەتىنىنە سەنەمىن. كەلەشەكتە قازاق­ستان پارلامەنتى اتالعان ماسە­لە­نى جان-جاقتى قاراپ, ول جونىندە وڭ شەشىم قا­بىلدايدى دەپ سەنىم ارتامىن, – دەپ اتاپ ءوتتى م.چاۆۋشوعلى. كەزدەسۋ بارىسىندا سونداي-اق استانادا ءوتىپ جاتقان يىۇ-عا مۇشە ەلدەر سىرتقى ىستەر مينيسترلەرى كەڭەسى سەس­سيا­سىنىڭ ماسە­لەلەرى تالقى­لاندى. – مەن وسىمەن قازاقستانعا ءۇشىنشى رەت كەلىپ تۇرمىن. بۇل جولى مەن يسلام ىنتى­ماق­تاستىق ۇيىمىنا مۇشە ەلدەر سىرتقى ىستەر مينيسترلەرى كە­ڭە­سىنىڭ وتى­رى­سىنا قاتىسۋدا­مىن. بۇعان دەيىن دە قازاقستان ەقىۇ-عا تا­بىس­تى توراعالىق ەتتى. يىۇ-عا ءتور­اعا­لىعى دا سونداي تابىسپەن وتەتىنىنە سەنەمىن. مەملەكەت باس­شى­سىنىڭ سەسسيانى اشارداعى اسەر­لى ءسوزىن اتاپ وتكىم كەلەدى. مەم­لەكەت باس­شىسى ۇيىمنىڭ پروب­لەمالارىنا قاتىستى وزىندىك كوزقاراسىن ءبىلدىردى. وندا ورىن الىپ وتىرعان پروب­لەمالاردى شە­شۋ, سونداي-اق يىۇ-عا مۇشە ەلدەردى بىرىكتىرۋ جونىندە ناقتى ۇسىنىستار ايتىلدى. قا­زاق­ستان­نىڭ ەقىۇ-عا توراعالىعى وتە تا­بىستى ءوتتى. مەملەكەت باس­شى­سى كوتەرگەن ەۋرازيالىق ينتەگراتسيا ءجو­نىندەگى باستاما وتە قا­جەتتى جانە تابىستى بولدى. قا­زاق­ستان كۇللى الەمگە دىنارالىق جانە ەت­نوس­ارالىق تولەرانتتى­لىق­تىڭ ءۇل­گى­سىن كورسەتتى. بۇل ۇلگى بۇگىندە ۇلت­شىلدىق پەن ەكس­ترە­ميستىك ما­عىناداعى كورىنىستەردىڭ ءوسۋى بايقالىپ وتىرعان ەۋروپا ءۇشىن وتە ماڭىزدى, – دەدى م.چا­ۆۋشوعلى جۋرناليستەرگە ارنال­عان بريفينگ كەزىندە. سۋرەتتى تۇسىرگەندەر س.بوندارەنكو, ب.وتارباەۆ.