ساياجاي, باۋ-باقشا شارۋاشىلىقتارى دامىتىلماق

پرەمەر-مينيستر كارىم ءماسىموۆتىڭ توراعالىعىمەن وتكەن كەشەگى ۇكىمەت وتىرىسىندا ساياجاي, باۋ-باقشا جانە قوسالقى شارۋاشىلىقتاردى دامىتۋدىڭ 2011-2014 جىلدارعا ارنالعان شارالار كەشەنى قارالدى. وسى ماسەلە بويىنشا بايانداما جاساعان اۋىل شارۋاشىلىعى ءمينيسترى اسىلجان مامىتبەكوۆ مينيسترلىكتىڭ مالىمەتتەرى بوي­ىن­شا قازىرگى كۇنى ازاماتتاردىڭ جەكە قوسالقى شارۋاشىلىق­تا­رىن­داعى ونىمدەر اۋىل شا­رۋا­شىلىعى ءوندىرىسىنىڭ 56,8 پايى­زىن قۇرايتىندىعىن ايتتى. مي­نيستردىڭ مالىمدەۋىنشە, ساياجاي جانە باۋ-باقشا يەلەرىنىڭ وسى سا­لالاردى دامىتۋعا قاتىستى تالا­بى سونشاما كوپ ەمەس. ەڭ باس­تى­سى, وسىمدىكتەردى سۋاراتىن سۋ, قاجەتتى ەلەكتر قۋاتى, ساياجاي­لا­رى­نا جەتۋ ءۇشىن اۆتوبۋس قاتى­ناسى مەن ونىمدەردى ساقتاۋ باعى­تىندا قوعامدىق كۇزەت ءتارتىبى بولسا جەتىپ جاتىر. قارالىپ وتىرعان جوبانىڭ اياسىندا اكىمدىكتەرگە وڭىرلەردەگى ساياجايلار مەن باۋ-باقشا شارۋا­شى­لىقتارىن تۇگەندەپ, ولاردىڭ بوس جاتقاندىقتارىن انىقتاپ, ناق­تى ەسەپ جۇرگىزۋ ۇسىنىلادى. ەگەر قاجەت بولعان جاعدايدا ساياجاي الاڭدارىن كەڭىتۋ ءۇشىن اكىمدىكتەر قالا ماڭىنداعى بوس جاتقان جەرلەردى وسى ماقساتقا پايدالانۋى ءتيىس. ال تۇرعىن ءۇي-كوممۋنالدىق قىزمەت ورگاندارى جاڭا ساياجاي الاڭدارىن ءتيىستى ينفراقۇرىلىمدارمەن قامتاما­سىز ەتىپ, ساياجايلاردى سالۋدىڭ تەحنيكالىق-ەكونوميكالىق نەگىزدەمەلەرى مەن جوبالىق-سمەتالىق قۇجاتتارىن ازىرلەۋى كەرەك. قارالىپ وتىرعان شارالار كەشەنى ساياجاي كووپەراتيۆتەرىن جە­ڭىلدىكپەن قارجىلاندىرۋ ءۇشىن ءار وبلىسقا الەۋمەتتىك-كاسىپكەرلىك كورپوراتسيالارى ارقىلى 50 ميلليون تەڭگەدەن ءبولۋدى كوزدەيدى. سو­نىمەن قاتار, ساياجايشىلار­دىڭ ارناۋلى تەحنيكالار ساتىپ الۋى شاعىن نەسيەلەرمەن قام­تۋ­عا ءار وبلىسقا 20 ميلليون تەڭگە­دەن قارجى ءبولۋ قاراستىرىلىپ وتىر. ادامداردىڭ ساياجاي شارۋا­شى­لى­عىمەن شۇعىلدانۋعا دەگەن ىنتا­سىن ارتتىرۋ ءۇشىن ەلەكتر قۋاتى مەن ساياجايلارعا ارنالعان سۋ قىزمەتىنىڭ ءتاريفىن تومەندەتۋ, اۆتوبۋس قاتى­ناسىن ۇيىمداستىرۋ ماسەلەلەرى  دە وسى كەشەندى شارالاردا قامتىلعان. سونىمەن قاتار ۇكىمەت وتى­رىسىندا قارجى ءمينيسترى بولات جامىشەۆ «ەكسپورتتىق-يمپورت­تىق وپەراتسيالار بويىنشا ءبىر تەرەزە» اقپاراتتىق جۇيەسىن قۇرۋ­دىڭ تۇجىرىمداما جوباسىن ۇس­ىن­دى. قارجى مينيسترلىگى باسشى­سى­نىڭ ايتۋىنشا, قازىرگى كۇنى حا­لىقارالىق ساۋداعا قاتىساتىن كوم­پانيالار ءتۇرلى رۇقسات بەرۋ قۇجاتتارى مەن ليتسەنزيالار سەرتيفيكاتتار الۋعا ۇزاق ۋاقىت­تا­رىن جوعالتىپ ءجۇر. ونىڭ ۇستىنە ءاربىر باقىلاۋشى ورگاننىڭ كومپانيالار تاپسىراتىن قاجەتتى قۇ­جاتتاردى ايقىنداۋدا جانە ولار­دىڭ ءتىزىمى مەن تاپسىرىلاتىن مەر­زىمىن بەلگىلەۋدە ءوز ەرەجەسى, تالابى مەن ۇدەرىسى بار. ماسەلەن, كومپانيالار وزدەرىنە قاجەتتى 14-17 قۇجاتتى الۋى ءۇشىن بۇعان قا­تىستى 40-قا جۋىق قۇجات جيناۋعا ءماجبۇر بولادى ەكەن. «ەكسپورتتىق-يمپورتتىق وپەراتسيالار بويىنشا ءبىر تەرەزە» اقپاراتتىق جۇيەسى ىسكە قوسىلعان جاعدايدا سىرتقى ەكونوميكالىق قىزمەتكە قاتىسۋشى بار بولعانى ءبىر عانا قۇجاتتى تولتىرىپ, وزىنە قاجەتتى رۇقسات بەرۋ قاعازىن الا الادى. وسى جوبانى جۇزەگە اسىرۋ كەدەن ۇدەرىستەرىنىڭ تيىمدىلىگىن ارت­تىرۋعا ىقپال ەتەتىندىگى, كاسىپكەر­لەردىڭ جۇمىسىن كوپ جەڭىلدە­تە­تىندىگى اتاپ كورسەتىلدى. قارالعان ماسەلەلەردى قورى­تىن­دىلاعان ۇكىمەت باسشىسى كا­رىم ءماسىموۆ وتىرىستا ايتىلعان ۇسى­نىس­تارعا سايكەس بىرقاتار مەم­لە­كەت­تىك ورگاندارعا ءتيىستى تاپسىر­ما­لار بەردى. سۇڭعات ءالىپباي.