اسسامبلەيا توراعاسىن قابىلدادى

كەشە پارلامەنت ءماجىلىسىنىڭ توراعاسى ورال مۇحامەدجانوۆ ەۋروپا كەڭەسى پارلامەنتتىك اسسامبلەياسىنىڭ (ەكپا) توراعاسى مەۆليۋت چاۆۋشوعلىنى قابىلدادى, دەپ حابارلادى ءماجىلىستىڭ ءباسپاسوز قىزمەتى. ءماجىلىس توراعاسى مەيمانعا يسلام كونفەرەنتسياسى ۇيىمى سىرتقى ىستەر مينيسترلەرى كەڭە­سى­نىڭ 38-ءشى سەسسياسىنا قاتىسۋعا كەلگەنى ءۇشىن جانە ەكپا جۇ­مى­سىندا ءبىزدىڭ ەلىمىزگە قولداۋ جاساعانى ءۇشىن العىسىن ءبىلدىردى. ەكپا دەلەگاتسياسى ءۇس­تى­مىز­دە­گى جىلى 3 ساۋىردە وتكەن پرە­زي­دەنتتىك سايلاۋعا بايقاۋشى رەتىندە بەلسەندى قاتىستى. جانە دە ساي­لاۋعا ءادىل ءارى جوعارى باعا بەردى. جالپى, ساۋىردەگى سايلاۋعا 1050 تاۋەلسىز بايقاۋشى قاتىستى. بارلىعى دا سايلاۋدى ۇلتتىق زاڭدارىمىزعا جانە حالىقارالىق ستاندارتتارعا سايكەس وتكەنىن مالىمدەدى. «قازاقستاننىڭ تۇڭ­عىش پرەزيدەنتى – ەلباسى نۇر­سۇل­تان نازارباەۆتىڭ سايلاۋشى­لار­دىڭ 95,55 پايىز داۋىسىن جي­ناۋى تۇڭعىش پرەزيدەنتتىڭ ىشكى جانە سىرتقى ساياساتتاعى جۇرگىزىپ وتىرعان باعىتىنىڭ بۇكىل حا­لىق­تىڭ قولداۋىنا يە ەكەندىگىن كور­سەتەدى»,  دەدى و.مۇحامەدجانوۆ. ءماجىلىس توراعاسى 2011 جىلى ءساۋىر ايىنىڭ سوڭىندا استانادا تۇركى تىلدەس ەلدەر پارلامەنتتىك اسسامبلەياسىنىڭ (تۇرك پا) ەكىنشى وتىرىسى وتكەنىن, سول باسقوسۋ بارىسىندا تۇرك پا-نىڭ توراعا­لىق مىندەتى ازەربايجان رەس­پۋب­ليكاسىنان قازاقستان رەسپۋبلي­كاسىنا تابىس ەتىلگەنىن ايتتى. ماۋسىم ايىندا استانا ءبىر­قا­تار حالىقارالىق شارالاردىڭ ور­تا­لىعىنا اينالدى. سونىڭ ءىشىن­دە VII بۇكىلالەمدىك يسلام ەكونو­مي­كالىق فورۋمى بولىپ ءوتتى. وعان ەكى مىڭداي وكىل قاتىستى. سول باسقوسۋدا قازاقستان پرەزيدەنتى ن.نازارباەۆ بىرقاتار ومىرشەڭ ۇسىنىستاردى جاريا ەتتى. اتاپ ايتقاندا, ەلباسى يسلام كونفەرەنتسياسى ۇيىمىنا مۇشە ەلدەردىڭ قاتىسۋىمەن حالىقارا­لىق يننوۆاتسيالىق قور قۇرۋدى ۇسىندى. يسلام دامۋ بانكى جا­نى­نان شاعىن جانە ورتا كاسىپ­كەر­لىك قورىن قۇرۋ قاجەتتىگىن ايتقان بولاتىن. ءماجىلىس توراعاسى بۇل ۇسىنىستار الداعى ۋاقىتتا يكۇ-عا مۇشە ەلدەر تاراپىنان قول­داۋ­عا يە بولاتىنىنا سەنىم ءبىلدىردى. سونداي-اق استانادا شانحاي ىنتىماقتاستىق ۇيىمىنىڭ مە­رەي­تويلىق وتىرىسى بولىپ ءوتتى. مەۆليۋت چاۆۋشوعلى ءوز كەزەگىندە قازاقستان سوڭعى جىلدارى حالىقارالىق دارەجەدە زور بەدەلگە يە بولعانىن ايتتى. «اتاپ ايت­قاندا, وتكەن جىلى ەقىۇ-عا ءتور­اعالىق مىندەتىن ابىرويلى ات­قار­دى. ەندى قازىر يسلام كونفە­رەن­تسياسى ۇيىمىنا دا ءساتتى جەتەكشىلىك ەتۋدە. ەندى استانادا اتال­عان ۇيىمنىڭ جاڭا اتاۋى پايدا بولدى. يكۇ-نىڭ جاڭا باعىتتارى پايدا بولماق. بۇل يسلام كونفەرەن­تسياسى ۇيىمى ءۇشىن ەرەكشە تاريحي ءسات», دەدى مەۆليۋت چاۆۋشوعلى. مەيمان پرەزيدەنتتىك سايل­اۋ­دىڭ ءساتتى وتكەنىمەن قۇتتىقتادى. قازاقستانعا ىزگى تىلەگىن جەتكىزدى.