اۋقىمى كەڭ حالىقارالىق فورۋم جۇمىسىنا قازاقستان پرەزيدەنتى نۇرسۇلتان نازارباەۆ قاتىسۋدا

كەشە ەلباسى نۇرسۇلتان نازارباەۆ سانك-پەتەربۋرگتىڭ 15-ءشى حالىقارالىق ەكونوميكالىق فورۋمىنا (پحەف) قاتىسۋ ءۇشىن رەسەيدىڭ سولتۇستىك استاناسىنا كەلدى. بۇگىن فورۋمدا قازاقستان كوشباسشىسى ءسوز سويلەيدى دەپ كۇتىلۋدە. فورۋم ءوز جۇمىسىن 16 ماۋ­سىم كۇنى باستاسا, سالتاناتتى اشى­لۋى 17 ماۋسىمدا بولدى. ونىڭ اشى­لۋىندا رەسەي فەدەرا­تسيا­سىنىڭ پرەزيدەنتى دميتري مەدۆەدەۆ ءسوز سويلەپ, 15 جىلدىق تاريحىندا فورۋم كورنەكتى ساياسي قايراتكەرلەر, كورپوراتسيالار باس­شىلارى مەن ساراپشىلاردىڭ جا­ھاندىق ەكونو­مي­كانىڭ ماڭىز­دى ماسەلەلەرىن تالقىلايتىن الەم­دىك پىكىرتالاس الاڭىنا اي­نال­دى دەگەن پىكىر ءبىلدىرىپ, فو­رۋمعا جوعا­رى باعا بەردى. فورۋمعا قاتىساتىن مەملەكەت باسشىلارىنىڭ اراسىندا نۇر­سۇل­تان نازارباەۆتان باسقا قىتاي حالىق رەسپۋبليكاسىنىڭ توراعاسى حۋ تسزينتاو, يسپانيا پرەمەر-ءمينيسترى حوسە لۋيس رودريگەس ساپاتەرو, فينليانديا پرەزيدەنتى تاريا حالونەن بار. ەكونوميكالىق فورۋم بارى­سىن­دا نەگىزىنەن جاھاندىق ەكونو­ميكانىڭ ءوسۋ قارقىنى باعدار­لا­نىپ, رەسەيدە شىعارماشىلىق كا­پي­تالدى قالىپتاستىرۋ مەن ەكو­نوميكالىق كوكجيەكتەردى كەڭىتە­تىن تەحنولوگيالار تۋرالى پىكىرلەر الماسىلادى جانە تالقى­لاۋ­لار بولادى دەپ جوسپارلانعان. پحەف 1997 جىلدان باستاپ جىل سايىن سانكت-پەتەربۋرگ قا­لا­سىندا ماۋسىم ايىندا وتكىزىلىپ كەلەدى. ول رەسەيدىڭ عانا ەمەس, تمد اۋماعىنداعى ەلدەر ءۇشىن دە ماڭىزدى ەكونوميكالىق فورۋم بو­لىپ ەسەپتەلەدى. رەسەيلىكتەردىڭ ءوزى ونى قاتتى دارىپتەپ, «ورىس داۆوسى» دەپ اتايدى. فورۋم كەزىندە پلەنارلىق وتىرىستار, ءدوڭ­گەلەك ۇستەلدەر, كورمەلەر ۇيىم­داس­تىرىلىپ, ينۆەستيتسيالىق جو­با­لاردىڭ تۇساۋكەسەرلەرى, ىسكەرلىك كەزدەسۋلەر مەن كەلىسسوزدەر ءوت­كىزىلەدى. فورۋم جۇمىسىنا جۋىق شامامەن 3 مىڭعا جۋىق ادام قاتىسادى. بىلتىرعى پحەف «بولاشاققا نەگىز سالۋ جولىندا» دەگەن نەگىزگى تاقىرىپپەن وتكىزىلگەن بولاتىن. ونىڭ قورىتىندىسى بويىنشا قۇنى 15 ملرد. ەۋروعا جۋىق سوما­نى قامتىعان 47 ينۆەستيتسيالىق كەلىسىمدەر مەن مەموراندۋمدارعا قول قويىلدى. 15-ءشى مەرەيتويلى فورۋم تۋ­رالى رەسەيلىك باق-تار كوپتەگەن اقپاراتتار تاراتىپ جاتىر. سو­نىڭ ىشىندە كورمەلەرگە قوناق بولۋ ءۇشىن تولەنەتىن اقى ءبىر ادامعا 106 مىڭ رۋبل بولسا, VIP اي­ماقتا تۇرۋ ءۇشىن تولەنەتىن اقى ءبىر ادامعا 177 مىڭ رۋبل ەكەن. وسىعان قاراعاندا, پحەف-كە تەك قانا اسا قۇدىرەتتى كومپانيالار ەنە الاتىنى بايقالادى. فورۋم جۇمىسىن الەمنىڭ ميلليونداعان كورەرمەنىنە كەڭىنەن ناسيحاتتاۋ ءۇشىن ونداعان كامەرالار, جارىق, اپپاراتۋرالار قويىلعان. ولار­دىڭ ءبارىنىڭ سىمدارىن قوسا ەسەپتەگەندە 140 شاقىرىمعا جەتەدى ەكەن. ەكونوميكالىق فورۋم سانكت-پەتەربۋرگتىڭ «لەنەكسپو» اتتى كور­مە كەشەنىندە ءوتىپ جاتىر. رەسەيدىڭ جىل سايىنعى ەڭ باستى ەكونوميكالىق وقيعاسى دا وسى شارا بولىپ سانالادى. كورمە كەشەنىنىڭ اۋماعى وتە ۇلكەن, ونىڭ ىشىندە ءماسليحات زالدارى, كەلىسسوزدەر كابينالارى, مەيرامحانالار, باسقا قاتىسۋشىلاردىڭ ەركىن تىنىستاپ, قىدىرىپ ءجۇ­رۋى­نە جاعداي تۋعىزاتىن سۋبۇرقاق الاڭدارى دا كوپ ەكەن. فورۋم ءوز جۇ­مى­سىن بۇگىن كەشكە اياقتايدى. جاقسىباي سامرات – سانكت-پەتەربۋرگتەن.