ىنتىماقتاستىق ىرىس اكەلەدى

كەشە قازاقستان رەسپۋبليكاسىنىڭ سىرتقى ىستەر ءمينيسترى ەرجان قازىحانوۆ بۇۇ مەكەمەلەرىنىڭ قازاقستانداعى باسشى­لارى­مەن كەزدەسۋ وتكىزدى. ەكىنشى دۇنيەجۇزىلىك سوعىستان كەيىن ومىرگە كەلگەن, حالىقارالىق جوعارى بەدەلگە يە بىرىككەن ۇلت­تار ۇيىمىنا مۇشەلىككە ءوتۋ كە­ڭەستىك داۋىردەگى قازاقستان ءۇشىن قول جەتپەيتىن بيىكتەي كورىنەتىن. تەك ەلىمىز تاۋەلسىزدىككە قول جەتكىزگەن شاقتا بارىپ قانا بۇۇ مەن قازاقستان اراسىندا ىن­تى­ماقتاستىق ورناعان. جانە ونىڭ تابىستى بولىپ جۇرگەنى دە ايان. بۇۇ قازاقستاننىڭ يادرولىق قارۋ­دان باس تارتۋ  مەن ونى تاراتپاۋ جونىندەگى باستاماسىنا قىزۋ قولداۋ ءبىلدىردى. ال 19 جىل ىشىندە قازاق ەلى مەن بۇۇ اراسىندا جۇيەلى تۇردە جۇرگىزىلگەن ىنتى­ماقتاستىق جەدەل دامىپ, ءجۇرى­سى­نەن جاڭىلماي كەلەدى. وسى جىلدار ىشىندە قازاق­ستان­دا بۇۇ-نىڭ 19 ارنايى وكىل­دىك مەكەمەسى اشىلىپ, قورلارى مەن جۇيەلىك باعدارلامالارى بەل­سەندى جۇمىس ىستەۋدە. بۇۇ جۇيەسى مەملەكەتتىڭ قالىپتاسۋ جانە الەۋمەتتىك-ەكونوميكالىق قۇ­رىلىستىڭ نارىقتىق ەكونو­مي­كا جاعدايىنا بەيىمدەلۋ كەزە­ڭىن­دە ۇلكەن قولداۋ كورسەتتى. سوڭعى جىلدارى قازاقستان مەن بۇۇ قارىم-قاتىناسىندا بارلىق  سالالار بويىنشا ءوزارا ارەكەت­تەۋدىڭ بەلسەندىلىگى بايقالادى. ماسەلەن, بۇۇ باس حاتشىسى پان گي مۋننىڭ 2010 جىلى قازاق­ستانعا ەكى مارتە ساپارمەن كەلۋى, 2011 جىلى ونىڭ ورىن­باسارلارىنىڭ ەلىمىزگە اتباسىن تىرەۋى, بۇۇ-نىڭ جەنەۆاداعى ءبولىمىنىڭ باس ديرەكتورى قاسىم-جومارت توقاەۆتىڭ بۇۇ باس حات­شىسىنىڭ ورىنباسارى لاۋازى­مىنا تاعايىندالۋى مەن  بۇۇ-نىڭ ەلىمىزدە بىرقاتار كەڭ اۋ­قىمدى فورۋمدارىنىڭ وتكىزىلۋى جوعارىدا ايتىلعان ويدىڭ ناقتى دالەلى بولىپ تابىلادى. ەلىمىزدىڭ سىرتقى ساياسات ۆە­دوم­ستۆوسى باسشىسىمەن وتكەن كەز­دەسۋ بارىسىندا قارىم-قاتى­نا­سىمىزدى جاڭا ساپالىق دەڭ­گەي­گە كوتەرۋ پەرسپەكتيۆالارى جاي­ىندا ايتىلا كەلە, تاراپتار تاۋەلسىز قازاقستاننىڭ 20 جىل­دىق تاريحىنداعى بۇۇ مەن ارا­دا­عى  ىنتىماقتاستىق ناتيجە­لە­رىن جوعارى باعالاپ, الداعى ۋا­قىت­تاعى دا ءوزارا ارەكەتتەسۋدىڭ مۇمكىنشىلىكتەرىن بەلگىلەدى. سون­داي-اق اڭگىمە كەزىندە الماتى قا­لاسىن كوپجاقتى ديپلوماتيانىڭ سۋبايماقتىق دەڭگەيدەگى جۇيەلىك تورابىنا اينالدىرۋ بويىنشا جانە بۇۇ-نىڭ ەلدەگى ۇدەمەلى يندۋستريالىق-يننوۆاتسيالىق دامۋ باعدارلاماسىنىڭ جۇزەگە اسى­رىلۋىنا قاتىسۋ ماسەلەلەرى جان-جاقتى تالقىلاندى. ءيا, قاي كەزدە دە ىنتى­ماق­تاستىق ىرىس اكەلەتىنى ايقىن. الەم ءتۇتىنىنىڭ دۇرىس ۇشۋىنا ۇزاق جىلدار بويى ارالاسىپ, ءۋالى ءسوزىن ايتاتىن بۇۇ-مەن ىنتى­ماق­تاستىق ەلىمىزدىڭ ىرىسىن مولايتا تۇسكەي. انار تولەۋحانقىزى.