دايىن زاڭ جوبالارى ايقىندالدى

كەشە قر پارلامەنت ءماجىلىسىنىڭ توراعاسى ورال مۇحامەدجانوۆتىڭ جەتەكشىلىگىمەن پالاتا بيۋروسىنىڭ كەزەكتى وتىرىسى ءوتتى. وندا الداعى اپتادا ءماجىلىستىڭ جالپى وتىرىسىنا شىعارىلاتىن ماسەلەلەر سارالاندى, دەپ حابارلادى وسى پالاتانىڭ ءباسپاسوز قىزمەتى. پالاتانىڭ قارجى جانە بيۋدجەت كو­ميتەتى ەلىمىزدىڭ كەيبىر زاڭنا­ما­لىق اكتىلەرىنە بانك قىزمەتىن جانە قارجى ۇيىمدارىن رەتتەۋ ماسەلەلەرى بويىنشا تاۋەكەلدەردى ازايتۋ ءبولى­گىن­دە تولىقتىرۋلار ەنگىزۋدى كوزدەي­تىن زاڭ جوباسىن ءبىرىنشى وقىلىمدا قاراۋدى ۇسىندى. ەكونوميكالىق رەفورما جانە وڭىرلىك دامۋ كوميتەتى «عارىش قىزمەتى تۋرالى» جانە سوعان سايكەس ىلەسپە زاڭ جوباسىن ءبىرىنشى وقىلىمدا دەپۋتاتتاردىڭ تالقى­سى­نا شىعارىلاتىنىن حابارلادى. حالىقارالىق ىستەر, قورعانىس جانە قاۋىپسىزدىك كوميتەتى بىرنەشە زاڭ جو­با­سىن كۇن تارتىبىنە شىعارۋدى ۇسى­نىپ وتىر. اتاپ ايتقاندا, «كەلىسىلگەن ماكروەكونوميكالىق ساياسات تۋرا­لى كەلىسىمدى راتيفيكاتسيالاۋ تۋرا­لى», قازاقستان مەن فرانتسيا ۇكى­مەت­تەرى اراسىنداعى ازاماتتىق قور­عا­نىس, توتەنشە جاعدايلاردىڭ الدىن الۋ جانە ولاردى جويۋ سالاسىنداعى ىنتىماقتاستىق تۋرالى كەلىسىمدى راتيفيكاتسيالاۋ جونىندە, قازاقستان مەن كورەيا اراسىنداعى قىلمىستىق ىستەر بويىنشا ءوزارا قۇقىقتىق كو­مەك تۋ­را­لى شارتتى راتيفيكاتسيالاۋ تۋرالى, «ءوت­پەلى كەزەڭ ىشىندە ارنايى قورعاۋ, دەمپينگكە قارسى جانە وتەم­اقى شارا­لا­رىن قولدانۋ ءتارتىبى تۋ­را­لى كەلىسىمدى راتيفيكاتسيالاۋ تۋ­رالى» جانە باسقا دا حالىقارالىق ماڭىزى بار زاڭ جوبا­لارى پالاتا تالقىسىنا ۇسىنىلادى. زاڭناما جانە سوت-قۇقىقتىق رەفورما كوميتەتى بىرقاتار زاڭنامالىق اكتىلەرگە ۇيىمداسقان قىلمىسقا قارسى ءىس-قيمىل ماسەلەلەرى بويىنشا تۇزەتۋلەر ەنگىزۋدى قاراستىرعان زاڭ جوباسىن ەكىنشى وقىلىمدا قاراۋ ءۇشىن كۇن تارتىبىنە ەنگىزۋگە دايىن ەكەنىن مالىمدەدى.