تۋرنيردە توپ جاردى

قازاقستاندىق تەننيسشى يۋري ششۋكين چەحيانىڭ پروس­تەجوۆ قالاسىندا وتكەن «چەللەندجەر» سەرياسىنىڭ Uni Credit Czech Open ءتۋرنيرىنىڭ جەڭىمپازى اتاندى. فينالدا يتاليالىق فلاۆيو كيپوللانى جەڭگەن ششۋكين باس جۇلدەگە بەرىلەتىن 106,5 مىڭ ەۋ­رونى قالتاسىنا باستى. وسى كەزدەسۋ الدىندا ول جارتىلاي فينالدا ءتۋرنيردىڭ التىنشى راكە­ت­كاسى چەح رادەكتى 3:6, 6:3, 6:4 ەسەبىمەن جەڭسە, شيرەك فينالدا رەسەيلىك ميحايل يۋجنىيدىڭ ال­دىن ورادى. بۇل ويىندا ول ءبىرىنشى سەتتە 4:6 ەسەبىمەن جەڭىلسە, ەك­ىنشىسىندە 4:1 ەسەبىمەن جەڭىپ, ودان كەيىنگى ساتتە قارسىلاسى وي­ناۋ­دان باس تارتقان سوڭ جەڭىس قا­زاقستاندىق تەننيسشىگە بەرىلدى. ال ءتۋرنيردىڭ ەڭ ءبىرىنشى كەزدەسۋىندە يۋ.ششۋكين تاعى ءبىر رەسەيلىك كونستانتين كراۆچۋكتى, ودان كەيىن يتاليالىق فيليپپو ۆولاندريدەن 6:4, 6:1 ەسەبىمەن باسىم ءتۇستى. «چەللەندجەر» مەن جاقىندا اياقتالعان «رولان گارروس» تۋرنيرىنەن كەيىن ءبىزدىڭ وتانداسىمىز الەمدىك رەيتينگتە 137-ءشى ورىنعا كوتەرىلدى. ودان كەيىن رەيتينگتە تەننيسشىلەرىمىز اراسىندا زارينا دياس 156-شى جانە سەسيل كاراتانچەۆا 159-شى ورىندا تۇر. ال الەمدىك رەيتينگتە ولاردان جوعا­رى ساپتا تۇرعان ياروسلاۆا شۆەدوۆا – 115, اندرەي گولۋبەۆ – 44, ميحايل كۋكۋشكين 61-ءشى ورىنعا جايعاستى. جاقىندا پاريجدە ءوت­كەن «رولان گارروس» ءتۋرنيرىنىڭ الدىندا يا.شۆەدوۆا 54-ءشى ورىن­دا تۇرعان ەدى. بىراق, فرانتسيا استاناسىندا ءساتسىز ويناعان سوڭ ول جاعدايىن بىردەن ناشارلاتىپ, الدىمەن 61-ءشى, ودان كەيىن 115-ءشى ورىنعا ءتۇسىپ كەتتى. ا.گولۋبەۆتىڭ دە جاعدايى وسىعان ۇقساس. الايدا ونىڭ «جاراسى» ءسال جەڭىلدەۋ دەۋگە بولادى. ال م.كۋكۋشكين «رولان گارروس» تۋرنيرىنەن كەيىن جاع­دايىن جاقسارتىپ الدى. ول چەحيادا وتكەن ءتۋرنيردىڭ جەڭىم­پازى اتانعان ارىپتەسى سي­ياق­تى بىل­تىر سانكت-پەتەربۋرگتە بول­­عان اتر تۋرنيرىندە ميحايل يۋجنىيدى ۇتقان بولاتىن. ال بيىل پاريجدە كۋكۋشكين تۇڭعىش رەت ەكىنشى اينالىمعا جەتتى. داستان كەنجالين.