«سوعىس دەسە, قان مايدانعا اتتانىپ, ورالماعان ازاماتتار, كوز جاسىن جۋعان انا, جاقىنىن جوعالتقان جاندار كوز الدىمىزعا كەلەدى. تالاي بوزداقتارىمىز كوز جۇمدى. ءيا, سوعىستىڭ سويقانىن كوزىمەن كورگەن ازاماتتاردىڭ دا قاتارى جىل سايىن سيرەپ بارادى. وسى ورايدا ۋكراينا ەلشىلىگى جاقسى ءداستۇردى جاڭعىرتىپ, ۇلى وتان سوعىسىنىڭ ارداگەرلەرىن ماراپاتتاپ, كەۋدەلەرىنە وردەن تاقتى. كەشكە 25 ارداگەر شاقىرىلعان. ونىڭ 4-ەۋى عانا قاتىستى. ولار قۇرمانتاي ايتجانوۆ, رزاگۇل بايكەشەۆ, ولەگ لەننيك, ماريا پولتوروتسكا. قالعاندارى دەنساۋلىقتارىنا بايلانىستى كەلە الماعان. ول قاريالارعا ۇيىمداستىرۋشىلار ارنايى بارىپ قۇتتىقتاپ, وردەندەرىن تابىس ەتەدى, − دەدى ۋكراينانىڭ قازاقستانداعى ەلشىسى ۆولوديمير دجيدجورا. – ۋكراينانى جاۋدان ازات ەتكەن ارداگەرلەردىڭ قۇرمەتىنە ماراپاتتاۋ ءراسىمىن ۇيىمداستىرىپ وتىرمىز. مەن الەمدە ەشقانداي سوعىس بولماسىن دەپ تىلەيمىن. سىزدەردىڭ ەلباسىلارىڭىز ايتقانداي, بىرلىك بار جەردە تىرلىك بار. ەلىمىزدىڭ ءوسىپ وركەندەۋىندە, ەكونوميكامىزدىڭ دامۋىندا ىنتىماقتاستىقتىڭ الار ورنى ەرەكشە. ەلىمىزدە بەيبىت تىرشىلىك ورناي بەرسىن, جەڭىس كۇنى قۇتتى بولسىن!»
«وتكەن كۇنگە ورالۋدىڭ ءوزى ءبىز اۋىر دۇنيە قاراقتارىم. قانمەن جازىلعان وسىناۋ ۇمىتىلماس تاريحتى جاس ۇرپاق ءبىلۋى ءتيىس. ءبىزدى وسىلاي قۇرمەتتەپ, ءىلتيپات كورسەتىپ جاتقاندارىڭىزعا مىڭ العىس. ۋكراينا ءبىز ءۇشىن تۋعانىمىزداي جاقىن, باۋىرلاس ءبىر مەملەكەت دەپ سانايمىن. جەڭىس تۋى ماڭگى جەلبىرەي بەرسىن!», − دەدى 95 جاستاعى ارداگەر قۇرمانتاي ايتجانوۆ.
ايمان مۇقىشەۆا
