قىزىل گۇلدەر , سارى گۇلدەر, اق گۇلدەر!..

قازاقستان رەسپۋبليكاسىنىڭ تۇڭعىش پرەزيدەنتى اتىنداعى ساياباقتا «الماتى – گۇل قالا» اتتى گۇلدەر فەستيۆالى ءوتتى. شارانىڭ ماقساتى – الماتىعا گۇل قالا مارتەبەسىن قايتارۋ, گۇل ءوسىرۋ ءىسىن جانداندىرۋ, ەلىمىزدىڭ مادەني كەڭىستىگىن كەڭەيتە وتىرىپ شاھار تۇرعىندارى مەن قوناقتارىن ەكولوگيالىق تازا قالا شەرۋىنە تارتۋ, سونىمەن قاتار جىل سايىن وسى ساياباقتا گۇلدەر فەستيۆالىن تۇراقتى وتكىزىپ تۇرۋدى داستۇرگە اينالدىرۋ. الماتى قالاسىنىڭ اكىمدىگى مەن Nicole ورتالىعى ۇيىمداس­تىرعان بۇل شارا بەتاشارى با­لالارعا ارنالعان تەاترلا­ن­دىرىل­عان قويىلىمدارمەن اشى­لىپ, ودان ءارى «كورەلەۆستۆو پلاستيكا» جانە «ارت ي شوك» تەاتر­لارىنىڭ ونەرپازدارى جيىلعان كوپشىلىك­تىڭ كوڭىلىن كوتەردى. ساحنادان تىس­قارى الاڭداردا بالالار شى­عار­ماشىلىق ۇجىمدارى, قۋىر­شاق تەاترلارى مەن ءتۇرلى ۇيىرمەلەر ءوز تۋىندىلارىن ۇسىن­سا, سالتا­ناتتى شارانى تاماشا­لاۋ­عا كەلگەن قالا جۇرتشىلىعى قول­دانبالى ونەردەن, گراففيتي سۋرەت سالۋدان, كوشە بيىنەن ارنايى وتكىزىلگەن شەبەرلىك ساباقتارىنا تىكەلەي قا­تىسىپ, قىزعىلىقتى ويىندار مەن سايىستاردا باق­تارىن سىناپ كوردى. قالا اكىمى احمەتجان ەسىموۆ فلوريستيكالىق كونكۋرس جەڭىم­پاز­دارىنا ديپلومدار مەن باعالى سىيلىقتاردى تابىس ەتتى. ول ءوز سوزىندە قالا باسشى­لى­عى­نىڭ ما­ڭىزدى مىندەتى ەكولوگيانى جاق­سارتۋ ەكەندىگىن اتاپ ءوتتى. بيىل الماتىدا 180 مىڭ شارشى مەتر (2010 ج.–110 شارشى م.) جەردە جاسىلداندىرۋ جۇمىس­تارى قولعا الىنىپ, ءۇي قابىر­عالارى گۇلدى شىرماۋىقتارمەن كومكەرىلمەك ەكەن­دىگىن ايتتى. كەشكىسىن, ءتۇرلى گۇل شوق­تارىمەن بەزەندىرىلگەن ءماشي­نە­لەر, بايكەرلەر مەن ۆەلوسيپەدشىلەر, سونداي-اق مۋزىكانتتاردان قۇرالعان ۇلكەن لەك «مەگا» ويىن-ساۋىق ورتالىعىنان باستاپ, ءال-فارابي داڭعىلىنىڭ بويىمەن شەرۋ تارتا وتىرىپ, قازاقستان­نىڭ تۇڭعىش پرەزيدەنتى اتىن­داعى ساياباققا كەلىپ كىردى. كۇنى بويى تانىمدىق باعدارلامالار مەن كونتسەرتتىك قويىلىمداردى تاماشالاعان دەمالۋشىلاردىڭ كوڭىل-قوشىن جىلجىمالى «گۇل­دەر شەرۋى» شىنىمەن دە ارت­تى­رىپ جىبەردى. دەمالۋشىلارعا قا­زاق­ستان ەستراداسىنىڭ جۇلدىز­دارى ءان مەن كۇيدەن, مىڭ بۇرال­عان اسەم بيدەن تۇراتىن كونتسەرتتىك سىي ۇسىندى. الماتىنىڭ ماق­پال ءتۇنىن قىزىلدى-جاسىلدى تۇسپەن كومكەرگەن وتشاشۋ سال­تاناتتى شارانىڭ ءسانىن كىرگىزدى. قانات ەسكەندىر. الماتى.