«وتكەن ماۋسىمدا جاراقات الىپ قالعانىم قيىن بولدى. بىراق ۇجىمنىڭ جەتىستىكتەرى ونىڭ ءبارىن ۇمىتتىرىپ جىبەردى. قازىر ءبارى ويداعىداي, تولىعىمەن ايىقتىم. جالپى توپپەن بىرگە جاتتىعىپ ءجۇرمىن. كوماندا جىگىتتەرى ءبىر-ءبىرىن تەز تۇسىنەدى. الداعى ماۋسىمعا جوعارى دەڭگەيدە دايىندالۋ ءۇشىن ءباا-دە جاعدايدىڭ ءبارى جاسالعان», – دەدى اسحات.
ترانسفەر ۋاقىتى اشىلعاننان كەيىن كومانداعا بىرنەشە جاڭا فۋتبولشىلار كەلدى. ولار تۋرالى: «بىزگە جاقىندا قوسىلعان جىگىتتەر ءوز ءىسىنىڭ ناعىز شەبەرى. وسى قالپىمىزدا جاتتىعا بەرسەك, الاڭدا دا, ومىردە دە ءتىل تابىساتىنىمىزعا سەنىمدىمىن. باستىسى, «استانانىڭ» وركەندەۋىنە سەپتىگىن تيگىزسە بولعانى», – دەدى جارتىلاي قورعاۋشى.
