اسىرا ايتقانىم ەمەس, ەلباسىنىڭ ءار ءسوزى مەنى تولقىتتى, تەبىرەنتتى. وسىنداي عاجاپ ەلدە ءومىر ءسۇرىپ جاتقانىمىزعا, قوعامداعى تىنىشتىق پەن تۇراقتىلىققا تاعى دا ريزا بولدىق, راحمەت ايتتىق.
قانشاما ۇلتتىڭ وكىلى ارازدىق دەگەندى بىلمەي, ءبىر شاڭىراق استىندا تاتۋ-ءتاتتى عۇمىر كەشىپ جاتىر. مەن ەشقاشان قازاق ەمەس ەكەنىمدى سەزىنىپ كورمەپپىن. وسى ەلدىڭ تەڭ قۇقىلى ازاماتى رەتىندە بارلىق ارمان-ماقساتتارىما جەتىپ كەلەمىن. بۇگىندە باقىتتى اكەمىن, نەمەرەلەرىم دە قازاق جەرىندە ءوسىپ جاتىر, كاسىبىم دە وركەندەپ كەلەدى. «يۆەريا» گرۋزين ەتنومادەني بىرلەستىگى جانىنان قۇرىلعان بالالار بي ءانسامبلى اسسامبلەيا جيىنىندا ونەرلەرىن كورسەتتى. بۇل – ءبىز ءۇشىن ۇلكەن مارتەبە. 2012 جىلى قۇرىلعان انسامبل مەن حور وبلىستا وتەتىن بارلىق مادەني شارالار مەن رەسپۋبليكالىق, حالىقارالىق بايقاۋلارعا قاتىسىپ, جوعارى ماراپاتتار يەلەنىپ ءجۇر. وتكەن جىلى دا استانادا «بەيبىتشىلىك پەن كەلىسىمنىڭ 25 جىلدىعى» اتتى ەتنومادەني فەستيۆالگە قاتىستى. ەندى ەكسپو قوناقتارىنا ونەرلەرىن كورسەتۋگە دايىندىق ۇستىندە. ءوز ۇلتىمىزدىڭ قۇندىلىقتارىن, ءداستۇرى مەن سالتىن وسىلايشا دامىتىپ, ناسيحاتتاۋ ءۇشىن قازاقستاندا بارلىق جاعدايدىڭ جاسالعانى ءبىزدى شىن قۋانتادى.
وبلىستاعى 17 ەتنومادەني بىرلەستىكتىڭ بارلىعى دا قوعام ومىرىنە بەلسەندى اتسالىسادى. اتىراۋداعى دوستىق ءۇيى بەيبىتشىلىك پەن بىرلىكتىڭ ورداسىنا اينالدى. ەلىمىز تىنىش, جاعدايىمىز جاقسى, مەنىڭ ويىمشا باقىت دەگەن – وسى!
زۋراب بوبوحيدزە,
«يۆەريا» گرۋزين ەتنومادەني بىرلەستىگىنىڭ توراعاسى
اتىراۋ
