وتكەن جىلى قالادا 27 244 ءسابي دۇنيەگە كەلدى, بۇل 2015 جىلعى كورسەتكىشتەن 8%-عا كوپ. انا ءولىمى - 5%عا, سابيلەردىڭ شەتىنەۋى - 13%-عا, تۋبەركۋلەزدەن بولاتىن ءولىم-ءجىتىم 2 ەسەگە تومەندەدى.
بيىل دەنساۋلىق ساقتاۋ بويىنشا كەشەندى جوسپار ىسكە اسىرىلا باستادى, ەمدەۋدەن باسقا, الدىن الۋ شارالارى جۇرگىزىلمەك. بۇل بۇقارالىق سپورتتىق-ساۋىقتىرۋ شارالارىن كەڭەيتۋ, سپورت نىساندارىنا قولجەتىمدىلىكتى قامتاماسىز ەتۋ, سالاۋاتتى ءومىر سالتىن ناسيحاتتاۋ, ەكولوگيالىق جاعدايدى جاقسارتۋ.
وتكەن جىلى قالالىق جەدەل جاردەم ستانساسى مەن 500 ورىندىق تۋبەركۋلەزگە قارسى ديسپانسەردىڭ جاڭا عيماراتتارى پايدالانۋعا بەرىلدى.
ءمجا شەڭبەرىندە ەمحانالاردىڭ 20 مينۋتتىق, وتباسىلىق دارىگەرلىك امبۋلاتوريالاردىڭ 10 مينۋتتىق قولجەتىمدىلىگى جوباسى ىسكە اسىرىلۋدا. بۇل ءۇشىن 9 جاڭا امبۋلاتوريالىق-ەمحانالىق مەكەمەنىڭ قۇرىلىسى جوسپارلانعان. تۇرعىن ءۇي كەشەندەرىنىڭ ءبىرىنشى قاباتتارىندا «ءۇي دارىگەرى» 7 وتباسىلىق دەنساۋلىق ورتالىعى اشىلادى.
