شاراعا كانادانىڭ ۇكىمەتى مەن پارلامەنتىنىڭ جوعارى لاۋازىمدى تۇلعالارى, سىرتقى ىستەر مينيسترلىگى مەن باسقا دا مينيسترلىكتەر مەن ۆەدومستۆولاردىڭ باسشىلىعى, ىسكەر توپتار وكىلدەرى, عىلىم جانە مادەنيەت قايراتكەرلەرى, جۋرناليستەر, وتتاۆادا اككرەديتتەلگەن ديپلوماتيالىق وكىلدىكتەردىڭ باسشىلارى, سونىمەن قاتار قازاقستاندىق دياسپورانىڭ وكىلدەرى قاتىستى.
قازاقستاننىڭ كاناداداعى ەلشىسى كونستانتين جيگالوۆ جينالعاندارعا ا.مۇساقوجاەۆانى تانىستىرا وتىرىپ, 25 جىل ىشىندە قازاقستان مەن كانادا اراسىندا جاقسى قارىم-قاتىناس قالىپتاسقانىن جانە ەلشىلىك مەرەيتويلىق كۇنگە ارنالعان ءىس-شارالاردى جىل بويى وتكىزەتىنىن اتاپ ءوتتى.
ا.مۇساقوجاەۆا سارا اساباەۆامەن (رويال) بىرگە ي.برامس, پ.چايكوۆسكي, م.فاليا, ت.ۆيتالي ءجانە ت.ب. كومپوزيتورلاردىڭ الەمدىك كلاسسيكالىق تۋىندىلارىن ورىندادى. ءاربىر مۋزىكالىق شىعارما ستراديۆاريدىڭ سيقىرلى ۇنىنە بوي الدىرعان كورەرمەننىڭ ىستىق ىقىلاسىنا يە بولدى.
كورنەكتى قازاقستاندىق ءارتىس ا.مۇساقوجاەۆانىڭ كونتسەرتى ونىڭ ارتىنان وتكەن رەسمي قابىلداۋدا ءجانە الەۋمەتتىك جەلىلەردە وتە جوعارى باعالاندى, دەپ حابارلادى قازاقستان رەسپۋبليكاسى سىرتقى ءىستەر مينيسترلىگىنىڭ ءباسپاسوز قىزمەتى.
