كوميسسيانىڭ جۇمىس ورگانى - قارجى مينيسترلىگى.
كوميسسيانى قر پرەمەر-ءمينيسترىنىڭ ءبىرىنشى ورىنباسارى ءمامين ا.ۇ. باسقارادى. كوميسسيا قۇرامىنا قر قارجى ءمينيسترى سۇلتانوۆ ب.ت., احقو باسقارۋشىسى كەلىمبەتوۆ ق.ن., جانە مينيسترلىكتەر, استانا قالاسى اكىمشىلىگىنىڭ, «سامۇرىق-قازىنا» ۇاق» اق, «بايتەرەك» ۇبح» اق, «استانا ەكسپو-2017» ۇك» اق وكىلدەرى كىرەدى.
كوميسسيانىڭ ماقساتى ۇزدىك الەمدىك تاجىربيەنى, ونىڭ ىشىندە اعىلشىن قۇقىعىنىڭ قاعيداتتارى قولدانىلاتىن, جەڭىلدىكتى سالىق سالىناتىن جانە تاۋەلسىز قارجىلىق سوتى بار تاجىربيەنى ەسكەرە وتىرىپ, «استانا» حالىقارالىق قارجى ورتالىعىنىڭ تابىستى قىزمەتىن قامتاماسىز ەتۋدىڭ سالاارالىق جانە ۆەدومستۆوارالىق ماسەلەلەرى بويىنشا مىندەتتەردى ىسكە اسىرۋ جونىندە ۇسىنىستار ازىرلەۋ.
جاڭادان قۇرىلعان كوميسسيانىڭ نەگىزگى ماقساتتارىنىڭ ءبىرى قازاقستان ەكونوميكاسىنا شەتەلدىك ينۆەستيتسيالاردى تارتۋدى جانە قارجى ورتالىعى بازاسىندا كورسەتىلەتىن قارجىلىق قىزمەتتەردى دامىتۋدى ىنتالاندىراتىن نورماتيۆتىك قۇقىقتىق اكتىلەر جانە وزگە دە قۇجاتتامالاردى ازىرلەۋ.
