قازاقستاندىق ينۆەستورلاردىڭ وتاندىق ەكونوميكاعا دەگەن سەنىمى ارتىپ كەلەدى. 2016 جىلى قازاقستاندىقتاردىڭ وزگە ەل ەكونوميكاسىنا قارجى سالۋ كورسەتكىشى 37% ازايىپ, 2,5 ملرد دوللارعا قىسقاردى.
ەستەرىڭىزگە سالا كەتەيىك, 2015 جىلى ينفلياتسيانىڭ كۇشەيىپ, تەڭگە باعامىنىڭ السىرەگەن كەزىندە ەلدىڭ ساتىپ الۋ قابىلەتى تومەندەپ, ىسكەرلىك بەلسەندىلىك قۇلدىراعان ەدى. ناتيجەسىندە قازاقستاننان «جاپپاي كاپيتال كوشى» باستالىپ, 2014 جىلمەن سالىستىرعاندا 2 ەسەگە ارتىپ, 3,4 ملرد دوللاردان 6,9 ملرد دوللارعا جەتكەن بولاتىن.
2016 جىلى جاعداي قايتا تۇزەلە باستادى. بۇل كىشىگىرىم ينۆەستورلاردىڭ جۇمىسىنا دا اسەر ەتىپ, ءبىر كەزدەرى ەلدەن كەتكەن كاپيتال ەندى قايتا ورالىپ, ءبىر جىلدا ەل ەكونوميكاسىنا سالىنعان ينۆەستيتسيا كولەمى 40% ۇلعايدى.
قازاقستاندىق ينۆەستورلاردىڭ شەتەل ەكونوميكاسىنا قارجى سالۋى باسەڭدەپ, وتاندىق بايلار ەندى ىشكى جوبالارعا قىزىعۋشىلىق تانىتا باستادى.
وتكەن جىلى قازاقستانداعى شەتەلدىك كومپانيالارداعى قازاقستاندىق ينۆەستورلاردىڭ قاتىسۋى 36% ۇلعايىپ, 4,1 ملرد دوللارعا جەتتى.
قازاقستاندىق ينۆەستورلاردىڭ نيدەرلاندىدان كەلەتىن تىكەلەي ينۆەستيتسياعا قاتىسۋىن ازايتسا, كەرىسىنشە رەسەي مەن ءباا (بىرىككەن اراب امىرلىكتەرى) ەلدەرىندەگى جوبالارعا قارجى سالۋدى كوبەيتكەن.
ناقتىراق ايتار بولساق, 2016 جىلى قازاقستاندىق ينۆەستورلاردىڭ رەسەي جوبالارىنا سالعان ينۆەستيتسياسى 667 ملن دوللارعا جەتتى. بۇل 2015 جىلمەن سالىستىرعاندا 2 ەسەگە ارتىق. ال ءباا ەلىنە سالىنعان ينۆەستيتسيا كولەمى 2015 جىلمەن سالىستىرعاندا 6 ەسەگە ارتىپ, 313 ملن دوللارعا تەڭەستى.
سالالار بويىنشا توقتالار بولساق, قازاقستاندىق ينۆەستورلاردىڭ شەتەلدىك قۇرىلىس سالالارىنا دەگەن قىزىعۋشىلىعى جوعارى.
