قازاقستان پرەمەر-ءمينيسترى ب.ساعىنتاەۆتىڭ كەستەسىندەگى العاشقى كەزدەسۋلەردىڭ ءبىرى نيۋ-يوركتە اقش-تىڭ: Citigroup, Mastercard, Berkley, Morgan Stanley, Black Rock, Goldman Sachs سياقتى اسا ءىرى قارجى ينستيتۋتتارىنىڭ سونداي-اق, الەمدىك رەيتينگ اگەنتتىكتەرى: Moody’s, Standard&Poor’s, Greylock Capital, Guggenheim International, Alliance Bernstein, Public Capital Advisors, Business Council of International Understanding وكىلدەرىمەن ءجۇزدەسۋى بولدى.
كەزدەسۋگە قاتىسۋشىلار الەمدىك ەكونوميكا جانە قازاقستاننىڭ ەكونوميكالىق ساياساتى دامۋىنىڭ وزەكتى ماسەلەلەرىن, سونداي-اق, بىرلەسكەن جوبالاردى جۇزەگە اسىرۋ, ينۆەستيتسيالار تارتۋ, ينفراقۇرىلىمدىق جوبالاردى قارجىلاندىرۋ جانە اكتيۆتەردى باسقارۋ مۇمكىندىكتەرىن تالقىلادى.
قازاقستان پرەمەر-ءمينيسترى ب.ساعىنتاەۆ «Chevron» كورپوراتسياسىنىڭ ەۋرازيالىق ايماق بويىنشا باسشىسى ت.لەۆيمەن كەزدەستى.
كەزدەسۋ بارىسىندا تاراپتار مۇناي-گاز سالاسىندا ىنتىماقتاستىقتى ودان ءارى كەڭەيتۋ ماسەلەلەرىن تالقىلادى.
سودان كەيىن باقىتجان ساعىنتاەۆ نيۋ-يورك قالاسىنىڭ ەكس-مەرى رۋدولف دجۋليانيمەن كەزدەستى.
ديالوگ اياسىندا تەلەكوممۋنيكاتسيالىق ينفراقۇرىلىمدى دامىتۋ سالاسىنداعى ءوزارا ءىس-قيمىل جانە ىنتىماقتاستىق ماسەلەلەرى تالقىلاندى.
پرەمەر-مينيستر سونداي-اق, «Citigroup» كومپانياسىنىڭ پرەزيدەنتى دجەيمس فورەسەمەن كەزدەستى.
تاراپتار قارجى-بانكتىك ءوزارا ءىس-قيمىلدى تەرەڭدەتۋ ماسەلەلەرىن, سونداي-اق, قازاقستاننىڭ ينۆەستيتسيالىق مۇمكىندىكتەرىن تالقىلادى.
بۇدان كەيىن باقىتجان ساعىنتاەۆ «WR Berkley Group» ساقتاندىرۋ كومپانياسىنىڭ ءتوراعاسى ب. باركليمەن جانە «Robotti & Company Advisors LLC» كومپانياسىنىڭ باسشىسى ي. شۆارتس-مانمەن كەزدەسۋ وتكىزدى. ونىڭ بارىسىندا ساقتاندىرۋ جانە ەلىمىزدىڭ بانك سالاسىنا ينۆەستيتسيالار تارتۋدىڭ زاماناۋي تەتىكتەرى تالقىلاندى.
بۇدان ءارى پرەمەر-مينيستر ب.ساعىنتاەۆ «Bloomberg» كومپانياسىنىڭ نەگىزىن قالاۋشى جانە نيۋ-يورك قالاسىنىڭ ەكس-مەرى م.بلۋمبەرگپەن كەزدەسۋ وتكىزدى.
ب.ساعىنتاەۆ م. بلۋمبەرگپەن قازاقستاننىڭ قارجى نارىعىن جانە «استانا» حالىقارالىق قارجى ورتالىعىن دامىتۋ سالاسىنداعى ىنتىماقتاستىق ماسەلەلەرىن تالقىلادى. كەزدەسۋدىڭ ماڭىزدى ناتيجەسى استانادا بلۋمبەرگ تەلەارناسى مەن كەڭسەسىن اشۋ تۋرالى كەلىسىم بولدى.
سودان كەيىن باقىتجان ساعىنتاەۆ «GE Transportation» كومپانياسىنىڭ باس اتقارۋشى ديرەكتورى دج.ميللەرمەن كەزدەستى.
اڭگىمەلەسۋ بارىسىندا تاراپتار گاز سالاسىنداعى ىنتىماقتاستىق ماسەلەلەرىن تالقىلادى.
سونداي-اق, نيۋ-يوركتە باقىتجان ساعىنتاەۆ اقش-تىڭ «I Scuared Capital», «General Electric», «Grace, Robotti & Company Advisors», «AGCO», «AES», «Black and Veatch», «American Industrial Acquisition Corporation» سياقتى جەتەكشى كومپانيالارىمەن قازاقستان ەكونوميكاسىنا ينۆەستيتسيالار مەن جاڭا تەحنولوگيالار تارتۋ ماسەلەلەرىن تالقىلادى.
«OSI Systems», «Pfizer» جانە «GE Transportation» كومپانيالارىمەن كەزدەسۋلەر اياسىندا قازاقستاندا تەحنولوگيالىق جابدىقتار وندىرىسىنە ينۆەستيتسيالار تارتۋ تۋرالى, ال «Rahal Foods» كومپانياسىمەن ورگانيكالىق ازىق-ت ۇلىك ءوندىرىسى تۇرعىسىنداعى ىنتىماقتاستىق تۋرالى كەلىسىم جاسالدى.
پرەمەر-مينيستر «OSI Systems» كومپانياسىنىڭ اتقارۋشى ۆيتسە-پرەزيدەنتى ا. مەحرامەن كەزدەسۋ وتكىزدى.
كومپانيانىڭ استانا قالاسىنىڭ اۋەجايى مەن قازاقستاندىق كەدەن بەكەتتەرىنە Rapiscan سكانەرلەۋ جۇيەلەرىمەن جابدىقتاۋ جۇرگىزەتىندىگى تۋرالى كەلىسىمگە قول جەتكىزىلدى.
ودان كەيىن ب.ساعىنتاەۆ «Pfizer» كومپانياسىنىڭ ۆيتسە-پرەزيدەنتى م.گەتتلەرمەن كەزدەستى. قازاقستاندا ۆاكتسينالار ءوندىرەتىن زاۋىت سالۋ تۋرالى كەلىسىمگە قول جەتكىزىلدى.
بۇدان ءارى پرەمەر-مينيستر ەكونوميست ن.رۋبينيمەن ماڭىزدى ءارى قىزىقتى كەزدەسۋ وتكىزدى. جاھاندىق جانە ايماقتىق ەكونوميكالىق دامۋ تاقىرىبى بويىنشا پىكىر الماسۋ ءوتتى.
كەلەسى كۇننىڭ تاڭەرتەڭىندە پرەمەر-مينيستر «Cisco» كەڭسەسىن ارالادى جانە كومپانيانىڭ ديرەكتورلار كەڭەسىنىڭ توراعاسى دج.چامبەرسپەن كەزدەسۋ وتكىزدى.
«Cisco» كومپانياسىنىڭ نەگىزى 1984 جىلى قالانعان جانە قازىرگى ۋاقىتتا كەڭ كولەمدى جەلى جابدىقتارىن شىعارادى, ولاردىڭ قاتارىندا مارشرۋتيزاتورلار, IP-تەلەفونيا ونىمدەرى, Ethernet-كوممۋتاتورلار, جەلى قاۋىپسىزدىگى قۇرىلعىسى, Wi-Fi رۇقسات نۇكتەسى, وپتيكالىق كوممۋتاتسيا پلاتفورمالارى, ATM-كوممۋتاتورلار ت.ب. بار.
قازاقستان ءۇشىن وسىنداي اتاقتى الەمدىك كومپانيامەن ىنتىماقتاستىق مەملەكەت باسشىسىنىڭ جولداۋىندا ۇسىنىلعان ەل ەكونوميكاسىن جاڭعىرتۋ بويىنشا مىندەتتەر تۇرعىسىندا ەرەكشە مانگە يە.
وسىندا «تسيفرلى قازاقستان» باعدارلاماسىن جۇزەگە اسىرۋ اياسىندا «زەردە» اق پەن «Cisco» كومپانياسى اراسىندا ىنتىماقتاستىق ورناتۋ تۋرالى مەموراندۋمعا قول قويىلدى.
سان-فرانتسيسكودا ب.ساعىنتاەۆ اتاقتى ەكونوميست ا.لاففەرمەن كەزدەستى. كەزدەسۋ بارىسىندا جاھاندىق ەكونوميكاداعى وزەكتى ۇردىستەر, زاماناۋي سالىق ساياساتىنىڭ ەرەكشەلىكتەرى تالقىلاندى.
سودان كەيىن پرەمەر-مينيستر Robomatter Inc. پرەزيدەنتى سكيپ سميتپەن كەزدەسۋ وتكىزدى, ونىڭ بارىسىندا كومپانيانىڭ يننوۆاتسيالىق ءبىلىم بەرۋ باعدارلامالارىن قازاقستاندا, جاستاردى كومپيۋتەرلىك عىلىمدارعا باعدارلامالاۋعا جانە روبوتتى تەحنيكاعا وقىتۋ جانە دايارلاۋ ءۇشىن قولدانۋ مۇمكىندىگىن تالقىلادى.
ودان كەيىن, باقىتجان ساعىنتاەۆ «Tesla Motors» كەڭسەسىنە بارىپ, وندا روبوتتى تەحنيكا مەن باعدارلامالاۋعا نەگىزدەلگەن ەلەكتروموبيلدەر ءوندىرىسىنىڭ تولىق كەزەڭىمەن تانىستى.
بۇدان كەيىن باقىتجان ساعىنتاەۆ «سhevron» كومپانياسىنىڭ توراعاسى دجون ۋوتسونمەن كەزدەستى. اڭگىمەلەسۋ بارىسىندا تاراپتار مۇناي ءونىمدەرىنىڭ الەمدىك نارىعىن دامىتۋدىڭ قازىرگى جاعدايى مەن بولجامدارىن, ەلىمىزدەگى مۇناي-گاز جوبالارىنداعى ىنتىماقتاستىقتى كەڭەيتۋ ماسەلەلەرىن, سونىمەن قاتار, قازاقستانداعى بولاشاق كەڭەيۋ جوباسىن تالقىلادى.
پرەمەر-مينيستر «IBM Watson West» ورتالىعىن ارالادى, وندا باقىتجان ساعىنتاەۆقا كومپانيانىڭ جاساندى زەردە, بەينە مەن ساراپتاۋدى تانىپ-ءبىلۋ سالاسىنداعى ازىرلەمەلەرى مەن «اقىلدى» قالالارعا ارنالعان يننوۆاتسيالىق شەشىمدەرى تانىستىرىلدى.
ساپار قورىتىندىسى بويىنشا «IBM» كومپانياسى مەن «يتپ» دكق اراسىندا استانا قالاسىندا قارجىلىق تەحنولوگيالار, «اقىلدى قالا» بويىنشا تەحنولوگيالار جانە قالا قۇرىلىسى مەن ونى پايدالانۋدى باسقارۋعا ارنالعان تەحنولوگيالار بويىنشا قولدانبالى زەرتتەۋلەرگە ارنالعان زەرتحانا قۇرۋ بويىنشا مەموراندۋمعا قول قويىلدى.
سونداي-اق, باقىتجان ساعىنتاەۆ «Autodesk» كومپانياسىنىڭ كەڭسەسىنە بارىپ, كومپانيا ۆيتسە-پرەزيدەنتى دەۆيد كرەينمەن كەزدەستى.
تاراپتار قازاقستاندا Autodesk قۇزىرەت ورتالىعىن قۇرۋ ماسەلەسىن تالقىلادى.
سونىمەن قاتار, «Autodesk» كومپانياسىمەن بىرلەسىپ, قازاقستاندىق جاڭا قۇرىلىس ماتەريالدارىنىڭ ساپاسىن انىقتاۋ جانە سەرتيفيكاتتاۋ زەرتحاناسى قۇرىلاتىن بولادى.
پرەمەر-ءمينيستردىڭ كەستەسىندەگى اسا ماڭىزدى شارالاردىڭ ءبىرى – «Project: Collider» تەحنولوگيالىق فورۋمى بولدى, وندا ب.ساعىنتاەۆ يننوۆاتسيالار سالاسىنداعى الەمدىك كوشباسشى كومپانيالاردى قازاقستان ەكونوميكاسىنىڭ جاڭعىرتىلۋ ۇدەرىسىنە بەلسەندىرەك قاتىسىپ, ينۆەستيتسيا قۇيۋعا شاقىردى.
پرەمەر-مينيستر «Bridge West Group» ديرەكتورلار كەڭەسىنىڭ توراعاسى ماسي تاەبيمەن كەزدەسۋ وتكىزدى, ونىڭ قورىتىندىسى بويىنشا «قازاقتەلەكوم» اق-پەن مەموراندۋمعا قول قويىلدى, وندا ينتەرنەتكە قولجەتىمدىلىك جەلىلەرىن اۋقىمدى دامىتۋ ماقساتىندا امەريكالىق كومپانيانىڭ جابدىقتارىن ساتىپ الۋ بويىنشا ىقتيمال ىنتىماقتاستىق كوزدەلگەن.
سودان كەيىن «Learn Capital» باسقارۋشى سەرىكتەسى گ.ماۋرومەن كەزدەسۋ ءوتتى, ونىڭ قورىتىندىسى بويىنشا قر بعم «اقپاراتتىق-تالداۋ ورتالىعى» اق-پەن «چارتەرلىك مەكتەپتەر» دەپ اتالاتىن ۇلگى بويىنشا يننوۆاتسيالىق ءبىلىم بەرۋدىڭ قاناتقاقتى جوباسىن دامىتۋ بويىنشا ىنتىماقتاستىق تۋرالى مەموراندۋمعا قول قويىلدى.
قازاقستان پرەمەر-ءمينيسترى ب.ساعىنتاەۆتىڭ اقش-قا جۇمىس ساپارى اياسىندا كرەمني القابىندا قازاقستاننىڭ وكىلدىگىن اشۋ تۋرالى كەلىسىمگە قول قويىلدى.
يننوۆاتسيالىق وكىلدىك كرەمني القابىندا قازاقستاننىڭ تەحنولوگيالىق ستارتاپتارىن دامىتۋ پلاتفورماسىمەن قامتاماسىز ەتەدى, ەلىمىزدەگى كاسىپكەرلىك پەن عىلىمدى دامىتۋعا ەڭ ۇزدىك تەحنولوگيالىق يدەيالار مەن ۇدەرىستەرگە قولجەتىمدىلىكپەن قامتاماسىز ەتەدى. سونداي-اق, قازاقستاننىڭ ءىرى كورپوراتسيالارىنا الەمدىك دەڭگەيدە يننوۆاتسيالىق ءوزارا ءىس-قيمىل جاساسۋ, بىرەگەي اقپارات پەن رەسۋرستاردىڭ قولجەتىمدى بولۋ مۇمكىندىگى بار.
سونىمەن قاتار, پرەمەر-مينيستر ب.ساعىنتاەۆ «DFJ» كومپانياسىنىڭ كەڭسەسىنە بارىپ, ونىڭ نەگىزىن قالاۋشى ت. دراپەرمەن كەزدەستى.
«DFJ»-تىڭ بىرقاتار قازاقستاندىق كومپانيالارعا قولداۋ كورسەتۋى تۋرالى ۋاعدالاستىققا قول جەتكىزىلدى. ايتا كەتۋ كەرەك, «DFJ» كومپانياسى تەحنولوگيالار سالاسىندا دامۋ ساتىسىنداعى جانە باستاپقى ساتىداعى جوبالاردى ينۆەستيتسيالاۋعا باعدارلانعان.
باقىتجان ساعىنتاەۆ كرەمني القابىنىڭ يننوۆاتسيالىق ورتالىعىنىڭ كەڭسەسىنە بارىپ, ساراپشىلار توبىمەن جانە ورتالىق پرەزيدەنتى ا.كۋنوۆپەن كەزدەستى.
ب.ساعىنتاەۆ «Plug and Play Tech Center» كومپانياسىنىڭ كەڭسەسىندە دە بولدى.
ودان كەيىن پرەمەر-مينيستر «Jabil» كومپانياسىنىڭ كەڭسەسىنە باردى, ول ءتۇرلى سالالارداعى جاھاندىق تەحنولوگيالىق كورپوراتسيالارعا ەلەكترونيكالاردى جوبالاپ, ازىرلەۋ بويىنشا كەشەندى قىزمەتتەر كورسەتەتىن الەمدەگى ەڭ ءىرى وندىرىستىك كومپانيالاردىڭ ءبىرى.
سونىمەن قوسا, باقىتجان ساعىنتاەۆ «Google» كەڭسەسىندە بولىپ, وندا كومپانيانىڭ ءىت-سالاسىنداعى قازىرگى ازىرلەمەلەرىمەن تانىستى, سونىمەن قاتار, قىزمەتكەرلەرمەن قازاقستانعا قاجەتتى جوبالاردى تالقىلادى.
باقىتجان ساعىنتاەۆ «Microsoft» كورپوراتسياسىنىڭ ۇجىمدىق ۆيتسە-پرەزيدەنتى د.لەۆينمەن كەزدەسۋ وتكىزدى. كەزدەسۋ بارىسىندا كومپانيانىڭ باعدارلامالىق شەشىمدەرىن قازاقستاننىڭ شاعىن جيناقتى مەكتەپتەرىنە ەنگىزۋ ماسەلەسى تالقىلاندى.
وسىلايشا, پرەمەر-مينيستر باقىتجان ساعىنتاەۆتىڭ امەريكا قۇراما شتاتتارىنا جۇمىس ساپارى اياقتالدى. وتكىزىلگەن كەزدەسۋلەر مەن قول قويىلعان قۇجاتتار قازاقستانعا ەلىمىزدە تسيفرلى ينفراقۇرىلىمدى دامىتۋعا جاعداي جاساۋعا, جاڭا يندۋستريالاردى تاراتۋعا, يندۋستريا 4.0 ەلەمەنتتەرىن ۇلتتىق ەكونوميكاعا ينتەگراتسيالاۋعا كومەك بەرەدى.
