قىتايدىڭ حۋنان تەلەارناسىنىڭ «Singer 2017» جوباسىندا جۇلدىزداي جارقىراپ كورىنگەن, ءانى ارقىلى قازاق اتىن الەمگە پاش ەتكەن, ناعىز دارىن يەسى, شىن تالانت ديماش قۇدايبەرگەن وزىنە, ونەرىنە قولداۋ كورسەتكەن بارشا جانكۇيەرلەرىنە العىسىن ءبىلدىردى.
ول ءوزىنىڭ ينستاگرام جەلىسىندەگى پاراقشاسىندا: «جۇرەگىم ونەر دەپ سوعادى, ماقساتىم ءان ايتۋ, كۇللى الەمگە ىشىمدە جاتقان باردى جار سالۋ... مىندەتىم, قازاق ءانىن پاش ەتۋ, جانكۇيەرلەرىمە جان جۇرەگىمدە جاتقان جىردى جىرلاۋ, ونەرىمدى باعالايتىندارمەن بىرگە تولعانۋ, تەبىرەنۋ!... مەنىڭ ءالى ايتارىم بار! بۇل باستاماسى! جەڭىس قۇتتى بولسىن!!! جۇرەگىم سىزدەرمەن بىرگە!!! ىستىق ىقىلاستارىڭىز ءۇشىن راxمەت!!!», - دەپ جازدى.
ديماش قۇدايبەرگەن ون كەزەڭنەن تۇراتىن ىرىكتەۋ باسەكەسىندە ءۇش رەت ءبىرىنشى ورىن الدى.تىڭدارماننىڭ ەرەكشە ىقىلاسىنا بولەندى. ال اقتىق سىندا وعان ەكىنشى ورىن بۇيىردى.
