ەاەو ەلدەرىنىڭ وكىلەتتى ورگاندارىنىڭ جانە مۇناي-گاز كومپانيالارىنىڭ وكىلدەرى مۇناي جانە گاز كوميسسياسى كونسۋلتاتيۆتىك كوميتەتىنە قاراستى كاسىپتىك جۇمىس توبىنىڭ توعىزىنشى وتىرىسىندا جوبانىڭ قۇجاتىن قارادى, دەپ حابارلايدى ەەك ءباسپاسوز قىزمەتى.
«ەاەو گازدىڭ جالپى نارىعىن قالىپتاستىرۋ - ەنەرگەتيكا سالاسىنداعى كەڭەس ەلدەرىنىڭ ينتەگراتسيالىق ىنتىماقتاستىق باسىمدىعىنىڭ ءبىرى بولىپ تابىلادى. نارىقتى باستاۋ ءۇشىن بىزگە جىلدىڭ سوڭىنا دەيىن بىرىگىپ ەرەجەلەر جاساۋ قاجەت: بۇنى ەۋرازيالىق «بەستىك» ەلدەرىنىڭ باسشىلارى كۇتۋدە», - دەپ ەسكەرتتى ەەك ەنەرگەتيكا دەپارتامەنتىنىڭ ديرەكتورى لەونيد شەنەتس.
تالقىلاۋ ناتيجەسى بويىنشا جۇمىس توبىنىڭ قاتىسۋشىلارى جوبادان تابيعي گازدى ساقتاۋ بويىنشا قىزمەت تۇرلەرىنىڭ قۇجاتىن شىعارۋعا كەلىستى.
سونىمەن قاتار تاراپتار گازدى تاسىمالداۋ قىزمەتىنىڭ ءتاريفى بارلىق قاتىسۋشىلارعا بىردەي بولاتىندىعىنا ۋاعدالاستى. قازىرگى تاڭدا گازدى جەتكىزۋ ەاەو ەلدەرىنىڭ ەكىجاقتى كەلىسىمى نەگىزىندە جۇزەگە اسۋدا.
