تاراپتار ەكىجاقتى قارىم-قاتىناستى, سونىڭ ىشىندە, پارلامەنتارالىق بايلانىستى نىعايتۋدىڭ ماڭىزدى ماسەلەلەرىن تالقىلادى.
حالىقارالىق تاقىرىپتارعا كەلگەندە ن.نىعماتۋلين مەن ر.مافاەل قازاقستان مەن گەرمانيانىڭ ايماقتىق قاۋىپسىزدىك پەن تۇراقتىلىقتى نىعايتۋداعى ۇستانىمدارىنىڭ ۇقساستىعىنا نازار اۋداردى.
ءماجىلىس توراعاسى قازاقستان پرەزيدەنتى نۇرسۇلتان نازارباەۆتىڭ بىرىككەن ۇلتتار ۇيىمىنىڭ قولداۋىمەن حالىقارالىق تەرروريزم مەن ەكسترەميزمگە قارسى ارەكەتتىڭ الەمدىك بىرىڭعاي جەلىسىن قۇرۋ تۋرالى باستاماسىنىڭ ماڭىزدىلىعىنا توقتالدى.
سونىمەن بىرگە, ءماجىلىس توراعاسى مەيمانعا ەلىمىزدە جۇرگىزىلگەن كونستيتۋتسيالىق رەفورما تۋرالى دا باياندادى. ءوز كەزەگىندە ر.مافاەل, سوڭعى 25 جىل ىشىندەگى قازاقستاندىق-گەرمانيالىق قارىم-قاتىناستىڭ دامۋ دەڭگەيىنە جان-جاقتى كوڭىل بولە كەلىپ, قوس مەملەكەتتىڭ تابىسىنا جوعارى باعا بەردى.
