«ەكولوگيانىڭ لاستانۋىن الدىن الۋ شاراسى رەتىندە قورشاعان ورتاعا اسەرىن باعالاۋ قادامى ءساتتى ەنگىزىلدى. سونىمەن بىرگە قازاقستان 2000 جىلى قورشاعان ورتاعا ترانسشەكارالىق كونتەكستە اسەر ەتۋدى باعالاۋ جونىندەگى كونۆەنتسيانى راتيفيكاتسيالادى. بۇل قۇجات 1991 جىلى ەسپو قالاسىندا قابىلدانعان بولاتىن. وسى ورايدا ەلىمىز قولدانىستاعى زاڭنامانى جەتىلدىرۋدى جالعاستىرۋدا. مۇنىمەن قوسا, ەۋروپالىق ەلدەر قورشاعان ورتاعا اسەردى باعالاۋ مەن حالىق دەنساۋلىعىنا قاتىستى قادامداردى جاقسارتۋ بويىنشا جۇمىستى جالعاستىرۋدا. بۇل جۇمىستىڭ ناتيجەسى رەتىندە 2003 جىلى قورشاعان ورتاعا اسەرىن باعالاۋ كونۆەنتسياسىنا ستراتەگيالىق ەكولوگيالىق باعالاۋ بويىنشا حاتتامانى قابىلداۋ بولدى», - دەدى مىرزاعاليەۆ.
ونىڭ ايتۋىنشا, ستراتەگيالىق ەكولوگيالىق باعالاۋدىڭ (سەب) نەگىزگى ماقساتى - قوعامدىق پىكىردى ەسكەرە وتىرىپ, مەملەكەتتىك جوسپارلاۋ كەزەڭىندە بولۋى مۇمكىن ەكولوگيالىق سالداردى باعالاۋ جونىندەگى قادامداردى پايدالانۋ.
«تمد-نىڭ كەيبىر ەلدەرى ستراتەگيالىق ەكولوگيالىق باعالاۋ جونىندەگى حاتتامانى راتيفيكاتسيالادى. قازىرگى ۋاقىتتا قازاقستاندا ستراتەگيالىق ەكولوگيالىق باعالاۋدى پايدالانۋ مۇمكىندىگىن زەرتتەۋ ءۇشىن ەۋروپالىق وداقپەن جانە بۇۇ دب-مەن قولداۋ تاپقان جوبا ىسكە اسىرىلۋدا. اتقارىلعان جۇمىستىڭ ناتيجەسى ەلىمىزدە سەب ەلەمەنتتەرىن ەنگىزۋ بويىنشا مۇمكىندىكتەرگە نۇسقايدى», - دەدى ۆيتسە-مينيستر.
