بقو جولاۋشىلار كولىگى جانە اۆتوموبيل جولدارى باسقارماسى باسشىسىنىڭ ورىنباسارى قازبەك مەڭەەۆتىڭ ايتۋىنشا, اتالمىش جۇردەك پويىز استاناعا 24, الماتىعا 37 ساعاتتا جەتپەك, دەپ حابارلايدى قازاقپارات.
«پويىزدىڭ كەستەسى مەن بيلەت قۇنى ازىرگە بەلگىسىز. «تۇلپار-تالگو» جۇردەك پويىز بولعاندىقتان, ايالدايتىن ستانسا سانى دا قىسقارادى. وبلىستا ول تەك اقساي قالاسىنا (قازاقستان ستانساسىنا) عانا توقتايدى», دەدى ق.مەڭەەۆ.
ايتا كەتەيىك, 2016 جىلعى قازاندا استانادا وتكەن قازاقستان مەن رەسەي وڭىرارالىق ىنتىماقتاستىعى ءحىىى فورۋمىنا قاتىسقان ەكى ەل پرەزيدەنتتەرى ەۋرازيا كەڭىستىگىنىڭ كولىك-لوگيستيكالىق الەۋەتىن دامىتۋعا ارنالعان بىرقاتار ماڭىزدى قۇجاتتارعا قول قويعان بولاتىن. سوعان سايكەس قوس ەل ۇكىمەتتەرى اراسىنداعى كاسىپورىنداردىڭ, مەكەمەلەردىڭ جانە تەمىرجول سالاسىنىڭ قىزمەتىن قۇقىقتىق رەتتەۋدىڭ ەرەكشەلىكتەرى تۋرالى (1996 جىلعى 18 قازانداعى) كەلىسىمگە تولىقتىرۋلار ەنگىزۋ تۋرالى حاتتاما جاسالدى.
وسىنىڭ نەگىزىندە «قازاقستان تەمىر جولى» كومپانياسى استانا مەن الماتىدان ورالعا رەسەيمەن شەكارادا تەكسەرۋ جۇرگىزىلمەيتىن «تۇلپار-تالگو» پويىزىن شىعارۋ جونىندە شەشىم قابىلداعان ەدى.
