تاراپتار ينۆەستيتسيالىق, ساۋدا-ەكونوميكالىق سالالار جانە قالانى ودان ءارى دامىتۋ بويىنشا ىنتىماقتاستىق ماسەلەلەرىن تالقىلادى, دەپ حابارلايدى قالالىق اكىمدىكتىڭ ءباسپاسوز قىزمەتى.
«توكيو مەرى الماتىدا وتكەن دۇنيەجۇزىلىك قىسقى ۋنيۆەرسيادانىڭ جوعارى دەڭگەيىن ەرەكشە اتاپ ءوتتى جانە استانادا بولاتىن حالىقارالىق EXPO-2017 كورمەسىنە تابىس تىلەدى», - دەلىنگەن حابارلامادا.
«مەن الماتىدا بولعانمىن, قالا ماعان ەرەكشە ۇنادى. ءسىزدىڭ بۇل ساپارىڭىز ءوزارا ىنتىماقتاستىقتى ودان ءارى نىعايتۋعا جاڭا سەرپىلىس بەرەدى دەگەن ويدامىن», - دەپ اتاپ ءوتتى يۋ.كويكە.
«Tokyo Seiko MFG» كومپانياسى باسقارماسىنىڭ توراعاسى شيگەتو تاناكامەن بولعان كەزدەسۋدە الاتاۋ اۋدانىنداعى يندۋستريالدى ايماقتا ورنالاسقان «Tokyo Rope Almaty» مەتيز زاۋىتىن سالۋ جونىندەگى جوبانىڭ ەكىنشى كەزەگىن جۇزەگە اسىرۋ ماسەلەلەرى تالقىلاندى.
«Tokyo Rope» كومپانياسىنىڭ الماتىدا بولات ونىمدەرىن شىعارۋمەن اينالىساتىن العاشقى جاپوندىق زاۋىتى وتكەن جىلدىڭ قاراشا ايىندا قر پرەزيدەنتى ن. ءا. نازارباەۆتىڭ قاتىسۋىمەن وتكەن تەلەكوپىر بارىسىندا جاپونيادان ىسكە قوسىلعان ەدى.
الەمدىك رەيتينگتە 10 ۇزدىك بانكتەر قاتارىنا ەنگەن «The Bank of Tokyo-Mitsubishi UFG» باسشىلىعىمەن كەزدەسۋ بارىسىندا باۋىرجان بايبەك الماتىدا بىرىككەن جوبالاردى جۇزەگە اسىرۋعا ءىرى قارجى كونگلومەراتىنىڭ قولدايتىندىعىنا سەنىم ءبىلدىردى.
جول قوزعالىسىن باسقاراتىن توكيو ورتالىعىندا بولعاننان سوڭ «سمارت سيتي» جوباسى اياسىندا الماتىنىڭ دامۋ ورتالىعى قالا ترافيگىن باسقارۋدىڭ وسىعان ۇقساس ورتالىعىن قۇرۋ ءۇشىن ساراپتامالىق ەسەپتەۋلەر جۇرگىزەدى.
ءوز كەزەگىندە «الماتى سۋ» حولدينگى «YYS International Pte» كومپانياسىمەن بىرگە سۋدى تازارتۋدىڭ كواگۋليانتتى گرانۋل جۇيەسىن جۇزەگە اسىرادى.
قالالىق اكىمدىكتىڭ ءباسپاسوز قىزمەتىنىڭ حابارلاۋىنشا, الماتى دەلەگاتسياسى جۇمىس ساپارى بارىسىندا ساۋدا, ينۆەستيتسيا, قىزمەت كورسەتۋ بويىنشا الەمدەگى ەڭ تانىمال كورپوراتسيالاردىڭ ءبىرى «Mitsui&Co.» وفيسىندە بولدى, سونىمەن قاتار «Shimizu» سەيسمولوگيالىق كومپانياسى زەرتتەۋ ورتالىعىنىڭ جۇمىسىمەن تانىستى.
