قازاقستاننىڭ ينۆەستيتسيالار جانە دامۋ ءمينيسترى جەڭىس قاسىمبەك قر پارلامەنتى سەناتىنىڭ وتىرىسىندا اۆياتسيالىق تاريفتەردى تومەندەتۋگە باعىتتالعان شارالار تۋرالى ايتىپ بەردى, دەپ xابارلايدى قازاقپارات.
ءمينيستردىڭ سوزىنشە, قازاقستاننىڭ اۆياتسيالىق نارىق ءۇش جىل بۇرىن ىرىقتاندىرۋدان وتكەن.
"مىسالى, ەلىمىزدىڭ ەكى اۋەجايى اراسىندا قاتىنايتىن تاسىمالداۋشىلاردىڭ سانىنا شەك قويىلمايدى. قازىر ەكى باعىتتا ءتورت تاسىمالداۋشىدان بار - الماتى-شىمكەنت پەن الماتى-استانا. الماتى-استانا مارشرۋتى بويىنشا اپتاسىنا ءبىر كۇندەرى 17 ۇشىرۋعا دەيىن ورىن الادى", - دەدى ول.
ءمينيستردىڭ مالىمەتتەرىنە سايكەس, بەك ەير, Qazaq Air پەن Scat اۋەكومپانيالارىندا ەكى اپتا بۇرىن ساتىپ الىنعان بيلەتتەر قۇنى 11 مىڭنان باستالادى. "ەير استانادا" بيلەتتەرىنىڭ ەڭ تومەنگى باعاسى 15-16 مىڭ تەڭگەنى قۇرايدى.
"ەگەر الماتى-استانا باعىتىندا سول كۇنى بيلەت ساتىپ الاتىن بولساڭىز, بيلەت قۇنى 40 مىڭ تەڭگەدەن اسادى. سوندىقتان ءبىز باسەكەلەستىكتى قىزدىرۋعا نيەتتىمىز", - دەپ اتاپ ءوتتى مينيستر.
حالىقارالىق رەيستەرگە توقتالعان ج. قاسىمبەك, شەتەلدىك اۋە كومپانيالارىمەن قول جەتكىزىلگەن كەلىسىمدەر تۋرالى ايتىپ بەردى.
ونىڭ ايتۋىنشا, ۆەنگريالىق لوۋكوستەر WizzAir 8 ماۋسىمنان باستاپ, كازاقستاندىقتاردى ەۋروپاعا 40 ەۋرو جانە ودان جوعارى باعامەن تاسىمالداۋعا دايىن.
ء"بىزدىڭ بولجامىمىزشا, بيلەت قۇنى ورتاشا ەسەپپەن 100 ەۋرو جانە ودان جوعارى بولۋى ىقتيمال. دەگەنمەن ءبىر-ەكى اي بۇرىن ساتىپ الىناتىن بولسا, 40 ەۋروعا دا شىعۋى مۇمكىن. ءبىز بيىل حەلسينكي جانە ۆارشاۆاعا رەيستەر اشامىز. جالپى ەكسپو بويىنشا جۇمىستاردىڭ اياسىندا بيىل Open Sky پرينتسيپتەرى نەگىزىندە كەز كەلگەن شەتەلدىك قالادان استاناعا كۇنىنە 7 رەيسكە دەيىن جاساۋعا مۇمكىندىك بەرىلدى. قازىر سۇرانىس ءتۇسىپ جاتىر. بىزدىڭشە, بۇل قوسىمشا باسكەلەستىك الىپ كەلەدى, ال ول ءوز كەزەگىندە بيلەت باعاسىنىڭ تومەندەۋىنە ىقپال جاسايدى", - دەپ اتاپ ءوتتى ول.
