باياناۋىل-پاۆلودار باعىتىنداعى تاس جول قازىر تاسقىن سۋدىڭ استىندا قالدى. وبلىستىق توتەنشە جاعدايلار دەپارتامەنتى پاۆلودار مەن باياناۋىل اراسىنداعى جول ۋاقىتشا جابىلدى. بىرلىك اۋىلى ماڭىنداعى جولدىڭ استىنداعى قۇبىرلار جارىلىپ كەتكەن. بۇل تاسقىن سۋعا ءوزىمىز جول بەردىك دەگەن ءسوز عوي. جول جوق. وبلىس ورتالىعىنان ارنايى تەحنيكا جەتكىزىلىپ, بىرلىك اۋىلىنىڭ جولىنا سۋ وتكىزگىش قۇبىر ورناتىلىپ جاتىر دەپ حابارلايدى. قۇداي-اۋ, جاز بويى ءوزى نە قارادىق؟! تاسقىن سۋدىڭ بەتى قايتار ءتۇرى كورىنبەيدى دەيدى اۋىلدىقتار. سۋ قويمالارىنداعى سۋ ءمولشەرىنىڭ ارتۋى كەزىندە نە بولماق؟.. ەرتەڭ-اق قاراعاندى وبلىسىنداعى قاراتوقا بوگەتى اۋماعىنان اعاتىن قار سۋى باياناۋىلدىڭ تەڭدىك, ال اقمولا وبلىسىنداعى سىلەتى سۋ قويماسىنان كەلەتىن سۋ اقتوعاي اۋدانىنىڭ شولاقسور اۋىلدارىنا قاۋىپ توندىرەدى. بىردە-ءبىر اۋىلدىڭ سۋ وتىندە قالۋىنا جول بەرمەۋىمىز كەرەك دەگەنمەن دە, تاسقىن سۋدان قورعانۋ شارالارىن ەرتەرەك قولعا الۋ كەرەك ەمەس پە ەدى؟!.
فاريدا بىقاي,
«ەگەمەن قازاقستان»
پاۆلودار وبلىسى
