ۇلتتىق گۆارديانىڭ 36 اسكەري قىزمەتشىسى مەن ىشكى ىستەر ورگاندارىنىڭ 232 قىزمەتكەرى, 58 اۆتوكولىك, سەگىز ءجۇزۋ قۇرالى دا باعالى بالىق قورىن ساقتاۋ شارالارىنا قاتىسادى. «براكونەرلىك فاكتىلەر كوپ تىركەلەتىن جەرلەردە 20 بەكەت ۇيىمداستىرىلعان. جايىق, قيعاش وزەندەرى مەن كاسپي تەڭىزىنىڭ جاعالاۋى دا باقىلاۋدا بولادى», دەيدى ورمان شارۋاشىلىعى ءجانە جانۋارلار دۇنيەسى كوميتەتى ءتوراعاسىنىڭ مىندەتىن اتقارۋشى مارلەن اينابەكوۆ.
كەڭ اۋقىمدى بالىق قورعاۋ ناۋقانى 31 مامىرعا دەيىن جالعاسادى. وسى ۋاقىت ارالىعىندا اتىراۋ, اقتاۋ, ورال قالالارىندا بالىق ءونىمىن زاڭسىز ساتۋ ورىندارى تۋرالى مونيتورينگ جۇرگىزىلەدى. بيىل اتىراۋلىق بالىقشىلارعا بولىنگەن كۆوتا كولەمى 14 مىڭ توننا. بۇل كورسەتكىش ءوتكەن جىلعى ءمولشەردەن بەس مىڭ تونناعا از. وبلىستىق اۋماقتىق ورمان شارۋاشىلىعى جانە جانۋارلار دۇنيەسى ينسپەكتسياسىنىڭ باسشىسى مۇرات ەرمەكقاليەۆتىڭ ايتۋىن-
شا, بىلتىر بالىقشىلار بولىنگەن ءليميتتىڭ 67,5 پايىزىن عانا (12,9 مىڭ توننا) ورىنداعان. ەسەسىنە, 15 مىڭ توننا بالىق ءونىمدەرى زاڭسىز اۋلانىپ, وبلىس اۋماعىنان شىعارىلىپتى.
باقىتگۇل باباش,
«ەگەمەن قازاقستان»
اتىراۋ
