قالا مەتروپوليتەنىنىڭ ءباسپاسوز قىزمەتى جارىلىس بولعانىن راستادى. قازا بولعاندار مەن زارداپ شەككەندەر تۋرالى رەسمي اقپارات جوق. الايدا, تاسس پەن رەيتەر اگەنتتىكتەرى ءوز دەرەككوزدەرىنە سۇيەنىپ 10 ادامنىڭ قايتىس بولعانىن جازۋدا. سونداي-اق وزگە دە رەسەيلىك باق وكىلدەرى وقيعا سالدارىنان 30 ادامنىڭ زارداپ شەككەنىن حابارلادى.
كەيبىر دەرەكتەرگە قاراعاندا, كورشىلەس «تەحنولوگيچەسكي ينستيتۋت» ستانساسىندا تاعى ءبىر جارىلىس بولعان. ريا «نوۆوستي» اگەنتتىگى ەكى وقيعادا دا پويىز ۆاگوندارىنىڭ ىشىندە جارىلعىش زاتتار ىسكە قوسىلعانىن العا تارتادى.
بولعان وقيعا جونىندە رەسەي پرەزيدەنتى ۆلاديمير پۋتينگە باياندالدى, دەپ حابارلايدى رف باسشىسىنىڭ ءباسپاسوز حاتشىسى دميتري پەسكوۆ. پرەزيدەنت قازا بولعانداردىڭ وتباسىلارىنا كوڭىل ايتىپ, جارىلىستىڭ تەراكت رەتىندە باعالانۋ مۇمكىندىگىن جوققا شىعارمادى.
