سەنبىلىك جۇمىسىنا وبلىس اكىمى كارىم كوكىرەكباەۆ قاتىسىپ, تاراز قالاسىنداعى قابىلبەك سارىمولداەۆ اتىنداعى №1 بالالار ءۇيىنىڭ اۋلاسىنا 60-تان استام تال كوشەتتەرى وتىرعىزىلدى. سونداي-اق تال-داراقتارمەن قاتار, الما, المۇرت, دەكوراتيۆتى اعاشتار وتىرعىزۋ جۇمىستارى وبلىستاعى جوعارى جانە ورتا ارناۋلى وقۋ ورىندارىنىڭ ستۋدەنتتەرى مەن قالا تۇرعىندارىنىڭ قاتىسۋىمەن «اۋليە-اتا» حالىقارالىق اۋەجايىندا جانە №1 قالالىق اۋرۋحاناسىندا جالعاستى.
وبلىستىڭ بارلىق ەلدى مەكەندەرىندە جاپپاي وتكىزىلگەن كوكتەمنىڭ العاشقى سەنبىلىگىنە وبلىس جاستارى مەن قالا تۇرعىندارى قامتىلدى. سەنبىلىككە شىعۋشىلار اينالانى كوگالداندىرۋعا, قالا, اۋدان, اۋىل ماڭدارىن, كوشەلەرىن تازارتۋعا, سپورتتىق كەشەندەر مەن وزەن جاعالاۋلارىن قالپىنا كەلتىرۋگە, ساياباقتار مەن قۇرىلىس الاڭدارىن تازارتۋعا اتسالىستى.
حاميت ەسامان,
«ەگەمەن قازاقستان»
