ماقسات قاباشەۆ "KAZAKH INVEST" ۇلتتىق كومپانياسى" اق باسقارما توراعاسى بولىپ سايلاندى, دەپ جازادى كومپانيانىڭ ءباسپاسوز قىزمەتى.
«"KAZAKH INVEST" ۇلتتىق كومپانياسى" اق ديرەكتورلار كەڭەسىنىڭ 2017 جىلدىڭ 31 ناۋرىزىنداعى شەشىمىنە ساي, باسقارما توراعاسى بولىپ ماقسات قاباشەۆ سايلاندى", - دەلىنگەن حابارلامادا.
ماقسات راقىمجان ۇلى قاباشەۆ 1967 جىلى 1 قاڭتاردا قىزىلوردا قالاسىندا تۋعان.
ماسكەۋ ورمانتەحنيكالىق ينستيتۋتىن (1991) ينجەنەر-تەحنولوگ ماماندىعى بويىنشا; ق. ي. ساتباەۆ اتىنداعى قازاق ۇلتتىق-تەحنيكالىق ۋنيۆەرسيتەتىنىڭ كادرلاردى قايتا دايارلاۋ فاكۋلتەتىن (2001) ينجەنەر-مەحانيك ماماندىعى بويىنشا; ماسساچۋسەتس تەحنولوگيالىق ينستيتۋتىن (2004) ىسكەرلىك اكىمشىلدىلىك ماگيسترى ماماندىعى بويىنشا بىتىرگەن. تەحنيكا عىلىمدارىنىڭ كانديداتى.
1991 جىلدان - قازاق مەملەكەتتىك ساۋلەت-قۇرىلىس اكادەمياسىنىڭ سىناق مەرزىمىنەن ەتۋشى-زەرتتەۋشىسى. 1992 جىلدان - «ۆيست» جشس ديرەكتورى. 1993 جىلدان - «قازمۇنايحيم» جاق كوممەرتسيالىق ديرەكتورى. 1997 جىلدان - «قازاقگاز» تحك ءبىرىنشى ۆيتسە-پرەزيدەنتى; «اكتسەپت-كليرينگ» جاق ۆيتسە-پرەزيدەنتى. 1998 جىلدان - «قازاقگاز» ۇك پرەزيدەنتى (ورال قالاسى). 1999 جىلدان - ماسكەۋ قالاسىنداعى «قازاقويل» ۇك وكىلدىگىنىڭ ديرەكتورى. 2000 جىلدان - قر ەنەرگەتيكا جانە مينەرالدىق رەسۋرستار مينيسترلىگىنىڭ گاز ءوندىرۋ جانە تاسىمالداۋ باسقارماسىنىڭ باستىعى 2002 جىلدان - قر يندۋستريا جانە ساۋدا مينيسترلىگىنىڭ تەحنولوگيانى دامىتۋ دەپارتامەنتىنىڭ ديرەكتورى, مينيستر كەڭەسشىسى. 2004 جىلدان - «ۇلتتىق يننوۆاتسيالىق قور» اق باسقارماسى توراعاسىنىڭ ورىنباسارى. 2008 جىلدان - «قازىنا» تدق» اق باسقارما توراعاسىنىڭ ينۆەستيتسيالار جونىندەگى ورىنباسارى. 2008 جىلدان قازاقستاننىڭ ينۆەستيتسيالىق قورى» اق باسقارماسىنىڭ توراعاسى. 2009 جىلدىڭ قاڭتارىنان - «سترەسس اكتيۆتەرى قورى» اق باسقارماسىنىڭ توراعاسى.
2009 جىلدىڭ اقپانىنان بەرى - «اليانس بانك» اق باسقارماسىنىڭ توراعاسى بولعان.
«استانا-فينانس» اق ديرەكتورلار كەڭەسىنىڭ (2007 جىلدان); «قازاقستاننىڭ ينۆەستيتسيالىق قورى» اق ديرەكتورلار كەڭەسىنىڭ مۇشەسى (2008 جىلدان).
ۇيلەنگەن. جۇبايى - توقسانباەۆا ايگۋل ەركىنقىزى قىزى - ءمادىس (1994 جىلى تۋعان); ۇلى - ابىلاي (2002 جىلى تۋعان).
