ديرەكتورلار كەڭەسىنىڭ شەشىمىمەن تۇرعىن ءۇي قۇرىلىس جيناقتارى شارتىن جاساعانى ءۇشىن جانە شارتتىق سومانى ارتتىرۋ ءۇشىن الىناتىن كوميسسيا كولەمى 0 تەڭگە بولىپ بەكىتىلدى. بۇل وزگەرتۋلەر 2017 جىلدىڭ 3 ساۋىرىنەن باستاپ كۇشىنە ەنەدى, دەپ جازادى بانكتىڭ ءباسپاسوز قىزمەتى.
ەستەرىڭىزگە سالا كەتەيىك, بۇرىن اتالمىش قىزمەتتەر ءۇشىن الىناتىن كوميسسيا كولەمى - شارتتىق سومانىڭ جانە دەپوزيتتىڭ ارتتىرۋ سوماسىنىڭ 0,55%-ىن قۇراعان ەدى.
سونداي-اق, ديرەكتورلار كەڭەسى بانكتىڭ 2016 جىلعا ارنالعان قارجى ەسەپتىلىگىن الدىن-الا بەكىتتى, جانە وتىرىس بارىسىندا 2017 جىلدىڭ 1 قاڭتارىنداعى جاعداي بويىنشا بانك باسقارماسى قىزمەتىنىڭ ەسەبى, 2016 جىلعا ارنالعان 2014-2023 جىلدارداعى بانكتىڭ ۇزاق مەرزىمدى ستراتەگياسىن ىسكە اسىرۋ بويىنشا 2014-2016 جج. ارنالعان شارالار جوسپارىن ورىنداۋ تۋرالى ەسەپتەرى بەكىتىلدى. سونىمەن بىرگە, بانكتىڭ ۇيىمداستىرۋ قۇرىلىمى مەن كادرلىق وزگەرتۋلەرگە قاتىستى ماسەلەلەر دە قاراستىرىلدى.
«قازاقستاننىڭ تۇرعىن ءۇي قۇرىلىس جيناق بانكى» اق «بايتەرەك» ۇلتتىق باسقارۋشى حولدينگى» اق –نىڭ ەنشىلەس كومپانياسى بولىپ تابىلادى.
