«گەننادي قازاقستاندا جەكپە-جەك وتكىزگىسى كەلەدى. بۇل ونىڭ ارمانى ەكەنىن دە جاسىرمادى. مەنىڭ بۇعان ەش قارسىلىعىم جوق. نە سۇراسا دا, ءبارىن بەرۋگە دايىنمىن. ءوزىمنىڭ بەلبەۋىمدى ورتاعا قويۋدان قورىقپايمىن. تەك كەزدەسۋ وتسە بولعانى. سەبەبى, بۇل ايقاس تا مەنىڭ ارمانىم. گولوۆكين ەكەۋىمىزدىڭ قولعاپ ءتۇيىستىرۋىمىز تاريحقا ەنۋى مۇمكىن. ونى جەڭۋ ءۇشىن بارىمدى سالامىن», – دەدى سوندەرس.
«ەكەۋىمىزدىڭ جەكپە-جەگىمىز وسى جازدا وتكەنىن قالايمىن. گەنناديگە دەگەن قۇرمەتىم جوعارى, مەن تەك ءوزىمنىڭ كۇشىمدى تەكسەرىپ كورگىم كەلەدى. ەگەر الدا-جالدا بۇل بوكس كەشى ۇيىمداستىرىلمايتىن بولىپ جاتسا, ميگەل كوتتومەن كۇش سىناسسام دەيمىن», – دەدى Worldboxingnews.net باسىلىمىنا بەرگەن سۇحباتىندا.
ءوز كەزەگىندە سوندەرستىڭ پروموۋتەرى فرەنك ۋوررەن قانداي جاعداي بولسا دا, بريتان بوكسشىسى وسى جىلدىڭ ماۋسىم ايىندا شارشى الاڭعا شىعاتىنىن مالىمدەدى. ونىڭ ايتۋىنشا قازىرگى ۋاقىتتا گولوۆكيننىڭ وكىلدەرىمەن قارجى ماسەلەسى شەشىلگەن. سونىمەن قاتار, قازاقستاندىق بوكسشى وسى اپتانىڭ سوڭىنا دەيىن كەلىسىمشارت ۇسىنباسا, وزگە قارسىلاس ىزدەيتىنىن العا تارتتى.
