​قازاقستان رەسپۋبليكاسى ۇكىمەتىنىڭ قاۋلىسى

2017 جىلعى 13 اقپان              №56           استانا, ۇكىمەت ءۇيى

قازاقستان رەسپۋبليكاسىنىڭ ۇكىمەتى قاۋلى ەتەدى:

1. «كەدەن ورگاندارى الاتىن كەدەندىك الىمداردىڭ ستاۆكالارىن بەكىتۋ تۋرالى» قازاقستان رەسپۋبليكاسى ۇكىمەتىنىڭ 2011 جىلعى 21 قاڭتارداعى №24 قاۋلىسىنا (قازاق­ستان رەسپۋبليكاسىنىڭ ءپۇاج-ى, 2011 ج., № 14, 171-قۇجات) مىناداي وزگەرىستەر ەنگىزىلسىن:

تاقىرىپ مىناداي رەداكتسيادا جازىلسىن:

«مەملەكەتتىك كىرىستەر ورگاندارى الاتىن كەدەندىك الىمداردىڭ ستاۆكالارىن بەكىتۋ تۋرالى»;

1-تارماق مىناداي رەداكتسيادا جازىلسىن:

«1. قوسا بەرىلىپ وتىرعان مەملەكەتتىك كىرىستەر ورگاندارى الاتىن كەدەندىك الىمداردىڭ ستاۆكالارى بەكىتىلسىن.»;

كورسەتىلگەن قاۋلىمەن بەكىتىلگەن كەدەن ورگاندارى الاتىن كەدەندىك الىمداردىڭ ستاۆكالارى وسى قاۋلىعا قوسىمشاعا سايكەس رەداكتسيادا جازىلسىن.

2. وسى قاۋلى 2017 جىلعى 1 ناۋرىزدان باستاپ قولدانىسقا ەنگىزىلەدى جانە رەسمي جاريالانۋعا ءتيىس.

قازاقستان رەسپۋبليكاسىنىڭ پرەمەر-ءمينيسترى  ب.ساعىنتاەۆ

قازاقستان رەسپۋبليكاسى ۇكىمەتىنىڭ 2017 جىلعى 13 اقپانداعى

№56 قاۋلىسىنا قوسىمشا

قازاقستان رەسپۋبليكاسى ۇكىمەتىنىڭ 2011 جىلعى 21 قاڭتارداعى

№24 قاۋلىسىمەن بەكىتىلگەن

مەملەكەتتىك كىرىستەر ورگاندارى الاتىن كەدەندىك الىمداردىڭ ستاۆكالارى

كەدەندىك تولەمدەردىڭ

اتاۋى تەڭگەمەن ستاۆكاسى

1 2

تاۋارلاردى كەدەندىك دەكلاراتسيالاۋ ءۇشىن كەدەندىك الىمدار تاۋارعا ارنالعان دەكلاراتسيانىڭ نەگىزگى پاراعى ءۇشىن 25000 تەڭگە;

تاۋارعا ارنالعان دەكلاراتسيانىڭ ءاربىر قوسىمشا پاراعى ءۇشىن 11000 تەڭگە

كەدەندىك الىپ ءجۇرۋ ءۇشىن كەدەندىك الىمدار 50 كم دەيىنگى قاشىقتىققا 5000 تەڭگە,

50-دەن 100 كم دەيىنگى قاشىقتىقتا 7000 تەڭگە,

100-دەن 200 كم دەيىنگى قاشىقتىقتا 11000 تەڭگە,

200-دەن 400 كم دەيىنگى قاشىكتىقتا 52000 تەڭگە,

400-دەن 600 كم دەيىنگى قاشىقتىقتا 72000 تەڭگە, 600-دەن 800 كم دەيىنگى قاشىقتىقتا 114000 تەڭگە,

800-دەن 1000 كم دەيىنگى قاشىقتىقتا 155000 تەڭگە,

1000-نان 1500 كم دەيىنگى قاشىقتىقتا 210000 تەڭگە,

1500-دەن 2000 كم دەيىنگى قاشىقتىقتا 299000 تەڭگە,

2000-نان 2500 كم دەيىنگى قاشىقتىقتا 353000 تەڭگە

الدىن الا شەشىم ءۇشىن تولەم 29000 تەڭگە

قازاقستان رەسپۋبليكاسى ۇكىمەتىنىڭ قاۋلىسى

2017 جىلعى 14 اقپان              №66            استانا, ۇكىمەت ءۇيى

جوعارى وقۋ ورىندارىنىڭ ەرەكشە مارتەبەسى تۋرالى ەرەجەنى بەكىتۋ تۋرالى

«ءبىلىم تۋرالى» 2007 جىلعى 27 شىلدەدەگى قازاقستان رەسپۋبليكاسىنىڭ زاڭى 4-بابىنىڭ 12) تارماقشاسىن ىسكە اسىرۋ ماقساتىندا قازاقستان رەسپۋبليكاسىنىڭ ۇكىمەتى قاۋلى ەتەدى:

1. قوسا بەرىلىپ وتىرعان جوعارى وقۋ ورىندارىنىڭ ەرەكشە مارتەبەسى تۋرالى ەرەجە بەكىتىلسىن.

2. قازاقستان رەسپۋبليكاسى ۇكىمەتىنىڭ مىناداي شەشىمدەرىنىڭ كۇشى جويىلدى دەپ تانىلسىن:

1) «ەرەكشە مارتەبەسى بار مەملەكەتتىك جوعارى وقۋ ورىندارى تۋرالى ۇلگى ەرەجەنى بەكىتۋ تۋرالى» قازاقستان رەسپۋبليكاسى ۇكىمەتىنىڭ 2001 جىلعى 5 قاراشاداعى № 1398 قاۋلىسى (قازاقستان رەسپۋبليكاسىنىڭ ءپۇاج-ى, 2001 ج., № 39, 494-قۇجات);

2) «قازاقستان رەسپۋبليكاسى ۇكىمەتىنىڭ 2001 جىلعى 5 قاراشاداعى № 1398 قاۋلىسىنا وزگەرىستەر مەن تولىقتىرۋلار ەنگىزۋ تۋرالى» قازاقستان رەسپۋبليكاسى ۇكىمەتىنىڭ 2002 جىلعى 8 شىلدەدەگى № 733 قاۋلىسى (قازاقستان رەسپۋبليكاسىنىڭ ءپۇاج-ى, 2002 ج., № 21, 227-قۇجات).

3. وسى قاۋلى العاشقى رەسمي جاريالانعان كۇنىنەن كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى.

قازاقستان رەسپۋبليكاسىنىڭ پرەمەر-ءمينيسترى ب.ساعىنتاەۆ

قازاقستان رەسپۋبليكاسى ۇكىمەتىنىڭ 2017 جىلعى 14 اقپانداعى

№66 قاۋلىسىمەن بەكىتىلگەن

جوعارى وقۋ ورىندارىنىڭ ەرەكشە مارتەبەسى تۋرالى ەرەجە

1. جالپى ەرەجەلەر

1. جوعارى وقۋ ورىندارىنىڭ ەرەكشە مارتەبەسى تۋرالى ەرەجە «ءبىلىم تۋرالى» 2007 جىلعى 27 شىلدەدەگى قازاقستان رەسپۋبليكاسىنىڭ زاڭى 4-بابىنىڭ 12) تارماقشاسىنا سايكەس ازىرلەنگەن.

2. قازاقستان رەسپۋبليكاسىنىڭ ۇكىمەتى قازاقستان رەسپۋبليكاسىنىڭ پرەزيدەنتىنە جەكە تۇلعانى تاربيەلەۋگە, وقىتۋعا جانە كاسىبي قالىپتاستىرۋعا ەلەۋلى ۇلەس قوسىپ كەلە جاتقان جوعارى وقۋ ورىندارىنا ەرەكشە مارتەبە بەرۋ تۋرالى ۇسىنىس ەنگىزەدى.

3. جوعارى وقۋ ورنىنىڭ ەرەكشە مارتەبەسى – قازاقستان رەسپۋبليكاسىنىڭ زاڭناماسىندا كوزدەلگەن, ءبىلىم بەرۋ مازمۇنىن دەربەس ايقىنداۋ, عىلىمي جانە ءبىلىم بەرۋ قىزمەتىن ۇيىمداستىرۋ قۇقىعىن بەرەتىن ءبىلىم بەرۋ ۇيىمىنىڭ جۇمىس ىستەۋىنىڭ ەرەكشە رەجيمى.

4. ەرەكشە مارتەبەسى بار جوعارى وقۋ ورىندارىنىڭ رەكتورلارى زاڭنامادا بەلگىلەنگەن تارتىپپەن قىزمەتكە تاعايىندالادى جانە قىزمەتتەن بوساتىلادى.

2. ەرەكشە مارتەبەسى بار جوعارى وقۋ ورىندارىنىڭ وكىلەتتىگى

5. ەرەكشە مارتەبەسى بار جوعارى وقۋ ورنى ءوز بەتىنشە:

1) باكالاۆريات, ماگيستراتۋرا جانە دوكتورانتۋرا باعدارلامالارىن ازىرلەيدى جانە ىسكە اسىرادى;

2) مەملەكەتتىك جالپىعا مىندەتتى ءبىلىم بەرۋ ستاندارتىنا سايكەس اعىمداعى, ارالىق جانە قورىتىندى اتتەستاتتاۋ قاعيدالارىن ايقىندايدى;

3) پروفەسسور-وقىتۋشىلار قۇرامىنا ءبىلىم الۋشىلاردىڭ اراقاتىناسىن «ءبىلىم تۋرالى» 2007 جىلعى 27 شىلدەدەگى قازاقستان رەسپۋبليكاسىنىڭ زاڭى 52-بابىنىڭ 8-تارماعىندا بەلگىلەنگەن نورمالار شەگىندە بەلگىلەيدى;

4) پەداگوگيكالىق قىزمەتكەرلەردىڭ جانە ولارعا تەڭەستىرىلگەن تۇلعالار لاۋازىمدارىنىڭ بىلىكتىلىك سيپاتتامالارىن بەلگىلەيدى;

5) ءبىلىم بەرۋ قىزمەتتەرىن كورسەتۋ شارتىنىڭ نىسانىن بەكىتەدى;

6) ءوز بەتىنشە ازىرلەگەن وقۋ جۇكتەمەسىنىڭ نورمالارى, ەڭبەككە اقى تولەۋ نىساندارى مەن مولشەرلەرىنىڭ نەگىزىندە ءبىلىم بەرۋ قىزمەتىن جۇزەگە اسىرادى;

7) جوعارى وقۋ ورىندارىنا قابىلداۋ ءتارتىبىن ايقىندايدى;

8) ءبىلىم تۋرالى وزىندىك ۇلگىدەگى قۇجاتتاردى بەرەدى;

9) قۇرىلىمدى جانە شتاتتى ايقىندايدى.

3. ەرەكشە مارتەبەسى بار جوعارى وقۋ ورىندارىنىڭ

جۇمىسىن ۇيىمداستىرۋ

6. ەرەكشە مارتەبەسى بار مەملەكەتتىك جوعارى وقۋ ورنى:

1) عىلىمي-پەداگوگيكالىق الەۋەتتى, وقۋ-ماتەريالدىق بازانى جانە يننوۆاتسيالىق ءبىلىم بەرۋ تەحنولوگيالارىن ءتيىمدى پايدالانۋدىڭ نەگىزىندە الەمدىك ستاندارتتارعا سايكەس كەلەتىن جوعارى جانە جوعارى وقۋ ورنىنان كەيىنگى ءبىلىمنىڭ تۇراقتى جوعارى دەڭگەيىنە كەپىلدىك بەرەدى;

2) جوعارى وقۋ ورنىنىڭ ءاربىر ءبىلىم الۋشىسىنىڭ, وقىتۋشىسىنىڭ جانە قىزمەتكەرىنىڭ جەكە باسىنىڭ ءبىلىم, رۋحاني, مادەني جانە زياتكەرلىك دامۋى ءۇشىن بارىنشا جاعدايلارمەن قامتاماسىز ەتەدى;

3) وقۋ-ادىستەمەلىك بازانى دامىتۋعا, عىلىمي قىزمەتتىڭ, جوعارى جانە جوعارى وقۋ ورنىنان كەيىنگى ءبىلىم بەرۋدىڭ ساپاسىن ارتتىرۋعا باعىتتالعان عىلىمي, ءبىلىم بەرۋ جانە وزگە دە كورسەتىلەتىن قىزمەتتەردەن تۇسەتىن قاراجات پەن كىرىستەردى ءتيىمدى پايدالانۋدى جۇزەگە اسىرادى;

4) الەمدىك عىلىمي-ءبىلىم بەرۋ كەڭىستىگىندە ءبىلىم بەرۋدىڭ, عىلىمنىڭ, تەحنيكا مەن تەحنولوگيالاردىڭ دامۋىنا جۇيەلى تۇردە مونيتورينگ جۇرگىزەدى ءارى جوعارى جانە جوعارى وقۋ ورنىنان كەيىنگى ءبىلىم بەرۋ جۇيەسىنە ەنگىزۋ ءۇشىن ءبىلىم بەرۋ سالاسىنداعى ۋاكىلەتتى ورگانعا ۇسىنىستار ەنگىزەدى.

4. ەرەكشە مارتەبەسى بار جوعارى وقۋ ورىندارىن قارجىلاندىرۋ

7. ارتتىرۋ كوەففيتسيەنتى زاڭنامادا ايقىندالاتىن قازاقستان رەسپۋبليكاسى پرەزيدەنتىنىڭ جانىنداعى مەملەكەتتىك باسقارۋ اكادەمياسىن, قازاقستان رەسپۋبليكاسى جوعارعى سوتىنىڭ جانىنداعى سوت تورەلىگى اكادەمياسىن قوسپاعاندا, ۇيىمداستىرۋ-قۇقىقتىق نىسانىنا قاراماستان, ەرەكشە مارتەبەسى بار مەملەكەتتىك جوعارى وقۋ ورىندارىنىڭ پروفەسسور- وقىتۋشىلار قۇرامىنىڭ جانە باسشى قىزمەتكەرلەرىنىڭ لاۋازىمدىق ايلىقاقىسى لاۋازىمدىق ايلىقاقىنىڭ بەلگىلەنگەن مولشەرلەرىنە 1,75 ارتتىرۋ كوەففيتسيەنتىن ەسەپكە الا وتىرىپ ايقىندالادى.

8. قازاقستان رەسپۋبليكاسى باس پروكۋراتۋراسىنىڭ جانىنداعى قۇقىق قورعاۋ ورگاندارى اكادەمياسىنىڭ پروفەسسور-وقىتۋشىلار قۇرامىنىڭ جانە باسشى قىزمەتكەرلەرىنىڭ لاۋازىمدىق ايلىقاقىلارى لاۋازىمدىق ايلىقاقىنىڭ بەلگىلەنگەن مولشەرلەرىنە 1,5-كە دەيىن ارتتىرۋ كوەففيتسيەنتىن قولدانا وتىرىپ ايقىندالادى.

لاۋازىمدىق ايلىقاقىعا ارتتىرۋ كوەففيتسيەنتىنىڭ ناقتى مولشەرى لاۋازىم ساناتتارىنا قاراي سارالانىپ بەلگىلەنەدى جانە ونى قازاقستان رەسپۋبليكاسى باس پروكۋراتۋراسىنىڭ جانىنداعى قۇقىق قورعاۋ ورگاندارى اكادەمياسىنىڭ رەكتورى بەكىتەدى.

قازاقستان رەسپۋبليكاسى ۇكىمەتىنىڭ قاۋلىسى

2017 جىلعى 14 اقپان            №68            استانا, ۇكىمەت ءۇيى

مىندەتتەمەنى زاتتاي نىساندا ورىنداۋ قاعيدالارىن

بەكىتۋ تۋرالى

«سالىق جانە بيۋدجەتكە تولەنەتىن باسقا دا مىندەتتى تولەمدەر تۋرالى» 2008 جىلعى 10 جەلتوقسانداعى قازاقستان رەسپۋبليكاسى كودەكسىنىڭ (سالىق كودەكسى) 308-2-بابىنىڭ 4-تارماعىنا جانە 346-بابى 3-تارماعىنىڭ ەكىنشى بولىگىنە سايكەس قازاقستان رەسپۋبليكاسىنىڭ ۇكىمەتى قاۋلى ەتەدى:

1. قوسا بەرىلىپ وتىرعان مىندەتتەمەنى زاتتاي نىساندا ورىنداۋ قاعيدالارى بەكىتىلسىن.

2. «جەر قويناۋىن پايدالانۋشى قازاقستان رەسپۋبليكاسىنا زاتتاي نىساندا بەرەتىن پايدالى قازبالاردىڭ كولەمىن ايقىنداۋ ەرەجەسىن بەكىتۋ تۋرالى» قازاقستان رەسپۋبليكاسى ۇكىمەتىنىڭ 2009 جىلعى 11 جەلتوقسانداعى  № 2080 قاۋلىسىنىڭ (قازاقستان رەسپۋبليكاسىنىڭ ءپۇاج-ى, 2009 ج., № 58, 505-قۇجات) كۇشى جويىلدى دەپ تانىلسىن.

3. وسى قاۋلى العاشقى رەسمي جاريالانعان كۇنىنەن باستاپ قولدانىسقا ەنگىزىلەدى جانە 2016 جىلعى 1 قاڭتاردان باستاپ تۋىنداعان قۇقىقتىق قاتىناستارعا قولدانىلادى.

قازاقستان رەسپۋبليكاسىنىڭ پرەمەر-ءمينيسترى  ب.ساعىنتاەۆ

قازاقستان رەسپۋبليكاسى ۇكىمەتىنىڭ 2017 جىلعى 14 اقپانداعى

№68 قاۋلىسىمەن بەكىتىلگەن

مىندەتتەمەنى زاتتاي نىساندا ورىنداۋ

قاعيدالارى

1-تاراۋ. جالپى ەرەجەلەر

1. وسى مىندەتتەمەنى زاتتاي نىساندا ورىنداۋ قاعيدالارى (بۇدان ءارى – قاعيدالار):

1) قازاقستان رەسپۋبليكاسىنىڭ ءونىمدى ءبولۋ جونىندەگى ۇلەسى;

2) رويالتي;

3) ەكسپورتقا رەنتا سالىعى;

4) پايدالى قازبالاردى ءوندىرۋ سالىعى بويىنشا سالىق مىندەتتەمەسىن ورىنداۋ ەسەبىنە جەر قويناۋىن پايدالانۋشى زاتتاي نىساندا بەرەتىن پايدالى قازبالاردىڭ كولەمدەرىن ايقىنداۋ, ونى اقشالاي ماندە ەسەپتەۋ, سونداي-اق وتكىزۋ ءتارتىبىن بەلگىلەيدى.

2. وسى قاعيدالاردا قولدانىلاتىن نەگىزگى ۇعىمدار:

1) اگەنت – مەملەكەت اتىنان الۋشى پايدالى قازبالاردى وتكىزۋدى جۇزەگە اسىرۋعا ۋاكىلەتتىك بەرگەن تۇلعا;

2) جەر قويناۋىن پايدالانۋشى سالىق مىندەتتەمەلەرىن ورىنداۋ ەسەبىنە زاتتاي نىساندا بەرەتىن پايدالى قازبالار (بۇدان ءارى – پايدالى قازبالار) – جەر قويناۋىن پايدالانۋشى سالىق مىندەتتەمەلەرىن ورىنداۋ ەسەبىنە زاتتاي نىساندا بەرەتىن مۇناي, كۇكىرت;

3) جەتكىزۋ پۋنكتى – مەملەكەت اتىنان الۋشىعا جەر قويناۋىن پايدالانۋشىدان پايدالى قازبالارعا بيلىك ەتۋ قۇقىقتارىن بەرۋ ورنى;

4) مەملەكەت اتىنان الۋشى – قازاقستان رەسپۋبليكاسىنىڭ ۇكىمەتى ايقىنداعان, قازاقستان رەسپۋبليكاسىنىڭ سالىق زاڭناماسىندا جانە (نەمەسە) «سالىق جانە بيۋدجەتكە تولەنەتىن باسقا دا مىندەتتى تولەمدەر تۋرالى»  2008 جىلعى 10 جەلتوقسانداعى قازاقستان رەسپۋبليكاسى كودەكسىنىڭ (سالىق كودەكسى) (بۇدان ءارى – سالىق كودەكسى) 308-1-بابىندا كوزدەلگەن ءونىمدى ءبولۋ تۋرالى كەلىسىمدەردە (كەلىسىمشارتتاردا), قازاقستان رەسپۋبليكاسىنىڭ پرەزيدەنتى بەكىتكەن جەر قويناۋىن پايدالانۋعا ارنالعان كەلىسىمشارتتا كوزدەلگەن سالىق مىندەتتەمەسىن ورىنداۋ ەسەبىنە جەر قويناۋىن پايدالانۋشى زاتتاي نىساندا بەرەتىن پايدالى قازبالاردى الۋشى رەتىندە مەملەكەت اتىنان ارەكەت ەتەتىن زاڭدى تۇلعا;

5) مەملەكەت اتىنان الۋشىنىڭ نەمەسە اگەنتتىڭ شىعىستارى – وسى قاعيدالاردا ايقىندالعان, نەگىزدەلگەن جانە قۇجاتتىق جانە (نەمەسە) رەسمي تانىلعان اقپارات كوزدەرىمەن راستالعان پايدالى قازبالاردى جەتكىزۋ جانە وتكىزۋ ءۇشىن قاجەتتى شىعىستار;

6) ساتۋ پۋنكتى – پايدالى قازبالارعا مەنشىك قۇقىعى نەمەسە زالالدار قاۋپى مەملەكەت اتىنان الۋشىدان نەمەسە اگەنتتەن ساتىپ الۋشىعا وتەتىن ورىن;

7) ساتۋدىڭ ورتاشا ولشەمدى باعاسى – وسى قاعيدالاردىڭ 19-تارماعىنا سايكەس ايقىندالاتىن, سوعان قاتىستى پايدالى قازبالاردى بەرۋ جۇرگىزىلەتىن سالىق كەزەڭى ىشىندە پايدالى قازبالاردىڭ كولەم بىرلىگىن وتكىزۋدىڭ ورتاشا ولشەمدى باعاسى;

8) پايدالى قازبالاردىڭ شارتتى باعاسى – جەر قويناۋىن پايدالانۋشى مىندەتتەمەلەردى زاتتاي نىساندا ورىنداۋ ەسەبىنە قازاقستان رەسپۋبليكاسىنا بەرەتىن پايدالى قازبالار كولەمدەرىنىڭ اقشالاي ءمانىن ايقىنداۋ ءۇشىن پايدالانىلاتىن پايدالى قازبالار كولەمى بىرلىگىنىڭ باعاسى;

9) تاسىمالداۋ جونىندەگى شىعىستار – وسى قاعيدالاردىڭ 19-تارماعىنا سايكەس ايقىندالاتىن, تەمىرجول, ماگيسترالدىق قۇبىر جولمەن جانە (نەمەسە) تەڭىز جولى ارقىلى تاسىمالداۋ كەزىندەگى كولىكتىك تاريفكە اقى تولەۋدى,  توگۋ جانە قۇيۋ (سۇيىق زاتتار ءۇشىن) جونىندەگى شىعىستاردى, تيەۋ جانە ءتۇسىرۋ (قاتتى زاتتار ءۇشىن) جونىندەگى شىعىستاردى, پايدالانىلعان تەمىرجول تسيستەرنالارىنىڭ جالعا الۋ اقىسىن, كەدەندىك تولەمدەردى, جۇكتىڭ تەحنولوگيالىق كولىك ىسىرابىن, جۇكتى جولدا ساقتاۋ مەن ساقتاندىرۋ جونىندەگى شىعىستاردى, تەمىرجول ارقىلى تاسىمالداۋعا بايلانىستى تەمىرجول تسيستەرنالارىنىڭ بوس تۇرىپ قالعانىنا اقى تولەۋ, تەڭىز جولى ارقىلى تاسىمالداۋعا بايلانىستى دەمەرەدج جونىندەگى جانە ديففەرەنتسيالعا قوسىلماعان شىعىستاردى, تاسىمالداۋمەن تىكەلەي بايلانىستى قارجىلاندىرۋ مەن بانكتىك قىزمەت كورسەتۋگە جۇمسالاتىن شىعىستاردى, جۇكتىڭ مولشەرى مەن ساپاسىن باقىلاۋ بويىنشا تەكسەرۋ جۇرگىزۋ جونىندەگى شىعىستاردى جانە تاسىمالداۋعا تىكەلەي بايلانىستى وزگە دە شىعىستاردى قامتيتىن, پايدالى قازبالاردىڭ كولەمى بىرلىگىن ۇڭعىمانىڭ ساعاسىنان (ەگەر سالىق كودەكسىنىڭ  308-1-بابىندا كورسەتىلگەن ءونىمدى ءبولۋ جونىندەگى كەلىسىمدەردە (كەلىسىمشارتتاردا) جانە جەر قويناۋىن پايدالانۋعا ارنالعان كەلىسىمشارتتاردا وزگەشە كوزدەلمەسە) ساتۋ (جونەلتۋ) پۋنكتىنە دەيىن تاسىمالداۋ جونىندەگى شىعىستار.

3. وسى قاعيدالاردا كورسەتىلگەن بارلىق شامالار سوعان بايلانىستى پايدالى قازبالاردى بەرۋ جۇرگىزىلەتىن سالىقتىڭ ءاربىر تۇرىنە سالىق كودەكسىنە سايكەس ايقىندالعان سالىق كەزەڭى ءۇشىن ەسەپتەلەدى.

4. وسى قاعيدالارمەن رەتتەلەتىن قۇقىقتىق قاتىناستار سالىق كودەكسىندە كوزدەلگەن سالىق سالۋ قاعيداتتارىنا نەگىزدەلەدى.

2-تاراۋ. قازاقستان رەسپۋبليكاسىنىڭ ءونىمدى ءبولۋ بويىنشا ۇلەسى جانە

رويالتي جونىندەگى مىندەتتەمەلەردى ورىنداۋ

5. سالىقتىق اكىمشىلىك ەتۋ ماقساتىندا جەر قويناۋىن پايدالانۋشى قازاقستان رەسپۋبليكاسىنىڭ ءونىمدى ءبولۋ بويىنشا ۇلەسىن جانە ءرويالتيدى تولەۋ ەسەبىنە بەرەتىن پايدالى قازبالار كولەمىنىڭ اقشالاي ءمانى قازاقستان رەسپۋبليكاسىنىڭ ءونىمدى ءبولۋ بويىنشا ۇلەسىن جانە ءرويالتيدى تولەۋ ەسەبىنە بەرۋگە جاتاتىن پايدالى قازبالار كولەمىنىڭ جانە وسى تارماقتا كوزدەلگەن شارتتى باعانىڭ كوبەيتىندىسى رەتىندە ايقىندالادى.

قازاقستان رەسپۋبليكاسىنىڭ ءونىمدى ءبولۋ بويىنشا ۇلەسىن جانە ءرويالتيدى تولەۋ ەسەبىنە مەملەكەت اتىنان الۋشىعا بەرىلەتىن پايدالى قازبالاردىڭ كولەمىن ايقىنداۋ سالىق كودەكسىنىڭ 308-1-بابىندا كورسەتىلگەن ءونىمدى ءبولۋ جونىندەگى كەلىسىمدەردىڭ (كەلىسىمشارتتاردىڭ) جانە جەر قويناۋىن پايدالانۋعا ارنالعان كەلىسىمشارتتاردىڭ شارتتارىن ەسكەرە وتىرىپ, مىنالار:

1) قازاقستان رەسپۋبليكاسىنىڭ ءونىمدى ءبولۋ جونىندەگى ۇلەسى بويىنشا – جەر قويناۋىن پايدالانۋشىعا تيەسىلى پايدالى قازبالار كولەمىن شەگەرە وتىرىپ, پايدالى قازبالاردىڭ بولۋگە جاتاتىن كولەمى رەتىندە;

2) رويالتي بويىنشا – وندىرىلگەن پايدالى قازبالار كولەمى مەن ءرويالتيدىڭ بەلگىلەنگەن مولشەرلەمەسىنىڭ كوبەيتىندىسى رەتىندە جۇزەگە اسىرىلادى.

سالىق كەزەڭىندە بەرىلۋگە جاتاتىن پايدالى قازبالار كولەمىن ازايتۋعا (ۇلعايتۋعا) جول بەرىلمەيدى.

شارتتى باعانى جەر قويناۋىن پايدالانۋشى سالىق كودەكسىنىڭ  308-1-بابىندا كورسەتىلگەن ءونىمدى ءبولۋ جونىندەگى كەلىسىمدەردىڭ (كەلىسىمشارتتاردىڭ) جانە جەر قويناۋىن پايدالانۋعا ارنالعان كەلىسىمشارتتاردىڭ ەرەجەلەرىنە سايكەس ەسەپتەيدى, سولاردى ورىنداۋ ءۇشىن مىندەتتەمەلەردى ورىنداۋ زاتتاي نىساندا جۇرگىزىلەدى جانە بەرىلەتىن ءاربىر پايدالى قازبانىڭ بولىنىسىندە وسىنداي كەلىسىم (كەلىسىمشارت) بويىنشا بىرىڭعاي شارتتى باعا رەتىندە قولدانىلادى.

سالىق كودەكسىنىڭ 308-1-بابىندا كورسەتىلگەن ءونىمدى ءبولۋ تۋرالى كەلىسىمدەردە (كەلىسىمشارتتاردا) جانە جەر قويناۋىن پايدالانۋعا ارنالعان كەلىسىمشارتتاردا شارتتى باعانى ايقىنداۋ ءتارتىبى بولماعان جاعدايدا, مۇنداي شارتتى باعا ورتاشا اريفمەتيكالىق باعا رەتىندە ايقىندالادى:

مۇناي بويىنشا – ۋاقىت ارالىعىنداعى بەلگىلەنىم كەزەڭى بويىنشا:

1) تاۋاردى تەڭىز كولىگىمەن وتكىزگەن كەزدە تاۋارعا مەنشىك قۇقىعى ساتىپ الۋشىعا اۋىسقان كۇنگە دەيىن بەس بەلگىلەنىم كۇنىنەن اسپاۋعا جانە تاۋارعا مەنشىك قۇقىعى ساتىپ الۋشىعا اۋىسقان كۇننەن كەيىن بەس بەلگىلەنىم كۇنىنەن اسپاۋعا;

2) تاۋاردى تەڭىز كولىگىمەن وتكىزۋدى قوسپاعاندا, ماگيسترالدىق قۇبىرجول كولىگىمەن جانە كولىكتىڭ وزگە تۇرىمەن وتكىزۋ كەزىندە تاۋارعا مەنشىك قۇقىعى ساتىپ الۋشىعا اۋىسقان ايدىڭ ءبىرىنشى كۇنىنەن باستاپ سوڭعى كۇنىنە دەيىن;

كۇكىرت بويىنشا – ىشكى نارىقتاعى ورتاشا ايلىق باعانى نەگىزگە الا وتىرىپ جانە ەكسپورت كەزىندە قازاقستان رەسپۋبليكاسىنىڭ ترانسفەرتتىك باعا بەلگىلەۋ تۋرالى زاڭناماسىنا سايكەس اقپارات كوزىنەن.

6. مەملەكەت اتىنان الۋشى سالىق كودەكسىنىڭ 308-1-بابىندا كورسەتىلگەن ءونىمدى ءبولۋ جونىندەگى كەلىسىمدەردىڭ (كەلىسىمشارتتاردىڭ) جانە جەر قويناۋىن پايدالانۋعا ارنالعان كەلىسىمشارتتاردىڭ ەرەجەلەرىنە سايكەس جەر قويناۋىن پايدالانۋشى ءتيىستى سالىق كەزەڭى ءۇشىن مىندەتتەمەنى ورىنداۋ ەسەبىنە زاتتاي نىساندا بەرەتىن كولەمگە تەڭ كولەمدە وسىنداي سالىق كەزەڭىندە مىندەتتەمەنى زاتتاي نىساندا ورىنداۋ ەسەبىنە جەر قويناۋىن پايدالانۋشىدان پايدالى قازبالاردى جەتكىزۋ پۋنكتىندە الۋدىڭ ۋاقتىلىعىن جانە تولىقتىعىن قامتاماسىز ەتەدى.

ەگەر مەملەكەت اتىنان الۋشى وسىنداي سالىق كەزەڭى ءۇشىن ءتيىستى پايدالى قازبالاردىڭ تولىق كولەمدە الىنۋىن قامتاماسىز ەتە الماسا, جەر قويناۋىن پايدالانۋشى انىقتالعان كەزدەن باستاپ بەس جۇمىس كۇنى ىشىندە مەملەكەتتىك كىرىس ورگاندارىن جەر قويناۋىن پايدالانۋشى بەرۋگە ءتيىستى وسىنداي پايدالى قازبالار كولەمىن مەملەكەت اتىنان الۋشىنىڭ قابىلداۋعا قابىلەتسىزدىگى تۋرالى جازباشا حاباردار ەتەدى.

مەملەكەتتىك كىرىس ورگاندارى وسى تارماقتىڭ ەكىنشى بولىگىندە كورسەتىلگەن حابارلامانى العاننان كەيىن بەس جۇمىس كۇنى ىشىندە مەملەكەت اتىنان الۋشىعا پايدالى قازبالاردى الۋدىڭ تولىقتىعىن قامتاماسىز ەتۋگە قابىلەتسىزدىگى تۋرالى تۇسىندىرمەلەردى بەرۋ تۋرالى جازباشا سۇراۋ سالۋ جىبەرەدى.

مەملەكەت اتىنان الۋشى مەملەكەتتىك كىرىس ورگاندارىنىڭ سۇراۋ سالۋىن العان كەزدەن باستاپ بەس جۇمىس كۇنى ىشىندە راستايتىن قۇجاتتاردى قوسا بەرىپ, پايدالى قازبالاردى الۋدىڭ تولىقتىعىن قامتاماسىز ەتۋگە قابىلەتسىزدىگى تۋرالى تۇسىندىرمەلەرمەن جازباشا جاۋاپ جىبەرەدى.

جەر قويناۋىن پايدالانۋشى ەسەپتى توقساننان كەيىنگى ەكىنشى ايدىڭ  5-كۇنىنەن كەشىكتىرمەيتىن مەرزىمدە پايدالى قازبانىڭ ءاربىر ءتۇرى بويىنشا بەرىلۋگە جاتاتىن كولەمى, ناقتى بەرىلگەن كولەمى جانە شارتتى باعا تۋرالى رەسمي حاتپەن مەملەكەت اتىنان الۋشىنى حاباردار ەتەدى.

بۇل رەتتە مىندەتتەمەنى زاتتاي نىساندا ورىنداۋعا بايلانىستى ءوسىمپۇل مەن ايىپپۇلداردى تولەۋ اقشالاي نىساندا جۇرگىزىلەدى.

7. پايدالى قازبالاردى ساتىپ الۋشىنى تاڭداۋدى مەملەكەت اتىنان الۋشى, قازاقستان رەسپۋبليكاسىنىڭ گاز جانە گازبەن جابدىقتاۋ تۋرالى زاڭناماسىنا سايكەس گازدى ۇلتتىق وپەراتورعا ساتۋ جاعدايلارىن قوسپاعاندا, كونكۋرستىق نەگىزدە جۇزەگە اسىرادى.

8. وتكىزۋ مەرزىمى اناعۇرلىم ۇزاق ۋاقىتتى تالاپ ەتەتىن پايدالى قازبالاردى قوسپاعاندا, جەر قويناۋىن پايدالانۋشىنىڭ مىندەتتەمەلەردى ورىنداۋى ەسەبىنە زاتتاي نىساندا الىناتىن پايدالى قازبالار وسىنداي پايدالى قازبالاردىڭ تاۋلىكتىك كولەمىن قابىلداۋ-بەرۋدى راستايتىن قۇجاتقا جەتكىزۋ پۋنكتىندە قول قويعان كۇننەن باستاپ 90 كۇنتىزبەلىك كۇننەن اسپايتىن مەرزىمدە وتكىزىلەدى.

9. جەر قويناۋىن پايدالانۋشىنىڭ مىندەتتەمەلەردى ورىنداۋى ەسەبىنە زاتتاي نىساندا الىنعان پايدالى قازبالاردى وتكىزۋ مەملەكەت اتىنان الۋشىمەن جاسالعان ءتيىستى تاپسىرما شارتى بولعان كەزدە مۇناي جانە گاز سالاسىنداعى ۋاكىلەتتى ورگانمەن كەلىسۋ بويىنشا عانا اگەنت ارقىلى جۇزەگە اسىرىلادى.

10. پايدالى قازبالاردى ساتۋ باعاسى قازاقستان رەسپۋبليكاسىنىڭ ترانسفەرتتىك باعا بەلگىلەۋ تۋرالى زاڭناماسىنىڭ تالاپتارىنا سايكەس كەلۋگە ءتيىس.

11. مەملەكەت اتىنان الۋشى جانە (نەمەسە) اگەنت جەر قويناۋىن پايدالانۋشىدان مىندەتتەمەلەردى ورىنداۋ ەسەبىنە زاتتاي نىساندا الىنعان پايدالى قازبالاردى بەيرەزيدەنتتەرگە جانە رەزيدەنتتەرگە وتكىزۋدى سالىق كودەكسىنىڭ 308-1-بابىندا كورسەتىلگەن ءتيىستى ءونىمدى ءبولۋ تۋرالى كەلىسىمدەردە (كەلىسىمشارتتاردا) جانە جەر قويناۋىن پايدالانۋعا ارنالعان كەلىسىمشارتتاردا سالىق تولەمدەرىن ەسەپتەۋ ءۇشىن كوزدەلگەن ۆاليۋتادا جۇزەگە اسىرادى.

جەر قويناۋىن پايدالانۋشىنىڭ مىندەتتەمەلەردى ورىنداۋى ەسەبىنە زاتتاي نىساندا بەرىلەتىن پايدالى قازبالاردى وتكىزۋگە بايلانىستى وپەراتسيالار بويىنشا ۆاليۋتا ايىرباستاۋدىڭ نارىقتىق باعامى قازاقستان رەسپۋبليكاسى سالىق زاڭناماسىنىڭ تالاپتارىنا سايكەس ايقىندالادى.

12. جەر قويناۋىن پايدالانۋشىنىڭ مىندەتتەمەلەردى ورىنداۋى ەسەبىنە زاتتاي نىساندا الىنعان پايدالى قازبالاردىڭ بىرلىگى ءۇشىن وتكىزۋ باعاسىنىڭ ەسەبى ءاربىر وتكىزۋ بولىنىسىندە پايدالى قازبانىڭ ءاربىر ءتۇرى بويىنشا سالىق كودەكسىندە ايقىندالعان سالىق كەزەڭى ءۇشىن مىنا فورمۋلا بويىنشا ەسەپتەلەدى:

ءببىرل.= (S1 + S2+…+ Sn)/(V1+V2+…Vn),

مۇنداعى:

S1, S2,…, Sn – ءتيىستى وتكىزۋ پۋنكتىندە جەكەلەگەن پايدالى قازبانى وتكىزۋدەن الىنعان ءتۇسىم;

V1, V2,…, Vn – ءتيىستى وتكىزۋ پۋنكتىندەگى ءتۇسىم تۇسكەن ناقتى وتكىزىلگەن ءاربىر پايدالى قازبانىڭ كولەمى.

13. ساتۋعا جاتاتىن پايدالى قازبالاردىڭ كولەمى جەر قويناۋىن پايدالانۋشىدان الىنعان پايدالى قازبالاردىڭ كولەمىنەن جەتكىزۋ پۋنكتىنەن وتكىزۋ پۋنكتىنە دەيىن ولاردى تاسىمالداۋ, ساقتاۋ جانە وتكىزۋ كەزىندە تۋىنداعان ىسىراپتاردى شەگەرە وتىرىپ ايقىندالادى, اتاپ ايتقاندا:

1) تابيعي كەمۋ ناتيجەسىندەگى نورمالانعان شىعىندار;

2) اۆاريالىق شىعىندار;

3) فورس-ماجورلىق ءمان-جايلاردان تۋىنداعان شىعىندار;

4) سايكەستەندىرىلمەيتىن شىعىندار;

5) كولىك ۇيىمىنىڭ تالاپتارىنا سايكەس قۇبىرجولداردى تولتىرۋ ءۇشىن قاجەت مۇناي كولەمى (بۇدان ءارى – تەحنولوگيالىق مۇناي).

تەحنولوگيالىق مۇنايدى ساتۋ ول ناقتى وتكىزىلگەن سالىق كەزەڭىندە كورسەتىلۋ ءتيىس.

پايدالى قازبالار كولەمدەرىن وتكىزۋگە تيەپ جونەلتۋ كەزىندە ءتيىستى كولىك ۇيىمدارى ۇسىنعان قۇجاتتار, ال اگەنت ارقىلى وتكىزگەن جاعدايدا – اگەنت كۋالاندىرعان ەسەپتەۋ كەستەلەرى جوعارىدا كورسەتىلگەن ىسىراپتاردىڭ جانە تەحنولوگيالىق مۇنايدىڭ كولەمدەرىن راستايتىن قۇجاتتار بولىپ تابىلادى.

ەسەپتى سالىق كەزەڭىندە وتكىزۋدەن ءتۇسىم تۇسكەن, وتكىزۋگە جاتاتىن پايدالى قازبالاردىڭ كولەمى پايدالى قازبالاردىڭ ناقتى وتكىزىلگەن كولەمى بولىپ تابىلادى.

ساتىلعان پايدالى قازبالار ءۇشىن تولەم فاكتىسىن راستايتىن قۇجاتتار ساتىپ الۋشىلارعا ناقتى وتكىزىلگەن پايدالى قازبالاردىڭ كولەمى تۋرالى راستاۋشى قۇجاتتار بولىپ تابىلادى.

ولشەم بىرلىكتەرىن باررەلدەن مەتريكالىق تونناعا اۋىستىرۋ وتكىزۋ پۋنكتىندەگى ەسەپكە الۋ اسپابىنىڭ دەرەكتەرى نەگىزىندە جۇزەگە اسىرىلادى. بۇل رەتتە باررەلگە اينالدىرۋ كوەففيتسيەنتتەرى وتكىزۋ پۋنكتىندە قولدانىلاتىن ستاندارتقا سايكەس ستاندارتتى ولشەۋ شارتتارىنا كەلتىرىلگەن ەكسپورتتالاتىن شيكى مۇنايدىڭ ناقتى تىعىزدىعى مەن تەمپەراتۋراسىن ەسكەرە وتىرىپ بەلگىلەنەدى.

14. سالىق مىندەتتەمەسىن زاتتاي نىساندا ورىنداۋ بويىنشا اعىمداعى تولەمدەردىڭ ەسەبىن ۇسىنۋ كۇنى پايدالى قازبالاردى وتكىزۋدەن ءتۇسىم بولماعان جاعدايدا, وسىنداي وتكىزۋدەن تۇسكەن كولەم مەن ءتۇسىمدى مەملەكەت اتىنان الۋشى كۇنتىزبەلىك جىل ءۇشىن سالىق مىندەتتەمەسىن زاتتاي نىساندا ورىنداۋ تۋرالى دەكلاراتسيادا كورسەتەدى.

وتكىزىلگەن پايدالى قازبالاردان كەلىپ تۇسكەن اقشا كوممەرتسيالىق ماقساتتاردا پايدالانىلۋعا جاتپايدى.

15. مەملەكەت اتىنان الۋشى قازاقستان رەسپۋبليكاسىنىڭ سالىق زاڭناماسىندا بەلگىلەنگەن تارتىپپەن جانە مەرزىمدەردە بيۋدجەتكە قازاقستان رەسپۋبليكاسىنىڭ ۇلەسى (رويالتي) بويىنشا مىندەتتەمەلەردى تولەۋ ەسەبىنە مىنا فورمۋلا بويىنشا ايقىندالعان اقشا سوماسىن اۋدارادى:

∑سالىق= S – تر,

مۇنداعى:

∑سالىق – بيۋدجەتكە تولەۋگە (اۋدارۋعا) جاتاتىن, جەر قويناۋىن پايدالانۋشىنىڭ مىندەتتەمەنى ورىنداۋى ەسەبىنە زاتتاي نىساندا الىنعان پايدالى قازبالاردى وتكىزۋدەن تۇسكەن سالىق بولىپ تابىلاتىن اقشا سوماسى;

S – سالىق كەزەڭىندە ءتيىستى وتكىزۋ پۋنكتىندەگى پايدالى قازبالاردى وتكىزۋدەن الىنعان جالپى ءتۇسىم;

تر – جەر قويناۋىن پايدالانۋشىنىڭ مىندەتتەمەنى ورىنداۋى ەسەبىنە زاتتاي نىساندا الىنعان پايدالى قازبالاردى تاسىمالداۋ, ساقتاۋ جانە وتكىزۋ كەزىندە مەملەكەت اتىنان الۋشى نەمەسە اگەنت جۇمساعان شىعىستاردىڭ جالپى سوماسى.

16. جەر قويناۋىن پايدالانۋشىنىڭ مىندەتتەمەنى ورىنداۋى ەسەبىنە زاتتاي نىساندا الىنعان پايدالى قازبالاردى تاسىمالداۋ, ساقتاۋ جانە وتكىزۋ كەزىندە مەملەكەت اتىنان الۋشى نەمەسە اگەنت جۇمساعان شىعىستارعا ءاربىر ءتۇر بويىنشا نەگىزدەلگەن (تومەندە كورسەتىلگەن شىعىستاردى تولەۋ مىندەتتەرىنە كۋالىك ەتۋ) جانە قۇجاتتامالىق (باستاپقى قۇجاتتاردىڭ تۇپنۇسقالارىمەن نەمەسە كۋالاندىرىلعان كوشىرمەلەرىمەن) راستالعان شىعىستار جاتادى:

1) ساۋدا بروكەرىنىڭ, تەرمينال يەسىنىڭ كوميسسيالىق سىياقىسى نە ولاردىڭ ساۋدا-دەلدالدىق فۋنكتسيالاردى ورىنداعانى ءۇشىن وتەماقى;

2) مۇناي قۇبىرى جانە تەمىر جول جۇيەلەرى بويىنشا تاسىمالداۋ شىعىستارىنا قوسا وسى شىعىستار ءتۇرى بويىنشا اۆانستىق تولەمدەر, سونداي-اق تاريفتەردەگى وزگەرىستەردى جابۋ شىعىستارى;

3) پايدالى قازبالاردى وتكىزۋ پۋنكتىنە دەيىن جۇرەتىن جولدا ەكسپورتقا كەدەندىك رەسىمدەۋ بويىنشا شىعىستاردى قوسا العاندا, جۇك قۇجاتتارىن رەسىمدەۋ بويىنشا كورسەتىلەتىن قىزمەتتەر;

4) پايدالى قازبالاردى رەزەرۆۋارلاردا جانە كولىك كومپانياسىنىڭ قويمالارىندا ساقتاۋ بويىنشا شىعىستار;

5) قابىلداۋ, ايداۋ, اۋىستىرۋ, اعىزۋ, قۇيۋ, ساقتاۋ, ارالاستىرۋ بويىنشا شىعىستاردى قوسا العاندا, پايدالى قازبالاردى تيەۋ-تۇسىرۋمەن بايلانىستى شىعىستار;

6) قويما شىعىستارىن, ەكسپەديتورلىق كورسەتىلەتىن قىزمەتتەردىڭ قۇنىن جانە جۇك ينسپەكتورىنىڭ كورسەتىلەتىن قىزمەتتەرىنە اقى تولەۋدى قوسا العاندا, تاسىمالداۋ جانە (نەمەسە) وتكىزۋ كەزىندە تولەنگەن ءۇشىنشى تاراپتاردىڭ (كورسەتىلەتىن قىزمەتتەردى بەرۋشىلەردىڭ) شىعىستارى;

7) پايدالى قازبالاردىڭ ساپاسى بويىنشا كولىك كومپانيالارى (مۇناي ساپاسى بانكى) تالاپ ەتەتىن شىعىستار;

8) پايدالى قازبالاردى ساقتاندىرۋ بويىنشا شىعىستار;

9) كولىكتىك-ەكسپەديتورلىق كورسەتىلەتىن قىزمەتتەر;

10)  بانك قىزمەتتەرىنىڭ قۇنى, ەرتە تولەم ءۇشىن ساتىپ الۋشىنىڭ سىياقىسى, اقشا قاراجاتتارىن ايىرباستاۋ بويىنشا شىعىستار, باعامدىق ايىرماشىلىقتار, ونىڭ ىشىندە ۆاليۋتانى نارىقتىق باعام جانە ءبىر كۇندەگى ۆاليۋتا ايىرباستاۋ مامىلەسىنىڭ ناقتى باعامى بويىنشا باسقا شەتەل ۆاليۋتاسىنا ايىرباستاۋ كەزىندە تۋىندايتىن ايىرماشىلىقتار, اككرەديتيۆ بويىنشا شىعىستار;

11)  تۇرىك بۇعازدارىن ءوتۋ, مەملەكەت اتىنان الۋشىعا نەمەسە اگەنتكە بايلانىستى سەبەپتەر بويىنشا تيەۋ پورتىنداعى ايلاقتار اراسىندا تاسىمالداۋ بويىنشا شىعىستار, سونداي-اق تيەۋ پورتىنداعى تانكەرلەردىڭ نورماتيۆتەن تىس تۇرىپ قالۋى;

12)  سالىق اگەنتى سالىقتاردى ۇستاپ قالۋ بويىنشا مىندەتتەمەلەردى ورىنداماعان كەزدە تولەنگەن سالىقتاردى قوسپاعاندا, پايدالى قازبالاردى تاسىمالداۋ مەن وتكىزۋگە بايلانىستى جانە مەملەكەت اتىنان الۋشىنىڭ نەمەسە اگەنتتىڭ تىكەلەي مىندەتتەمەسى بولىپ تابىلاتىن سالىقتاردى, ەكولوگيالىق تولەمدەردى, كەدەندىك تولەمدەردى, كەدەندىك باجدار مەن الىمداردى, بيۋدجەتكە باسقا دا مىندەتتى تولەمدەردى تولەۋ شىعىستارى;

13)  بەرىلگەن شىعىس تۇرلەرى بويىنشا اۆانستىق تولەمدەردى قوسا العاندا, پايدالى قازبالاردى تاسىمالداۋ جانە وتكىزۋ ماقساتتارى ءۇشىن ىرىكتەمە مەن جەتكىزۋلەردى باسقارۋمەن جانە ۇيلەستىرۋمەن بايلانىستى سەرۆيستىك كەلىسىمدەر بويىنشا شىعىستار;

14)  زاڭدىق, نوتارياتتىق كورسەتىلەتىن قىزمەتتەرگە جانە سوت-تورەلىك شىعاسىلارعا, ساراپتامالار بويىنشا كورسەتىلەتىن قىزمەتتەرگە, پوشتالىق-كۋرەرلىك كورسەتىلەتىن قىزمەتتەرگە شىعىستار;

15)  جارتىلاي ۆاگونداردى جالعا الۋ, جوندەۋ, تۇراققا قويۋ, ۆاگونداردى جۇمىلدىرۋ جانە تاراتۋ, جارتىلاي ۆاگونداردى قىزمەت كورسەتۋ پۋنكتىنە جەتكىزۋ, ۆاگونداردى تازارتۋ جانە دايىنداۋ, جارتىلاي ۆاگونداردى كورروزياعا قارسى جابىنمەن جابۋ, ماگيسترالدىق تەمىرجول جەلىلەرىنە جانە ينفراقۇرىلىم وبەكتىلەرىنە قىزمەت كورسەتۋ, مارشرۋتتىق جولداردا (قاجەتتى قوزعالىستى قامتاماسىز ەتۋ ءۇشىن) قىزمەت كورسەتۋ, جارتىلاي ۆاگونداردا تاسىمالداۋ ءۇشىن ەرەكشە جاعدايلاردى الۋ, تاسىمالداۋدى ۇيىمداستىرۋ ءۇشىن كوميسسيالار, بەلگىلەنگەن ستانتسياداعى مانەۆر جاساۋ جۇمىستارى, بەلگىلەنگەن ستانتسيادان ءتۇسىرۋ تەرمينالىنا ۆاگونداردى بەرۋ-جيناۋ, تەرمينالدىڭ كورسەتىلەتىن قىزمەتتەرى, جۇكتەردى سۇيەمەلدەۋ, ءتۇسىرۋ كەزىندە ۆاگونداردان جابىنداردى الىپ تاستاۋ بويىنشا شىعىستار.

17. شىعىستار بىرنەشە سالىق كەزەڭدەرىنە جاتاتىن جاعدايلاردا, مۇنداي شىعىستار تولەم جۇرگىزىلگەن سالىق كەزەڭىندە قابىلدانادى.

18. پايدالى قازبالاردى اگەنت ارقىلى ساتقان كەزدە, ەگەر كورسەتىلەتىن قىزمەتتى بەرۋشى شىعىستاردى راستايتىن قۇجاتتاردى قازاقستان رەسپۋبليكاسىنىڭ ۇلەسىن تولەۋ بويىنشا مىندەتتەمەلەردى ورىنداۋ ەسەبىنە بەرىلگەن, مەملەكەت اتىنان الۋشىنىڭ پايدالى قازبالار كولەمدەرىنە جاتاتىن كورسەتىلەتىن قىزمەتتەردىڭ قۇنىن كورسەتپەستەن اگەنتتىڭ اتىنا بەرەتىن بولسا, مۇنداي شىعىستاردى اگەنت وتكىزىلگەن پايدالى قازبالار كولەمدەرىندەگى ءتيىستى ۇلەستەرىنە تەپە-تەڭ بولەدى. اتالعان شىعىستاردى اگەنت مەملەكەت اتىنان الۋشىعا ەسەپتىك كەستە تۇرىندە بەرەدى, بۇل رەتتە ەسەپتىك كەستەلەر مەن اگەنت كۋالاندىرعان قۇجاتتاردىڭ كوشىرمەلەرى راستاۋشى قۇجاتتار بولىپ تابىلادى.

3-تاراۋ. ەكسپورتقا رەنتا سالىعى جانە پايدالى قازبالاردى ءوندىرۋ سالىعى بويىنشا مىندەتتەمەنى زاتتاي نىساندا ورىنداۋ

19. جەر قويناۋىن پايدالانۋشى مەملەكەت اتىنان الۋشىعا ەكسپورتقا رەنتا سالىعى مەن پايدالى قازبالاردى ءوندىرۋ سالىعى بويىنشا سالىق مىندەتتەمەلەرىن ورىنداۋ ەسەبىنە بەرەتىن پايدالى قازبانىڭ كولەمى بىرلىگىنىڭ باعاسى مىنا فورمۋلا بويىنشا ايقىندالادى:

تس(ساعا) = ءتسورتولش. – ءترورتولش. – Speنm.

مۇنداعى:

تس(ساعا) – ساعادا ەسەپتەلەتىن پايدالى قازبالاردىڭ كولەمى بىرلىگىنىڭ ەسەپتىك باعاسى;

ءتسورتولش. – پايدالى قازبالار كولەمىنىڭ بىرلىگىن وتكىزۋدىڭ ورتاشا ولشەمدى باعاسى, ول مىنا فورمۋلا بويىنشا ايقىندالادى:

ءتسورتولش. = Sساتۋ / Vجالپى

مۇنداعى:

Sساتۋ – سالىق كەزەڭىندەگى بارلىق باعىتتار بويىنشا پايدالى قازبالاردىڭ سوعان قاتىستى پايدالى قازبانى بەرۋ جۇرگىزىلەتىن وسى ءتۇرىن وتكىزۋدەن تۇسكەن جالپى كىرىس;

ءترورتولش. – پايدالى قازبالار كولەمىنىڭ بىرلىگىن تاسىمالداۋ جونىندەگى ورتاشا ولشەمدى شىعىستار, ولار مىنا فورمۋلا بويىنشا ايقىندالادى:

ءترورتولش.= تر/V جالپى;

مۇنداعى:

تر – سالىق كەزەڭىندە وتكىزىلگەن پايدالى قازبالاردىڭ سوعان قاتىستى پايدالى قازبانى بەرۋ جۇرگىزىلەتىن وسى ءتۇرىن تاسىمالداۋ جونىندەگى شىعىستاردىڭ جالپى سوماسى;

Speنت. – پايدالى قازبالار كولەمىنىڭ بىرلىگىنە ارنالعان ەكسپورتقا رەنتا سالىعىنىڭ سوماسى, ول مىنا فورمۋلا بويىنشا ايقىندالادى:

Speنm. – S/Vجالپى;

مۇنداعى:

S – سالىق كەزەڭىندەگى سالىق كودەكسىنىڭ 302-بابىنا سايكەس ەسەپتەلگەن, سوعان قاتىستى پايدالى قازبالاردى بەرۋ جۇرگىزىلەتىن ەكسپورتقا رەنتا سالىعىنىڭ اقشالاي ماندەگى سوماسى;

Vجالپى – سالىق كەزەڭىندە وتكىزىلگەن پايدالى قازبالاردىڭ سوعان قاتىستى پايدالى قازبانى بەرۋ جۇرگىزىلەتىن وسى ءتۇرىنىڭ ناقتى كولەمى.

20. ەكسپورتقا رەنتا سالىعى جانە پايدالى قازبالاردى ءوندىرۋ سالىعى بويىنشا سالىق مىندەتتەمەلەرىن ورىنداۋ ەسەبىنە جەر قويناۋىن پايدالانۋشى مەملەكەت اتىنان الۋشىعا بەرەتىن پايدالى قازبالاردى ساتۋ وسى قاعيدالاردىڭ 7-13-تارماقتارىندا كوزدەلگەن تارتىپپەن, سالىق تولەۋشى پايدالى قازبالاردى ءوندىرۋ سالىعى, ەكسپورتقا رەنتا سالىعى تۇرىندە قازاقستان رەسپۋبليكاسىنا زاتتاي نىساندا بەرىلەتىن پايدالى قازبالار كولەمدەرىن جەتكىزۋ پۋنكتىن, شارتتارىن جانە مەرزىمدەرىن كوزدەيتىن, «جەر قويناۋى جانە جەر قويناۋىن پايدالانۋ تۋرالى» 2010 جىلعى 24 ماۋسىمداعى قازاقستان رەسپۋبليكاسىنىڭ زاڭىنا سايكەس جاسالاتىن كەلىسىمشارتقا قوسىمشا كەلىسىمنىڭ ەرەجەلەرىن ەسكەرە وتىرىپ جۇزەگە اسىرىلادى.

21. ەكسپورتقا رەنتا سالىعىن تولەۋ ەسەبىنە بەرىلەتىن پايدالى قازبالاردىڭ كولەمىن ايقىنداۋ سالىق كودەكسىنىڭ 302-بابىنا سايكەس ەسەپتەلگەن اقشالاي ماندەگى سالىق سوماسىن جانە پايدالى قازبالار كولەمى بىرلىگىنىڭ ەسەپتىك باعاسىن نەگىزگە الا وتىرىپ, مىنا فورمۋلا بويىنشا جۇرگىزىلەدى:

V رەنت. = Speنm. / تس(ساعا)

مۇنداعى:

Vرەنت. – ەكسپورتقا رەنتا سالىعىن تولەۋ ەسەبىنە مەملەكەت اتىنان الۋشىعا سالىق تولەۋشى زاتتاي نىساندا بەرۋى ءتيىس پايدالى قازبالاردىڭ كولەمى;

Sرەنت. – سالىق كودەكسىنىڭ 302-بابىنا سايكەس سالىق كەزەڭى ىشىندە ەسەپتەلگەن, سوعان قاتىستى پايدالى قازبالاردى بەرۋ جۇرگىزىلەتىن اقشالاي ماندەگى ەكسپورتقا رەنتا سالىعىنىڭ سوماسى;

تس(ساعا) – ساعادا ەسەپتەلەتىن پايدالى قازبالار كولەمى بىرلىگىنىڭ ەسەپتىك باعاسى.

22. پايدالى قازبالاردى ءوندىرۋ سالىعىن تولەۋ ەسەبىنە بەرىلەتىن پايدالى قازبالاردىڭ كولەمىن ايقىنداۋ سالىق كودەكسىنىڭ 335-بابىنا سايكەس ەسەپتەلگەن اقشالاي ماندەگى سالىق سوماسىن جانە پايدالى قازبالار كولەمى بىرلىگىنىڭ ەسەپتىك باعاسىن نەگىزگە الا وتىرىپ, مىنا فورمۋلا بويىنشا جۇرگىزىلەدى:

Vپقوس = Sپقوس /تس(ساعا)

مۇنداعى:

Vپقوس – سالىق تولەۋشى پايدالى قازبالاردى ءوندىرۋ سالىعىن تولەۋ ەسەبىنە الۋشىعا زاتتاي نىساندا بەرۋى ءتيىس پايدالى قازبالاردىڭ كولەمى;

Sپقوس – سالىق كودەكسىنىڭ 335-بابىنا سايكەس سالىق كەزەڭى ءۇشىن ەسەپتەلگەن, سوعان قاتىستى پايدالى قازبالاردى بەرۋ جۇرگىزىلەتىن پايدالى قازبالاردى ءوندىرۋ سالىعىنىڭ اقشالاي ماندەگى سوماسى;

تس(ساعا) – ساعادا ەسەپتەلەتىن پايدالى قازبالار كولەمى بىرلىگىنىڭ ەسەپتىك باعاسى.