اعىمداعى جىلى بادانا, جەرجاڭعاق جانە نوقات سەكىلدى بۇرشاق داقىلدارىن 6 گەكتاردان 50 گەكتارعا دەيىن ەگۋدى ارتتىرۋ جوسپارلانۋدا, دەپ حابارلادى «اقتوبە اقپارات» اقپارات ورتالىعى.
جالپى, اۋدان اكىمىنىڭ سوزىنە قاراعاندا 2017 جىلى اۋىل شارۋاشىلىق داقىلدارىنىڭ ەگىس الاڭدارى 4361 گەكتارعا دەيىن ارتىپ, 28,6 مىڭ گەكتاردى قۇرايتىن بولادى. سونىمەن قاتار, 2016 جىلى 85,8 مىڭ گەكتاردان استام يگەرىلمەگەن اۋىل شارۋاشىلىق جەرلەرى مەملەكەتتىك قورعا قايتارىلدى. جاڭا شارۋا قوجالىقتارىنا 166 مىڭ گەكتارعا جۋىق جەر بەرىلدى.
«اۋداندا اۋىل شارۋاشىلىق سالاسىن مەملەكەتتىك قولداۋ شارالارى بەلسەندى جۇرگىزىلۋدە. 2016 جىلدىڭ قورىتىندىسى بويىنشا «سىباعا» باعدارلاماسى 208%, «التىن اسىق» 116% جانە «قۇلان» باعدارلاماسى 100% ورىندالدى. شارۋ قوجالىقتارىن ءىرى قارا مالدىڭ تۇقىمدىق باسىمەن قامتاماسىز ەتۋ ماقساتىندا 1000 باسقا رەپرودۋكتور جاساۋ جۇمىستارى جۇرگىزىلۋدە. بۇگىندە ءبىز اۋىل شارۋاشىلىعىنىڭ ءداستۇرلى ەمەس ءتۇرىن دامىتۋعا باسا نازار اۋدارىپ كەلەمىز. سوعالى سەلولىق وكرۋگىندە اۋدان بويىنشا العاشقى ارا ءوسىرۋ شارۋاشىلىعى اشىلدى. ەشكى, قويان, قاز, ۇيرەك باعۋمەن اينالىساتىن اۋىل شارۋاشلىق وندىرۋشىلەر سانى ارتۋدا. ال, بۇلاق سەلولىق وكرۋگىندە 2016 جىلدان باستاپ وبلىستاعى جالعىز تۇيەقۇس فەرماسى جۇمىس جاسايدى»,-دەپ حابارلادى مەيرامبەك شەرماعانبەت.
اۋدان اكىمى سونىمەن بىرگە, اۋىلشارۋاشىلىق كووپەراتيۆتەرىن دامىتۋعا دا جان-جاقتى توقتالدى. ونىڭ ايتۋىنشا, 2016 جىلدان باستاپ وسى ۋاقىتقا دەيىن اۋداندا 13 وندىرىستىك كووپەراتيۆتەرى اشىلدى. 2017 جىلدىڭ سوڭىنا دەيىن تاعى 7 الەۋمەتتىك-كورپوراتسياسى ۇيىمداستىرىلاتىن بولادى.
