كۇندەر وتە كەلە قوس قارلىعاشتىڭ سالعان ۇياسىنان سارىاۋىز بالاپانداردىڭ شىقىلىقتاعان ۇندەرى دە ەستىلە باستادى. ەندى قوس قارلىعاشتىڭ كەزەكپەن كەزەك جەدەلدەتە بالاپاندارىنا سىنعان تەرەزە ارقىلى ازىق تاسۋلارى دا ۇدەيە ءتۇستى. بىراق, سىنعان تەرەزە اينەگىنىڭ ۇشكىر قىرلارىنىڭ ۇشتارى بالاپاندارىنا تىنباستان ازىق تاسىپ جۇرگەن قوس قارلىعاشتىڭ ءبىرىنىڭ ءومىرىن قيىپ جىبەرگەندىگى وكىنىشتى بولدى.
باۋىرىن اينەكتىڭ سىنىعى ءتىلىپ ءجىبەرگەن, قىزىل قانعا بويالا شالقاسىنان ءولىپ جاتقان قارلىعاشتى كورگەن تولەگەن دە ءوزىنىڭ ۇلكەن قاتەلىك جىبەرگەندىگىنە, اينەكتى دەر كەزىندە اۋىستىرماعان سالاقتىعىنا وكىنىپ, بارماعىن تىستەگەن كۇيىندە تۇرىپ قالدى.
تولەگەن ەندى جالعىز قالعان قارلىعاشتىڭ قانداي كۇيدە بولارىن, كۇندەلىكتى ءتىرلىگىن قاداعالاي باستادى. سىنعان اينەكتىڭ ۇشكىر كوزدەرىن الىپ تاستاۋدى دا ۇمىتپادى.
اقىرىندا جالعىز قالعان قارلىعاشتىڭ ۇياداعى ون بالاپاندى ءبىر ءوزى تىنىمسىز ازىقتاندىرىپ, قاناتتاندىرىپ ۇشىرىپ شىعارعاندىعىن كورگەن ءتولەگەن قارلىعاشتىڭ ءتىپتى كەيبىر ادام بالاسىنىڭ ءوزى جاساي المايتىن قامقورلىعىنا تاڭ-تاماشا بولدى.
تاستاندى بالالار سانىن كوبەيتىپ جۇرگەن بەزبۇيرەك انالارعا قاراعاندا, قارلىعاشتىڭ بۇل ءىسى كىم-كىمدى بولسا دا ويلاندىراتىن جاعداي ەدى.
مۇسىربەك ايتاشەۆ
باتىس قازاقستان وبلىسى,
سىرىم اۋدانى
