– سوناۋ 1990 جىلى كەڭەس وكىمەتىنىڭ ۇستەمدىك ەتىپ تۇرعان كەزى. ول كەزدە مەن 20 جاستامىن. بىردە اۋلا-قورامىز ورتەندى. مەنىڭ اتامنىڭ اتاسى مەكتەپقاليدان قالعان قۇراندى جۇرت كوزىنە كورسەتپەي, كەبەجەگە سالىپ قوياتىن ەدى. ونىڭ سەبەبى, اۋىلداعى بەلسەندىلەر قۇران وقيدى, ءدىننىڭ سارقىنشاعى دەگەن سوزدەرىنەن قاشىپ, وسىلاي جاسىرادى ەكەن. ءبىر عاجابى, سول ورتتە قۇراننىڭ اينالاسى عانا ورتەنىپ, باسقا جەرى امان قالدى. ءبىز تاڭعالدىق. قاسيەتتى دەگەن وسىندايدان قالعان بولار, دەيدى ج.نىعمەتوۆ.
ەندى قۇراننىڭ قاي جىلدان كەلە جاتقانىن ەسەپتەر بولساق, ونىڭ اكەسى ساعيدوللا, ونىڭ اكەسى نىعمەت, نىعمەتتىڭ اكەسى مەكتەپقالي, بىلايشا ايتقاندا, جانبولات اعانىڭ ءۇشىنشى اتاسىنىڭ قۇرانى. سوندا بۇل قۇراندى پايدالانعانعا عاسىر جارىم ۋاقىت بولعان.
قاسيەتتى قۇراننىڭ ورتكە ورانباعان بەتتەرىن «بيسميللا راحمان راحيم» دەپ ىشتەي وقىپ, سۋرەتكە ءتۇسىرىپ الدىم.
جۇلدىز اسقار
باتىس قازاقستان وبلىسى,
قازتالوۆ اۋدانى
