مەكتەپتىڭ 6-7 سىنىپ وقۋشىلارى «يماندىلىق جۇرەككە ۇيالاسا», «اتا-اناڭ سەنىڭ بايلىعىڭ», «قايىرىمدىلىق اسىل قاسيەت», «يماندىلىق جاراسادى ۇل-قىزعا», «ادامگەرشىلىك تاربيەسى باستى ماقسات» ت.ب تاقىرىپتاردا سىنىپ جەتەكشىلەرىمەن بىرىگىپ, ونەگەلى تاربيە ساعاتتارىن وتكىزدى. باۋىرمالدىلىققا باۋليتىن باستاما قايىرىمدىلىق جارمەڭكەسىمەن جالعاستى. ونى ءوزىن-ءوزى باسقارۋ ۇيىمىنىڭ جەتەكشىسى جاقسىلىق ساپارعالي ساتىمەن ۇيىمداستىرا ءبىلدى. مەكتەپ ۇجىمى مۇنىمەن توقتاماي, مۇعالىمدەر مەن وقۋشىلار قارتتار ۇيىنە بارىپ, قازىنا كەۋدە جانداردىڭ جاعدايىن ءبىلىپ قايتتى. قارتتار ۇيىنە قىرىق وقۋشى, جەتى مۇعالىم باردى. وقۋشىلاردىڭ ءوزىن-ءوزى باسقارۋ ۇيىمى اقپان ايىندا تۋعان قاريالارعا سىيلىقتار بەرىپ, كونتسەرت ۇيىمداستىردى. ناۋقاستانعان, جۇرە المايتىن قاريالاردىڭ بولمەلەرىنە بارىپ, كوڭىلىن كوتەرىپ قۇتتىقتادى.
«شاراپاتتى شارا بارىسىندا شاكىرتتەر ۇلكەندەردى سىيلاۋ, قۇرمەتتەۋ كەرەك ەكەنىن, ولارعا قىزمەت ەتۋ كەرەكتىگىن ءتۇسىندى. قازاقتا «اناڭدى مەككەگە ءۇش رەت ارقالاپ اپارساڭ دا, پارىزىڭ وتەلمەيدى» دەگەن ماقال بار ەمەس پە. ۇققانعا بۇل ماقالدىڭ مازمۇنى تەرەڭ. قارتتار بۇلدىرشىندەرگە اق باتاسىن بەرىپ, ريزاشىلىقتارىن ءبىلدىردى. جاقسى كوڭىل كۇيمەن شىعارىپ سالدى», دەيدى مەكتەپ ديرەكتورى كۇنىمحان سماعۇلقىزى.
نۇرداۋلەت نۇرسەيىتوۆ
