كەلل برۋك گولوۆكيننىڭ وسال تۇستارىن دەنيەل دجەيكوبسقا انىق كورسەتكەنىن ايتقان بولاتىن. ال دومينيك ينگل شاكىرتىنىڭ قازاقستاندىق بوكسشىنىڭ بۇرىنعى دەڭگەيدە جۇدىرىقتاسا المايتىنىن دالەلدەگەنىن العا تارتتى.
«جەكپە-جەك بەسىنشى راۋندتا اياقتالدى. ونى توقتاتقان مەن ەمەسپىن, ءتىپتى رەفەري دە ەمەس. گەننادي ونى سوققىلارىنىڭ استىنا الۋمەن بولدى. برۋكتىڭ جاتتىقتىرۋشىلارى شىداماي ۇتىلعاندارىن مويىندادى. ارى قاراي نەنى ايتۋعا بولادى؟ برۋكتىڭ وكىلدەرى ايقاستى توقتاتپاعاندا ارى قاراي جالعاسار ەدى. بىراق ونىڭ بۇگىندە شارشى الاڭداعى جولى ارى قاراي جالعاسا ما؟ قازىر ەررول سپەنسپەن ايقاسى وتەدى دەپ ويلاماس تا ەدىم», – دەدى ابەل سانچەس.
«ادام جەڭىلگەننەن كەيىن ويىنا نە كەلسە سونى ايتۋمەن بولادى. تاعى دا قايتالاپ ايتامىن, ايقاستى برۋكتىڭ بۇرىشى توقتاتتى», – دەدى گولوۆكيننىڭ جاتتىقتىرۋشىسى.
قوس بوكسشىنىڭ اراسىنداعى جەكپە-جەك وتكەن جىلدىڭ قىركۇيەك ايىندا لوندوندا ءوتتى. بەسىنشى راۋندتا كەلل برۋكتىڭ جاتتىقتىرۋشىلارى جەڭىلگەندىگى جونىندە شارشى الاڭعا ورامال تاستاعاننان كەيىن جەكپە-جەك توقتاتىلدى. بوكس كەشىنەن كەيىن 30 جاستاعى بىلعارى قولعاپ شەبەرىنىڭ كوزى زاقىمدانعانى ءارى تەز ارادا وتا جاساتۋ كەرەكتىگى بەلگىلى بولدى.
ايتا كەتەيىك, برۋكتىڭ ەررول سپەنسپەن ايقاسى 27 مامىر كۇنى انگليادا وتەدى.
