سونىمەن قاتار, ۇلىستىڭ ۇلى كۇنىن تويلاۋ كەزىندە بۇقار جىراۋ داڭعىلى جابىلماي, كيىز ۇيلەر ورتالىق ساياباقتا تىگىلەدى دەپ كۇتىلۋدە. حالىقتىڭ جاپپاي سەرۋەنى دە سول ايماقتا وتپەك. مەرەكە كۇندەرى جاۋىنگەر-ينتەرناتسيوناليستتەر كوشەسىنىڭ بويىندا جانە كاسكادتىق ساتىدا ءتۇرلى ۇيىمداردىڭ 33 كيىز ءۇيى, 27 ساۋدا شاتىرشالارى, ۇستەلدەر ورناتىلماق. سونداي-اق, باۋىرساق پەن پالاۋ ازىرلەنىپ, ارنايى قۇرىلعان شاتىرلاردا قايىرىمدىلىق شارالارى ۇيىمداستىرىلادى. ەكسكۋرسيا جۇرگىزىلەتىن كيىز ۇيلەر مەن «شەبەرلەر قالاشىعى» جۇمىس ىستەيتىن بولادى.
كيىز ۇيلەر 21 ناۋرىزدا ورناتىلىپ, باستى مەرەكەلىك شارالار 22 ناۋرىزدا وتپەك. ساياباق ساحناسىندا كوپشلىك نازارىنا ميۋزيكل ۇسىنىلادى, ال وزەننىڭ جاعاسىندا ۇلتتىق سپورت تۇرلەرىنەن جارىستار ۇيىمداستىرىلادى.
ميراس اسان,
«ەگەمەن قازاقستان»
