ەلىمىزدىڭ باسىم بولىگىندە قار جاۋىپ, كوكتايعاق بولۋى مۇمكىن

بۇگىن ەلىمىزدىڭ باسىم بولىگىندە اتموسفەرالىق اعىمداردىڭ وتۋىنە بايلانىستى جاۋىن-شاشىن بولىپ, قار جاۋى مۇمكىن. كەي جەرلەردە تۇمان, كوكتايعاق بولىپ, جەل كۇشەيەدى. بۇل تۋرالى «قازگيدرومەت» رمك حابارلادى. اقمولا وبلىسىندا تۇمان ءتۇسىپ, كۇندىز جەلدىڭ جىلدامدىعى سەكۋندىنا 15-20 مەترگە دەيىن جەتەدى, ءارى كوكتايعاق بولادى. سولتۇستىك قازاقستان وبلىسىنىڭ كەي جەرلەرى تۇماندى بولىپ, تۇندە جەلدىڭ جىلدامدىعى سەكۋندىنا 15-20 مەترگە دەيىن كۇشەيەدى, كۇندىز جاياۋ بۇرقاسىن بولىپ, كوكتايعاق بولۋى مۇمكىن. پاۆلودار وبلىسىنىڭ كەي جەرلەرىندە كۇندىز جەلدىڭ جىلدامدىعى سەكۋندىنا 15-20 مەترگە دەيىن كۇشەيەدى. جامبىل وبلىسىنىڭ كەي جەرلەرىندە تۇمان, كوكتايعاق بولىپ, جەلدىڭ جىلدامدىعى سەكۋندىنا 15-20 مەترگە دەيىن ارتۋى مۇمكىن. وڭتۇستىك قازاقستان وبلىسىنىڭ كەي جەرلەرىندە تۇمان بولىپ, تۇندە جانە تاڭەرتەڭ جەلدىڭ جىلدامدىعى سەكۋندىنا 15-20 مەترگە دەيىن كۇشەيەدى. ماڭعىستاۋ وبلىسىندا, اتىراۋ وبلىسىنىڭ كەي جەرلەرىندە جەلدىڭ جىلدامدىعى سەكۋندىنا 15-20 مەترگە دەيىن كۇشەيەدى. قىزىلوردا, باتىس قازاقستان, اقتوبە, قوستاناي, قاراعاندى, شىعىس قازاقستان وبلىستارىندا, سونداي-اق تۇندە الماتى وبلىسىنىڭ كەي جەرلەرىندە تۇمان ءتۇسۋى ىقتيمال.