جابايى ۇيرەكتىڭ توسىن «قىلىعى»

جىمپيتى اۋىلىنىڭ تۇرعىنى, زەينەتكەر تولەگەن ەسمۇحانوۆ كۇندەلىكتى ادەتىمەن ۇيقىسىنان ەرتە ويانعان سوڭ, قوراداعى مالدارىن ورىسكە شىعارماق بولادى. مالداردى كەزەكپەن ايداپ, ەسىكتەن شى­­عارىپ ءجۇر­گەندە ول جەم-ءشوپ سالاتىن شاعىن استاۋ­شا ىشىنەن تى­نىمسىز شىقى­لىقتاعان با­لا­پاندار­دىڭ ءۇنى, ىلە-شالا قاناتىن سابالاپ, بالا­پان­­­دارىن جان­ۇشىرا قورعاعان جابايى ۇيرەكتى كورىپ, اڭ-تاڭ تۇردە تۇرىپ قالىپتى. عاجاپ! دالانىڭ جابايى ۇيرەگى اۋىلدىڭ ورتاسىنداعى ءۇيدىڭ قورا-جايىنا قالاي كەلدى, وسى جەرگە ۇياسىن سالىپ, بالاپاندارىن وربىتۋىندە قانداي سىر بار ەكەن؟! تاڭ-تاماشا كۇيدە قالعان تولەگەن استاۋشا ىشىندەگى مالدىڭ قالدىق شوبىنە ۇيا سالعان دالا ۇيرەگىنىڭ بالاپاندارىن قامقورلىققا الىپ, شاعىن ىدىسقا سۋ قۇيىپ, جەم سالىپ قويۋدى دا ۇمىتپادى. بالكىم, بالاپاندار جەم جەپ داعدىلانسا, باعىمعا ۇستاۋعا بولار ما ەدى دەگەن ويدىڭ دا كەلگەنى راس. بىراق, ەرتەڭگىسىن ءبارى دە باسقاشا بولدى. ىدىسقا قۇيىلعان جەم-سۋعا اۋىز دا تيگىزبەگەن ۇيرەك بالاپاندارىن سوڭىنان ەرتىپ, كەڭ دالاعا مامىرلاي باسىپ كەتە بارىپتى. زەينەتكەر تولەگەن ەسمۇحانوۆ ماۋسىم ايىندا مال قوراسى ىشىنەن ون بالاپانىن ءوربىتىپ, ءوز مەكەنىنە امان-ەسەن اتتانىپ كەتە بارعان دالا ۇيرەگىنىڭ بۇل كەلىسىنىڭ سەبەبىن تۇسىنبەسە دە شاڭىراعىندا باقىت قۇسى قونعانداي جاقسىلىققا جورىپ وتىر. لايىم شىنىندا جابايى ۇيرەكتىڭ بۇل جۇمباعى بەرەكەگە باستاي بەرگەي. مۇسىربەك ايتاشەۆ باتىس قازاقستان وبلىسى, سىرىم اۋدانى