قاراپايىم تۇرعىندار ۇكىمەتكە تىكەلەي ساۋال جولداي الادى

قر ۇكىمەتىنىڭ ءباسپاسوز قىزمەتى الەۋمەتتىك ماڭىزى بار تاۋارلاردىڭ باعاسىن بەلگىلەۋ ماسەلەسىنە ارنالعان جيىن وتكىزبەك. جيىن بارىسىندا جۋرناليستەرمەن قاتار كەز كەلگەن ازاماتتىڭ دا الەۋمەتتىك جەلى ارقىلى ۇكىمەتكە تىكەلەي ساۋال جولداۋىنا مۇمكىندىك ۇسىنىلماق. مينيسترلەر كابينەتىنىڭ وتىرىسى 14 ناۋرىزدا وتەدى. شارادان كەيىن ۇلتتىق ەكونوميكا ءمينيسترى, دەنساۋلىق ساقتاۋ ءمينيسترى, ەڭبەك جانە الەۋمەتتىك قورعاۋ ءمينيسترى مەن اۋىل شارۋاشىلىعى ءمينيسترى جۋرناليستەرمەن قاتار قاراپايىم تۇرعىنداردىڭ دا ساۋالىنا جاۋاپ بەرەدى. ساۋالداردى ask@pm.kz پوشتالىق مەكەن-جايىنا نەمەسە تومەندەگى سىلتەمەلەردىڭ بىرىنە جولداۋعا بوادى: fb.me/primeminister.kz. fb.me/primeminister.int. twitter.com/primeminister_k. twitter.com/primeministerkz. twitter.com/primeministere. ەستەرىڭىزگە سالا كەتەيىك, اقپان ايىندا قازاقستاننىڭ ۇلتتىق ەكونوميكا ءمينيسترى دوللار باعامىنىڭ تومەندەگەنىنە قاراماستان ازىق-ت ۇلىكتىڭ نەگە ارزانداماي جاتقانىن تۇسىندىرگەن ەدى.