ازيادا – وليمپياداعا دايىندىق الاڭى

ورتالىق كوممۋنيكاتسيالار قىزمەتىندە مادەنيەت جانە سپورت مينيسترلىگى سپورت جانە دەنە شىنىقتىرۋ ىستەرى كوميتەتىنىڭ توراعاسى ەلسيار قاناعاتوۆ قازاقستان سپورتشىلارىنىڭ VIII قىسقى ازيا ويىندارىنداعى ناتيجەلەرىنىڭ قورىتىندىسىن شىعاردى. – بيىلعى ازيا ويىندارى جاپونيانىڭ ساپپورو قا­لاسى مەن حوككايدو ارالىندا ورنالاسقان وبيحيرو قالاسىندا ءوتتى. وعان جەر ءجۇزىنىڭ وتىزدان استام ەلىنىڭ سپورتشىلارى قا­تىستى, – دەپ باستادى ءسوزىن ەلسيار بايمۇحامەد ۇلى. ودان ءارى كوميتەت توراعاسى سپورتتىڭ 11 تۇرىنەن 64 مەدال جيىنتىعى ساراپقا سا­لىنعان ويىنداردا وتانداس­تارىمىزدىڭ ءساتتى ونەر كور­سەتكەنىن, جارىستا قازاقستان سپورتشىلارى 9 التىن, 11 كۇمىس جانە 12 قولا مەدالدى ج­ە­ڭىپ العانىن ايتتى. ونىڭ ايتۋىن­شا, بۇعان دەيىن سپورتشىلارى­مىز بەس ازيا ويىندارىنا قا­تى­سىپ, بارلىعى 69 التىن, 51 كۇمىس جانە 44 قولا جۇلدە يە­لەنگەن بولاتىن. ال 2011 جى­لى استانا مەن الماتىدا ءوت­كەن سىندا ساڭلاقتارىمىز 32 ال­­تىن, 21 كۇمىس جانە 17 قولا مە­دالدى مىسە تۇتتى. بيىلعى ازيادادا قازاقستان قۇراماسى تا­­عى دا الدىنا جاپونيا, وڭ­تۇس­­تىك كورەيا مەن قىتايدى ءجى­­بە­رىپ, ءتورتىنشى ورىندى قا­نا­عات تۇتتى. – كۇنشىعىس ەلىندە ءبىزدىڭ سپورتشىلارىمىز قىسقى سپورتى جاقسى دامىعان جاپونيا, وڭتۇستىك كورەيا جانە قىتايدىڭ قىز-جىگىتتەرىمەن يىق تەڭەستىرىپ ءبا­سەكەلەستى. ولار ازيادادا بار­لىق جارىستارعا قاتىستى. ءاسى­رەسە, بياتلون, موگۋل, حوككەي مەن شاڭعى جارىسىندا چەم­­پيو­ن اتانعان سپورتشىلارعا ري­زامىز. سولاردىڭ ارقاسىندا كوك بايراعىمىز توعىز رەت جە­ل­بىرەپ, ءانۇرانىمىز وينال­دى. مىسالى, گالينا ۆيش­نەۆ­سكايانىڭ ءبىر ءوزى بياتلوندا ءتورت رەت قۇرمەت تۇ­عى­رىنىڭ ەڭ بيىك ساتىسىنا كو­تەرىلدى. ال يان ساۆيتسكي بول­سا ءۇش رەت التىن جۇلدەنى الىپ, ەكى رەت كۇمىس مەدالمەن كۇپتەلدى. داريا ۋسانوۆا دا قالپاقپەن ۇرىپ الا­تىن قارسىلاس ەمەستىگىن كور­­سەتتى. سول سياقتى موگۋلدا يۋليا گالىشەۆا, شاڭ­عىدا رينات مۋحين, ەلەنا كولو­مي­نا­نىڭ, كونكيمەن جارىسۋدا دە­نيس كۋزيننىڭ ەڭبەگىن اتاپ ءوتۋ كەرەك, – دەدى ول. جالپى, ەلسيار قاناعا­تو­ۆ­تىڭ ايتۋىنشا, ازيادادا سپورت­شىلارىمىز مۇمكىن بول­عان جاعدايدىڭ ءبارىن جاساپ, قول­دا تۇرعان جۇلدە­لەردى قار­سى­ل­استارىنىڭ قانجى­عا­سىنا باي­لاپ بەرمەۋگە تىرىس­تى. – ازياداعا ءبىزدىڭ كەيبىر مىقتى دەگەن سپورتشىلارىمىز قاتىسا المادى. ولار الەمنىڭ تۇكپىر-تۇكپىرىندە ءوتىپ جاتقان حالىقارالىق تۋرنيرلەر مەن الەم چەمپيوناتتارىنا قاتىسىپ جاتىر. كەيبىرەۋى كەلەسى جىلى وڭتۇستىك كورەيادا وتەتىن قىس­قى وليمپاداعا دايىندالۋدا. دەگەنمەن, قىسقى سپورتتى سە­رىك ەتكەن قىز-جىگىتتەرىمىز ەلى­مىز­دىڭ نامىسىن قولدان بەرمەۋ­گە تىرىسىپ, جاپونيادان ءجۇل­دەنىڭ ءتۇر-ءتۇرىن ولجالاپ اكە­لدى. ەندى ولار ۇكىمەتتىڭ ءتيىس­تى قاۋلىسىمەن اقشالاي سىي­اقى الىپ, ماراپاتتالادى. قازاق قىسقى سپورتىنىڭ بو­لا­شاعى زور. قازىر ەلىمىزدىڭ جەر-جەرىندە شاڭعى, موگۋل, بيات­لون, كونكي مەن حوككەي سياق­تى سپورت تۇرلەرى جاقسى دامىپ كەلەدى. ەگەر بۇرىن قىسقى سپورت سولتۇستىك پەن شىعىس ءوڭىر­لەردە قاناتىن كەڭ جايعان بول­سا, بۇگىندە وڭتۇستىك وبلىس­تار­دا اياعىنا كونكي كيىپ, قو­لى­نا حوككەي تاياعىن ۇستاعان جاس­تاردى ءجيى كورۋگە بولادى. بۇل تۇپتەپ كەلگەندە, قازاق سپورتى­نىڭ بولاشاعى زور دەگەن ءسوز. وسىنداي سپورتقا يكەمدى, ونى جان-تانىمەن ءسۇيىپ, سەرىك ەتكەن قىز-جىگىتتەرىمىز بولسا, قازاقستاننىڭ كوك بايراعى ءالى تالاي ازيادالاردا بيىكتەن كورىنەدى دەپ ويلايمىن, – دەپ قورىتتى ءسوزىن ەلسيار قاناعاتوۆ. داستان كەنجالين, «ەگەمەن قازاقستان» استانا