يساتاي ارنايى سىيلىققا يە بولدى

اتىراۋدا سپورتتىڭ جەكپە-جەك تۇرىنەن ەرلەر جانە قىزدار ارا­سىنداعى قازاقستان چەمپيوناتى ءوتتى. ەلىمىزدىڭ تۇكپىر-تۇكپىرىنەن جايىق جاعاسىنا جينالعان 200 سپورتشى ەكى كۇن بويى باقتارى مەن باپتارىن سىنعا سالدى. جارىستىڭ اشىلۋ سالتاناتىنا قاتىسقان وبلىس اكىمى نۇرلان نوعاەۆ بۇل سپورت تۇرىنەن ەل چەمپيوناتى اتىراۋدا العاش رەت ۇيىمداستىرىلىپ وتىرعانىنا توقتالدى. كسرو جانە قازاقستاننىڭ ەڭبەك سىڭىرگەن جاتتىقتىرۋشىسى, ەرەجەسىز جەكپە-جەكتەن الەمنىڭ بىرنەشە دۇركىن چەمپيونى, دۇنيەجۇزىلىك جەكپە-جەك قاۋىمداستىعىنىڭ پرەزيدەنتى سابىرجان ماحمەت ءدۇبىرلى دودانىڭ نامىستى دا جىگەرلى جاستاردى تاربيە­لەۋدەگى ماڭىزىن باسا ايتتى. – جارىس الەم چەمپيوناتىنا ىرىكتەۋ ءتۋرنيرى رەتىندە ءوتتى. جۇلدەگەرلەر اس­تا­نا قالاسىندا ەكسپو-2017 كورمە­سىنە ارنالىپ ۇيىمداستىرىلاتىن الەمدىك دودادا باق سىنايدى, – دەيدى وبلىستىق جەكپە-جەك ۇلتتىق سپورت فەدەراتسياسىنىڭ پرەزيدەنتى ءماديحان بەكبەنبەتوۆ. – اتىراۋدىڭ اتىنان جارىسقا شىققان قىزدارىمىز جوق, سەبەبى وبلىستىق جەكپە-جەك ۇلتتىق سپورت فەدەراتسياسىنىڭ اشىلعانىنا ءبىر جىلداي عانا ۋاقىت ءوتتى. اتىراۋلىق ارۋلار بۇل سپورت تۇرىنە ەندى عانا قادام باسىپ جاتىر. قازىر وبلىس ورتالىعىندا ەكى جانە قۇرمانعازى, جىلىوي, يندەر اۋداندارىندا بولىمشەلەرىمىز بار. از ۋاقىتتىڭ ىشىندە اتالعان سپورت تۇرىنەن ەكى الەم جانە بەس قازاقستان چەمپيوندارى تاربيەلەنىپ شىقتى. ەكى كۇنگە سوزىلعان سايىس قورىتىن­دىسىندا جالپىكوماندالىق ەسەپتە الماتىلىقتار جۇلدە سانى بويىنشا ءى ورىن الدى. ەكىنشى ورىن اقتوبە وبلىسى كومانداسىنا بۇيىرىپ, اتىراۋلىقتار ءۇشىنشى ورىنعا ىلىكتى. ال 85 كيلو سالماق دارەجەسىندە جەڭىسكە جەتكەن اتىراۋلىق يساتاي تەمىروۆتى ءوڭىر باسشىسى ارنايى سىيلىقپەن ماراپاتتادى. باقىتگۇل باباش, «ەگەمەن قازاقستان» اتىراۋ