يادرولىق سالا كاسىپورىندارى مەملەكەتتىك تاپسىرىستاردى ۋاقتىلى ورىنداپ كەلەدى

قازاقستاننىڭ يادرولىق عى­لىم مەن تەحنيكا, اتوم كاسىپ­ور­نى الەمدىك وركەنيەتتىڭ كوش­باسشىلارى ەكەندىگى ءاۋ باس­تان بەلگىلى. اتومشى ماماندار بۇگىندە ەلباسىنىڭ جولداۋىندا ناقتى ايتىلعان تاپسىرمالار بويىنشا جۇمىس ىستەپ جاتىر. ارينە, بۇلاردىڭ بارلىعى ءجاي عانا زەرتتەۋ ەمەس, قازاقستاننىڭ اتوم سالاسى الد­اعى ۋاقىتتا ءدال بۇگىنگىدەي الەمدەگى باسەكەلەستىككە توتەپ بەرە الۋى كەرەك. 2017 جىلى «قازاقستاننىڭ يادرو­لىق قوعامى» وسى باعىت بويىنشا جۇ­مىستارىن جالعاستىرا بەرمەك. با­س­تى ماقسات – ەكسپو كورمەسىنە قا­تىسۋ. بۇدان باسقا دا شارالارعا كەل­سەك, «يادرولىق قوعام» اتوم ەنەر­گەتيكاسى سالاسى ماماندارىنا ارنالعان حالىقارالىق جيىندار ۇيىمداستىرىپ, ءار ەلدىڭ مامان­دا­رىمەن تاجىريبە الماسۋدى دا جال­عاس­تىر­ماق. جانە بولاشاقتا وقۋشى, ستۋ­دەنت­تەرگە ارنالعان اقپاراتتىق-وقىتۋ باع­دارلامالارىن قولعا الادى. بۇگىندە اتوم ەنەرگەتيكاسى الەم­دە­گى ەنەرگيا تۇتىنۋدىڭ 5 پايىزىن عانا قامتاماسىز ەتىپ وتىر. جاڭادان 60 جاڭا بلوكتار سالىنىپ جاتىر دە­سەك, ول نەگىزىنەن ازيا ەلدەرىندە, اتاپ ايت­قاندا, قىتاي, ءۇندىستان, وڭ­تۇستىك كورەيا, تۇركيا جانە بىرىككەن اراب ءامىر­لىكتەرى. 2016 جىلدىڭ قورى­تىن­دى­سى بويىنشا دۇنيە جۇزىندە ون جاڭا بلوك ىسكە قوسىلعان. ءۇش بلوك ازىرشە توق­تاتىلىپ, جاڭادان ءۇش بلوكتىڭ قۇ­رىلىسى باستالىپ كەتكەن. ال 2017 جىل­دىڭ باسىندا-اق قىتاي جاڭا بلوكتى ىسكە قوسىپ ۇلگەرىپتى. – استانادا ءبىز ەنەرگەتيكا مي­نيس­ترلىگىمەن بىرلەسىپ, «يادرو­لىق قو­عام» قۇرامىنا كىرەتىن «قازاتوم­ونەر­كاسىپ» ۇك, كۋرچاتوۆتاعى ۇلتتىق يادرو­لىق ورتا­لىق جانە باسقا دا ەلى­مىز­­دەگى اتوم ءون­دىرىسى سالاسىنىڭ ما­مان­دارىنىڭ با­سىن قوسىپ, كونفەرەنتسيا وتكىزدىك, – دەدى «قازاقستاننىڭ ياد­رو­لىق قوعامى» قاۋ­ىمداستىعىنىڭ ات­قارۋشى ديرەك­تورى ناتاليا جدا­نو­ۆا. وسى «يادرولىق قوعام» بۇل كۇن­دە­رى جاپونيا, رەسەي, فرانتسيا, اقش ەل­دەرىنىڭ يادرولىق كووپەراتسيالارىمەن تىعىز بايلانىستا. «قازاقستاننىڭ يادرولىق قوعامى» – تاۋەلسىز ءارى كوممەرتسيالىق ەمەس ۇيىم. قۇرامىنا اتوم سالاسىن ەلباسى تاپ­سىرماسىمەن بەيبىت ماقساتقا پاي­دالانۋ جانە ءارى قاراي دامىتۋ ءۇشىن زاڭدى تۇلعا رەتىندە تىركەلگەن كوپ­تەگەن عىلىمي-وندىرىستىك مەكەمەلەر كىرگەن. – «قازاقستاننىڭ يادرولىق قو­عا­مى» 1992 جىلى قۇرىلسا, ەلىمىزدىڭ ءار تۇكپىرىندە بولىمدەرى بار. اتوم ەنەر­گەتيكاسى بويىنشا قۇرىلعان اقپاراتتىق ورتالىق جاقسى جۇمىس ىستەپ كەلەدى, مۇنىڭ وپەراتور-باي­لا­نىس­شىلارى «قازاقستاننىڭ يادرو­لىق قوعامى» جانە «رەسەيدىڭ يادرولىق قوعامى», – دەيدى ناتاليا جدانوۆا. ورتالىقتىڭ ماقساتى, اتوم ەنەرگەتيكاسى مەن يادرولىق تەحنولوگيالاردى مەكتەپ وقۋشىلارى اراسىندا نا­سيحاتتاپ, بالالاردىڭ تەحنيكالىق بىلىمگە دەگەن قىزىعۋشىلىعىن ارتتىرۋ كورىنەدى. العاشقى جىلدىڭ وزىندە-اق ورتالىققا 14 424 ادام كەلىپتى. راۋشان نۇعمانبەكوۆا شىعىس قازاقستان وبلىسى, كۋرچاتوۆ قالاسى سۋرەتتى تۇسىرگەن اۆتور