قر ەمەس قازاقستان, قازاقستان رەسپۋبليكاسى

وسى كۇنى باسىلىمداردى,­ كە­رەك قۇجاتتاردى قو­لى­­­ڭا الساڭ, قر دەگەن ەكى ءارىپ الدىڭنان شى­عا­دى. ءاري­­­نە, بۇل تولىق جاز­ساڭ, قا­زاق­ستان, قازاق­ستان رەس­پۋب­­­ليكاسى دەگەن ۇعىم­دى ءبىل­­دىرەدى. «جاق­سى ءسوز – جا­­­رىم ىر­ىس» دەپ ۇققان قا­­­زاق ءۇشىن الگى ەكى ءارىپتىڭ كەي­­دە ەس­تى­لۋى قۇ­لاققا ءتۇر­پى­­­دەي تيە­تىن­ىن نەسىن جا­سى­­­را­مىز. تىك­سىندىرەتىنى دە بار. بايا­عىدا ميحايل گور­­­­با­چەۆتىڭ قايتا قۇرۋى با­س­­­تالعاندا ۇلكەندەر جاعى «قۇ­­­رىساڭ, قۇرى» دەپ ءجيى اي­­­تۋشى ەدى. اقىرى قۇرىپ تىن­­دى. قالاي دەسەك تە, قاي ءسوز­­دىڭ دە جاقسى ەستىلگەنى كە­رەك-اق. تاۋبە, تاۋەلسىز مەملەكەتپىز. ەل­باسىنىڭ سارا ساياساتىنىڭ ار­قاسىندا ءتورت قۇبىلامىزدى ءتۇ­­گەندەپ, الەمگە تولىقتاي تا­نىل­دىق. يىقتاسىپ وتىرىپ, تەڭ دارەجەدە سويلەسەتىن كۇنگە دە جەت­تىك. ەندەشە, وتانىمىز كو­لە­مىندەگى لاۋازىم يەلەرىنىڭ, ءۇل­كەن دارەجەلى مەكەمەلەردىڭ, قا­بىل­دانعان قۇجاتتاردىڭ نەمەسە ءتيىس­تى ورگاندارعا جونەلتەتىن حات ال­­ماسۋلاردىڭ الدىنا قر-نى قو­سۋ­دىڭ قاجەتى قانشا؟ ءوز ەلىمىزدە قر دەمەسەك تە, ياعني ەكى ءارىپتى قوس­­پاساق تا قالىپتاسقان قازاق ەلى, قازاقستان مەملەكەتى ەكەنىمىز ءتۇ­سى­نىكتى ەمەس پە؟! ءيا, وزگە مەملەكەتتەرگە, باس­قا ەلدەرگە بارعاندا, نە ءبىزدىڭ وتا­نىمىزعا وزگە جۇرتتاردىڭ مەم­­لەكەت, ۆەدومستۆو باسشىلا­رى كەل­گەندە, البەتتە قر دەپ ەمەس, قازاقستان نەمەسە قازاقستان رەس­پۋب­­ليكاسى دەپ جازۋ كەرەكتىگى ءوزى­نەن ءوزى تۇسىنىكتى. قر دەپ جازسا, قىرعىز رەسپۋبليكاسى دا ەسكە ءتۇ­سەدى. بۇل قازاق كسر دەگەن ءسوز كە­شەگى كەڭەس داۋىرىندە رەسپۋبليكا­لاردى بىرىنەن ءبىرىن اجىراتۋ ءۇشىن قولدانىلعانى بەلگىلى. سونى جاڭ­عىرتا بەرۋ ەلدىگىمىزگە جاراس­پاي­تىنى ايداي اقيقات. قر ۇعا اكا­دەميگى دەپ جازاتىنىمىز دا بار. وسىنى ۇعا دەسەك تە, ۇلتتىق عى­لىم اكادەمياسىنىڭ اكادەميگى ەكە­نىن قازاق ەلىنىڭ ازاماتتارى ۇعا­رى حاق. جالپى, قىسقارعان سوزدەردى قولدانۋدىڭ بەلگىلى ءبىر جۇيەسىن قا­لىپ­تاستىرىپ, ەلدىگىمىزگە, ۇلت­تىق ۇعى­معا سايكەستەندىرسەك ۇتىلماس ەدىك. كەيبىر قىسقارعان سوزدەر قار­سى الدىڭدا قاسقايىپ تۇرعاندا ەكى بەتىڭ شيەدەي قىزارادى. قاتار كە­لە جاتقان ۇرپاعىڭ: «بۇل قالاي؟» دە­سە, ءتىلىڭدى تىستەرىڭ ءسوزسىز. ءتىپتى, شەت جۇرتتاردىڭ ارپىمەن جازىلعان ودان دا سوراقىلاردى كوزىڭ شال­عاندا, سول جارناماعا رۇقسات بەر­گەن­دەردىڭ قازاق ۇعىمىنا «ساۋاتى» كەم­شىن-اۋ دەمەسكە شاراڭ جوق. مۇنداي نارسەنى ءجىتى ەسكەرۋ ار­قىلى قازاقى قالىپتى بۇزباي, ك­ە­يىنگىگە جەتەلى ۇعىم جەتكىزۋدى ەس­كەرسەك ەكەن دەگەن نيەتتى ورتاعا سالۋدى ءجون كوردىك. سۇلەيمەن مامەت, «ەگەمەن قازاقستان»